8:43 PM | Author: ghorBty






موضوع الهويه دائما ما يشغل بالي هل بجد احنا معتزين بهويتنا كمسلمين والا فيه عدد كبير مننا مش في دماغه اصلا موضوع الهويه ويمكن كمان ما يعرفش يعني ايه هنقلكم بعض المعلومات عن الهويه وبعد كدا عايزه شويه اكلم واخد حريتي في الموضوع دا

الهوية معناها: تعريف الإنسان نفسه فكرًا وثقافة وأسلوب حياة.. أو هي مجموعة الأوصاف والسلوكيات التي تميز الشخص عن غيره.

وكما أن للإنسان هوية كذلك للمجتمع والأمم هوية.. فهناك مجتمع إسلامي، ومجتمع علماني، وهناك النصراني، وأيضا الشيوعي والرأسمالي.. ولكل منها مميزاتها وقيمها ومبادؤها.
فإذا توافقت هوية الفرد مع هوية مجتمعه كان الأمن والراحة والإحساس بالانتماء، وإذا تصادمت الهويات كانت الأزمة والاغتراب. ومن هنا يمكنك فهم معنى حديث النبي صلى الله عليه وسلم: "بَدَأَ الإِسْلاَمُ غَرِيبًا وَسَيَعُودُ كَمَا بَدَأَ غَرِيبًا؛ فَطُوبىَ لِلْغُرَبَاءِ"[مسلم].



مفهوم الهويه بقا واضح دلوقتي

نركب بقا الكلمتين جنب بعض

هويه اسلاميه
اول ما تشوف الكلمتين كدا ايه اول حاجه بتجي علي الذهن
انا عن نفسي بتصور الحياه جميله ونقيه وجوها كله تقوي وايمان مدام فيه كلمة اسلام

لان اسلامنا جميل بمعني الكلمه بس احنا اللي بعدنا عنه ومشينا بدماغنا فكانت هي دي النتيجه مجتمع وافراد بلا هويه او بهويه منتكسه سواء سمي نفسه علماني لبيرالي ايا كان
انا اللي اعرفه مادام قلنا لا اله الا الله محمد رسول الله يبقي اللي يحكم ثقافتنا واسلوب حياتنا وتعاملاتنا هو ربنا وشرعه وسنه رسولنا عليه الصلاة والسلام

لكن اسمع كلام غريب من افواه نطقت الشهاده وبعد كدا تقول انتوا هتدخلوا الدين في كل شئ طيب ادينا خرجنا الدين من حاجات كتير وشوفوا الحاله اللي وصلنا لها ربنا يرحمنا برحمته
فين احنا من قول الله تعالي
{قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ }الأنعام
وقول سيدنا عمرو رضي الله عنه فعلا تحقق
نحن قوم اعزنا الله بالاسلام ....فاذا ابتغينا العزه بغيره ازلنا الله


احنا دلوقتي اي مظهر من مظاهر التدين مرفوض وعليه علامات استفهام وتعجب وشك وناس تقول الناس بتتقدم وانتوا هتاخرونا والدين دا في القلب وربنا رب قلوب ولا حول ولا قوه الا بالله
انا دائما لما بسمع حد يقول كدا بيجي في بالي علطول آيه وان كان سياق الايه بتتكلم عن الحج الا اني بحسها في كل شئ انا بقوم به ربنا عز وجل بيقول

ذَلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ

لو قلبك فعلا فيه الله وفيه تقوي هتعظم كل شعيرة من شعائر الله وتحترم اي رمز للدين
واحد اول ما يسمع حي علي الصلاه يسيب اللي بيعمله ويجري علي المسجد هذا لا يدل الا علي قلب تقي عظم شعيرة الصلاة
واحد سمع قول الله تعالي قُل لِّلْمُؤْمِنِينَ يَغُضُّوا مِنْ أَبْصَارِهِمْ ومشي غاضض بصرة هذا لا يدل الا علي قلب تقي عظم امر الله
وواحده سمعت قول الله تعالي وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ ومشيت غاضه بصرها هذا لا يدل الا علي قلب تقي عظم امر الله
واحده التزمت بحجابها صح هذا لا يدل الا علي قلب تقي عظم شعيرة الحجاب

