7:50 PM | Author: ghorBty
اكبر مظاهرة الكترونيه باسم المنتديات العربيه

ادخلوا علي الصورة اللي فوق ضروري وانشروا الحمله في مدونتكم رجاءا

شوفوا هنا تقرير قناة الجزيرة عن الحملة مهم جدا

عن التدوين المقاوم وعن فكرة الحمله

وهنا تعرفوا علي تاريخ القضيه الفلسطنيه

قال رسول الله صلى الله عليه وسلم: من لم يهتم بأمر المسلمين فليس منهم


انها محاولة للامل فالمؤمن دائما لازم يكون متفائل لا ينبغي لمؤمن ربه الله القادر علي كل شئ وبيدة ملكوت كل شئ واذا ارد شئ قال له كن فيكون ان يتشائم ابدا مهما طال الليل واسود لابد لبزوغ الفجر يوما

انه حتما خريف
ملئ الدنيا بشكل مخيف
ارعب الاطفال بصوته المرعب
وشكله المريب
انه حتما خريف
:
اصبري يا أمي
فان للنصر ربيع
سوف يأتي ويطمئن فيه
كل من خاف ورعب
من أصوات الخريف
انه حتما خريف
:
قد تساقط فيه ورقك
ومضي يبكي عليه كل بعيد وقريب
فابشري انه سوف يذهب الي جنه
فيها من كل زوج بهيج
وسيسعد بالعطاء وبرزق ربه
سوف ينعم ويخلد ويري السعد الاكيد
في حدائق ذات بهجه
وجنات لهم فيها ما يشاءون ولهم عند ربهم المزيد
انه حتما خريف
:
سيمر عليك مرة في العمر
فعلمي انت وغيرك من بلاد المسلمين
انه قد ءان وقت الجد والكفاح والعمل المبين
ولا يوجد لدينا وقت للبكاء والعويل
فليتسلح كل واحد منا بسلاح التقوي
وليستعن بالله دوما
ولينادي ياالهي
كن معنا فأنت خير المعين
وانصرنا علي كل معتاد اثيم
الذي لم يرحم فينا شيخا ولا طفلا صغير
بصاروخ ضربونا
ودمروا كل مكان و طريق
اننا نعلم يا الهي
انه حتما خريف
وسوف يشرق فجر امتنا من جديد
فحتي بزوغ هذا الفجر
اريد ان تضعوا امام اعينكم
مهما اسود الليل وسمعتم اصوات
الذئاب واجتمعوا عليكم
سوف ياتي نصر ربي
مهما طال العمر او طال الخريف
انه حتما خريف
:
كيف لمسلم له رب كريم
يشعر بالحزن يوما او بيأس مبين
لا نريد الا صبرا ودعاءا وابتهال للجليل
فستشرق فجر امتنا يوما
مهما طال العمر او طال الخريف
واقرءوا دوما وابدا
الا ان نصر الله قريب
الا ان نصر الله قريب

أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَأْتِكُم مَّثَلُ الَّذِينَ خَلَوْاْ مِن قَبْلِكُم مَّسَّتْهُمُ الْبَأْسَاء وَالضَّرَّاء وَزُلْزِلُواْ حَتَّى يَقُولَ الرَّسُولُ وَالَّذِينَ آمَنُواْ مَعَهُ مَتَى نَصْرُ اللّهِ أَلا إِنَّ نَصْرَ اللّهِ قَرِيبٌ
:
دا واجبنا دلوقتي العمل مع الامل كل واحد يضع في عاتقه ان القضيه ديه قضيته ولازم يعمل ليها لازم ينبه الغافل اللاهي ويخلي الكل يعرف الحكايه مش حكايه غزة لا الحكايه اكبر بكتير الحكايه حكاية احنا ليه كدا بقينا مستضعفين ومش عارفين ناخد حقنا لاننا بعدنا عن هويتنا الاسلاميه وقيامنا فتهنا وتداعت علينا الامم
وصدقت يا رسولي حين قلت
يوشك أن تداعى عليكم الأمم كما تتداعى الأكلة إلى قصعتها.قالوا :أوَ من قلةٍ نحن يومئذٍ يا رسول الله ؟ قال :بل أنتم يومئذٍ كثير ولكن غثاء كغثاء السيل ، ولَيَنزعن الله الرهبة من قلوب عدوّكم وليقذفنّ في قلوبكم الوهن ، قيل :وما الوهن يا رسول الله ؟ قال :حب الدنيا وكراهية الموت


ان شاء الله مش هنبطل ندعي بس لا للتواكل احنا ندعي وربنا يشوف مننا العزم والتغيير والاصلاح
مع الدعاء ما ينفعش نفضل نقول يا رب انصرنا واحنا حالنا لا يسر ولا يبشر بالخير


والنصر ان شاء الله قريب الم يقل رب العزه

كَتَبَ اللَّهُ لَأَغْلِبَنَّ أَنَا وَرُسُلِي إِنَّ اللَّهَ قَوِيٌّ عَزِيزٌ
فلنكن رسل الله بحق حتي ننال النصر


غربتي


You can follow any responses to this entry through the RSS 2.0 feed. You can leave a response, or trackback from your own site.

32 comment:

On 12/30/08, 8:53 PM , smilyrose said...

لا تحــزنى



فغدا ستشرق شمسنا



قبل الرحيل وستبحر الأقمار فى الأفق العليل



وغدا سيتضح السبيل



وغدا سيرحل عن هنا الزمن البخيل

وغدا سيرحل عنا هذا الخريف المخيف

المؤلم يا امى لا تحزنى

تقبلى مرورى

smilyrose

روح الحب الصادق

 
On 12/30/08, 9:24 PM , آخر العنقود said...