نسمع بقي دا تخلف ورجعيه ومش عارفه ايه وبعدين يقولوا الدين في القلب وجوا ابيض وكلام كدا كتير وبنسمعه كلنا انا بقولهم الدين عندكم لا في القلب ولا غيره
(اذا صلح القلب صلحت الجوارح فيصلح العمل ) وكمان الايمان ما وقر في القلب وصدقه العمل
يعني لازم يكون هناك عمل

كلمه اخيره : يا من امنت بالله ربا وبالاسلام دينا وبمحمد صلي الله عليه وسلم نبيا ورسولا يا ريت تعيش بالاسلام وتعتز بهويتك ولا تغتر بكثرة المسميات لا شئ اعظم من اسلامنا ربنا كرمنا به واحنا بندور علي الموضي والاستيل وحياه غربيه بعيده عن الايمان والتقوي وبركه رضي الله
وعلي قول احمد بو خاطر في نشيد صمتا انا مسلم والمجد يقطر كالندي والعز كل العز في ايماني
فليحدد كلا منا هويته ويرضي بها ويتحمل نتيجه اختياره
ولا تزر وازرة وزر اخري
وان كان المجتمع ضدك فاقول لك كما قال رسولنا عليه الصلاة والسلام فطوبي للغرباء
فكفنا فخرا وعزا ان نكون من الغرباء


You can follow any responses to this entry through the RSS 2.0 feed. You can leave a response, or trackback from your own site.

16 comment:

On 11/1/08, 5:39 PM , الطالبة عفو الله said...

السلام عليكم

اختي في الله بارك الله فيك و جزاك الله خيرا

احيي فيك غرتك على الاسلام

الموضوع جد قيم

ليت كل مسلم يدرك معنى انه مسلم و انه صاحب هوية اسلامية

فوقتها يسدرك ما عليه من واجبات اتجاه دينه

ربنا يصلح حالنا و يهدينا جميعا

جعل الله موضوعك هذا في ميزان حسناتك اخيتي

دمتي في حفظ الله

 
On 11/1/08, 5:43 PM , الرومـيصاء said...

جزاكى الله خيرا على الموضوع الرائع ده
وياريت كل مسلم يفكر شويه
ويجلس مع نفسه جلست صدق
هل انا حقا مسلم
ام انه شىء ورثته كأى شىء
اللهم اجعلنا مسلمين
دمتى بحفظ الله

 
On 11/1/08, 11:04 PM , رحيق الحياة said...

أختي جزاكي الله خيرا

لو تعلمين ما نعيشه نحن المسلمين في أوروبا.....نعيش في محيط غريب عنا واجب علينا فيه أن نتأقلم معه و تأقلمي معه بأن فرضت علي من يحيطون بي فكرة أن يقتنعوا بأني مسلمة بكل ما في الكلمة من معني و الحمد لله إعتزازي بهويتي الإسلامية و تمسكي بقواعد رسمتها طريقا لي كي و بعون الله لا أحيد عن طريق الإسلام في بلد ليس بمسلم و بإعتقادي كل الأمور تعتمد علي مدي حبنا لإسلام و تعتمد أيضا علي قوة شخصيتنا فحتي فكله يعتمد عليها فإن غيرنا أنفسنا لأجل لتأقلم في بلد ليس بإسلامي فشخصنا هو الضعيف و إيماننا ليس بقوي و لكن إن كنا ما نحن و أرينا حبنا لإسلامنا لهم فلن يرفضونا بل علي العكس سنكون نموذجا للمسلم المتمسك و المعتز بإسلامه

تحياتي لك

رغدة

 
On 11/2/08, 2:14 AM , blue-wave said...

بجد جزاكى الله خيرا على هذا البوست الرائع

 
On 11/3/08, 5:30 PM , saheda.com said...

ختى فى الله
السلام عليكم ورحمة الله وبركاته
انا سعيدة جدا بمواضيعك
وفقك الله لما هو خير لهذه الامه
لقد نجح اعداء الاسلام فى نزع الهويه الاسلامية
من قلوب وعقل المسلمين
واحضروا عبارات وكلمات
ليرددوها على الشعوب
حتى صارت امر واقع فى امتنا
ولكن بفضل الله وجود الصحوة الاسلاميه
ووجود الهمة
سوف ترجع الهوية الاسلامية الى سابق
عدها بايدى مخلصين
باعوا انفسهم واموالهم
واهليهم لله

 
On 11/3/08, 7:34 PM , ghorBty said...

اختي الطالبة عفو الله

سلام الله عليك ورحمته وبركاته

جزاني الله واياك وبارك الله في عمرك

اختي قد يفهم البعض عندما اتكلم في مثل هذه المواضيع اني عندي نظرة تشائميه وما اقوم به الا نقد للواقع وبس وكثيرا ما اسمع اننا لازم نكون دائما ايجابين بس بجد فيه مواضيع لا يكون بيديكي الا الكلام لمجرد انك تطلعي اللي جواكي فكثيرا ما تمر علي حالات احس فعلا ان الارض قد ضاقت ولا اجد لي فيها مكان
لان المفروض ان احنا نطبق ما نؤمر به في القران لكن شتان بيين المفروض والواقع بجد ما هو بالامر السهل الا بالاستعانه بالله عز وجل والدعاء بان يجعلنا من الصابرين
دائما ما اتكلم انا وصديقه لي عن الظروف الي احنا فيها وازاي لازم نغير في اللي حوالينا ولازم نعمل شئ مش كلام وبس وادينا بنحاول وتجربه المدونه بالنسبه لي جعلتها سبب في ذلك لعل كلامه تخرج بصدق مني تنال اي قلب وتكون سبب ان يجعلني الله من الامنين يوم الحساب
بارك الله فيك ويسعدني مرورك دائما
دمت بخير وسلام واسال الله ان يجمعني واياك في مستقر رحمته

 
On 11/3/08, 7:40 PM , ghorBty said...

اختي الرميصاء

السلام عليك والرحمه

جزاني الله واياك

والله عندك حق دائما ما اسمع الشيخ العوضي يقول كدا لما كان بيقابل مسلمين جدد وتشوفيهم عندهم عزيمه وهمه وقناعه تامه بتطبيق شرع الله واد ايه عندهم هم توصيل الاسلام لكل اللي حواليهم
كان ساعتها بيقول دا الفرق بين اسلام الوراثه واسلام القناعه والحب
ربنا يهدي ويغفر وان شاء الله الخير موجود وما علينا الا ان ندعوا الله
ان يردنا الي الاسلام مردا جميلا ويعزنا به كما كان حال السابقين
بوركتي اختي ويسعدني مرورك دائما
دمت بخير وسلام وسكينه

 
On 11/3/08, 7:56 PM , ghorBty said...

اختي رحيق الحياه

السلام عليكم ورحمة الله وبركاته

سعدت جدا بك وبكلامك الله يثبتك ان شاء الله والدين دين اينما كنت واللي عايز يثبت بيثبت في اي مكان سواء بلاد مسلمه او غير مسلمه والله كلاهما سواء احنا برضوه عندنا فتن كتير وما بايدينا الا الاستعانه بالله والصبر علي الطاعه الم يقل الرسول صلوات الله عليه يأتي على الناس زمان الصابر فيه على دينه مثل القابض على الجمر

تعرفي اللي بيخلي الواحد يحزن بجد ان اللي بيحارب شرع ربنا مسلمين زينا زيهم سواء الحرب دي علانيه او بطريق غير مباشر سواء بالاعلام الفاسد او بافكار منافيه للشرع او فيها بدعه
بجد الواحد بيدعيلهم ان ربنا يهدي نفوسهم
وانتي وان كنت في بلاد غير مسلمه فعندك فرصه انك تدعوا غيرك بسلوكك اكتر من الكلام فثباتك علي دينك واظهاره بصورة جميله هتخليهم اكيد يتمني يعرفوا ايه الدين دا بالضبط وان شاء الله ربنا يهدي الكثير بسببك
ولأن يهدي الله بك رجل واحد خير لك من حمر النعم
لو تعرف شيخ كويتي اسمه محمد العوضي كان في رمضان مستضيف في برنامجه وزير ايطالي اسلم وهو عنده 26 سنه بسبب سلوك واحد سعودي مسلم كان بيدرس معاه في ايطاليا وتشوفيه وهو بيكلم ما شاء الله عليه قلبه مليان حب للدين دا وبيعمل جاهدا لنشر الدعوه تخيلي كل اعماله دي في ميزان المسلم السعودي دا
وان شاء هنزل الحلقه علي المدونه علشان تشوفيها بجد هتفرحي بكلامه جدا
وهكذا يجب ان يكون المسلم
ثبت الله خطاك وجعلك من عباده الصالحين
ويسعدني جدا مرورك عندي
دمت بخير وسلام

 
On 11/3/08, 7:58 PM , ghorBty said...

blue-wave

جزاني واياكم

 
On 11/3/08, 8:05 PM , ghorBty said...

saheda.com

السلام عليكم والرحمه

الله يكرمك ويعزك بارك الله فيك

اقولك علي حاجه اعداء الاسلام بيعملوا جاهدين لتخريب الهويه انا معاك بس احنا اللي اديناهم الفرصه بنلاقي ناس مبهورين جدا بالثقافه الغربيه وللاسف ما بيخدوش منها غير السئ وبس حلو انك تنبهر بس خد الشئ اللي يناسب عقيدتك ودينك مش تقليد اعمي وبس
وبعدين نقول هما بيتقدموا واحنا ليه حالنا كدا ومحاضرات ومشاورات وناس راحه وناس جايه والحال راكد زي ما هو لاننا ما سمعناش ولا طبقنا قول الله تعالي

ولا تهنوا ولا تحزنوا وانتم الاعلون ان كنتم مؤمنين

حققوا الايمان الاول وربنا بيقول لكم وانتم الاعلون

ربنا يصلح لنا الاحوال
بارك الله فيك اختي
ودمت بخير وسلام ويسعدني مرورك دائما

 
On 11/9/08, 10:26 PM , رابطة هويتي اسلامية said...

السلام عليكم ورحمة الله وبركاته

بارك الله فيك

وجزاك الله خيرا

ووفقك الله الي ما يحب ويرضي


انت من القليلي الغيورين علي الاسلام في هذا الزمان الذي قال عنه النبي صلي الله عليه وسلم انه سيكون غريبا


تفاعلتي بسرعة نتمني دوام التفاعل معنا لقد انضم الينا الان عضو سيجعل من الرابطة شعلة نشاط وحيوية نتمني منك ذلك دائما سترين منا الكثير بعد الانتخابات فنحن لم نظهر حتي الان جميع ما لدينا لأن امثالك سيضيفون الكثير الينا بالفعل فلقد نورتي رابطتك الجديدة جزاك الله خيرا

بخصوص الشعار فهو رائع ولكن هناك سببان نريد منك ان تسوعبيهما

**1** نتمني منك تغير الشعار لسبب انه يميل الي شعار دولة السعودية الحبيب القريب من قلوبنا وذلك سيعطي انطباع لدي الكثيرين اننا ننحاز لفكر معين وقد تتداركين ذلك الان ولكن التصميم رائع

**2** لا نستطيع الان تغير الشعار بسبب اننا في البداية وانت تعرفين تغيير الشعار في البداية سيكون مؤثر في نشر الفكرة ولكن صممي الشعار وسيعرض بعد الانتخابات علي اعضاء المجلس الاستشاري للمناقشة وسيتم الموافقة عليه باذن الله

اعجبنا جدا حماسك الراشد للاسلام ونعم لكي ولامثالك بارك الله فيك

بجد وقع ذلك علي اثرنا باشد لحظات الفرح منذذ نشأت الفكرة


هويتي

 
On 11/9/08, 10:58 PM , رابطة هويتي اسلامية said...

السلام عليكم ورحمة الله وبركاته


ندعوكي لتري فلقد تم قبل ردك علينا

هويتي

 
On 11/9/08, 11:08 PM , كلمة حق said...

عايز أقولك بارك الله فيكى من النهارده لبكرة بل لسنة جاية

بجد جزاك الله كل خير وجعل هذه الكلمات فى ميزان حسناتك

زميلك عضو مجلس استشارى رابطة هويتى اسلامية
" كلمة حق "

 
On 11/10/08, 1:47 PM , اقصوصه said...

فعلا موضوع الهوه جدا مهم

استمتعت بقراءة التدوينه

جزاك الله خيرا على الموضوع

 
On 11/10/08, 11:44 PM , ghorBty said...

الاستاذ كلمة حق

السلام عليكم ورحمة الله وبركاته

جزاني واياكم وتقبل الله منا ومنكم صالح الاعمال

 
On 11/10/08, 11:46 PM , ghorBty said...

اختي اقصوصه

جزاني واياكم

بارك الله فيك علي التواصل

دمت بخير وسلام