صدقتى غاليتى

فانه حتما خريف

سوف تشرق بعده شمسنا

وكيف نيأس أو نلين

وقد قالهها رب العالمين

الا ان نصر الله قريب

فلنعمل ولنجتهد
فانه حتما قريب

بوركتى وبورك قلمك واحساسك المرهف
دمتى بحب ووود
بارك الله فيك

 
On 12/30/08, 9:29 PM , romansy said...

انه حقا خريف ولكنه لا يدوم
يملا الدنيا بورقه المتساقط
ولكن هتخضر الاوراق مره اخرى ويتبدل الموت حياه وستفرح الاشجار وتفرح العصافير وتفرح الدنيا بقدوم الربيع

فلا تحزنى من قدوم الخريف فقد اتى فى حياتنا ليعلمنا عن ما به الربيع من جماااال

 
On 12/30/08, 10:35 PM , zainab said...

حبيبتى غربتى

إن شاء الله مهما طال الليل فلا بد من بزوغ الفجر
و سيأتى يوم نتمتع فيه بالربيع

يارب يكرمك فأنت دائما متألقه تمدينا بالأمل عبر كلماتك الجميلة المشرقه

 
On 12/31/08, 12:21 AM , المعتصم said...

بسم الله الرحمن الرحيم
السلام عليكم ورحمة الله وبركاته
أختى الكريمة غربتى تقبلى تحياتى وتقدير
كلماتك دوما تصيب الحقيقه وتعطى الامل بارك الله فيكى وجزاكى كل الخير واعلمى ولنعلم جميعا بأن نصر الله قريب جدا بإذن الله وان هذه الصحوة التى نمر بها نحن شعوب الامة الاسلاميه والعربيه لابد وان تسفر عن شيئ يقف فى وجه الظلم وان تبداء فى اصلاح الذات وقد قال ربنا عز وجل ((وتلك الايام نداولها بين الناس ))وقد اخذنا دورنا وارى انه حان الدور لكى يأتى الربيع بعد انتهاء الخريف وان نحصد فيه اجمل الثمار
الكلام كثير ولكنى لا احب ان اطيل
تقبلى مرورى وتحياتى ودمتى بكل خير
والسلام عليكم ورحمة الله وبركاته

 
On 12/31/08, 1:42 PM , المعتصم said...

بسم الله الرحمن الرحيم
السلام عليكم
برجاء ارسال الخطوات اللى على عملها للتضامن مع الحملة فانا لا احسن التعامل مع الكومبيوتر ولكى كل الشكر والتقدير

 
On 12/31/08, 2:37 PM , المعتصم said...

بسم الله الرحمن الرحيم
السلام عليكم
اختى الكريمة
دخلت على الموقع وقريت اللى مكتوب بس اللى انا عاوز اعرفه انى افعل المشاركه ازاى
صيام وربنا يقدرنا ونكون على نيه بإذنه تعالى
البنر حاولت احط الصورة بس طالعه منغمشة شويه
عاوز اعرف ايه اللى ممكن تانى اعمله واعمله ازاى يعنى ادخل توقيعى ازاى على الموقع وكده
وبارك الله فيكى وجزيتى عنى خيرا

 
On 12/31/08, 2:59 PM , ماما أمولة said...

جزاكي الله خيرا

لقد دخلت الموقع

وان شاء الله اصوم وادعو الله

لعل الغمة تنزاح عن امتنا

 
On 12/31/08, 3:26 PM , ghorBty said...

استاذ المعتصم

السلام عليكم والرحمه

جزاك الله خيرا

اولا بالنسبه للصورة نزلها من عندي في المدونه وان شاء الله تكون مضبوطه

ثانيا انت مش مهم تشترك او تمضي هما بيقولوا اللي مشتركين بمنتدي الموقع هما اللي يوقعوا لكن الباقي المطلوب منهم هي الاشياء ديه

نعلنها بصوت واحد وبيوم واحد :: غزة دويّ النصرة والعزّة ::

وندعوا الجميع للمشاركة في حملة الصوم العامة
بصيام يوم الخميس 1 \ 1 \ 2009
ويوم الخميس 8 \ 1 \ 2009

ونهدف من خلال هذا إلى مايلي :

- تأكيد التضامن الإنساني والديني مع الشعب الفلسطيني وفلسطين المحتلة .

- ترسيخ الأمل في النفوس , وتحويل الآلام إلى آمال تحيي الهمم والنفوس .

- تذكير الناس بقضية فلسطين , بالرجوع إلى الحقائق والمصادر الموثقة لا الأكاذيب المزورة للحقائق , لتقلب الحق على المقهور المقتول , وتعفي القاتل الجزار الصهيوني من المسؤولية!! .

- مقاومة الإحتلال حق مشروع تقره كل الأعراف الوطنية والمواثيق الدولية , ولايمكن بحال من الأحوال إلقاء اللوم على المقاومة بكل أشكالها الإعلامية والسياسية والعسكرية ,
بل توجه أصابع الاتهام إلى المجرم الحقيقي المحتل الصهيوني .

- طرح رؤى وأفكار عملية للنصرة حتى لانتوقف عند الكلام , بل نتجه للفعل ولو خطوة , وأن لانستهين بالخير مهما كان قليلًا

ومطالبنا مطالب كل إنسان حرّ :

1- فك الحصار عن الشعب الفلسطيني وعن قطاع غزة تحديدًا .
2- أن تتخذ المؤسسات العربية الرسمية موقفًا واضحًا ينكر ويدينُ الاعتداءَات الصهيونية .
3- فتح معبر رفح المصريّ والسماح بدخول المساعَدات الإنسانية والدوائية والغذائية .


لاتقف صامتا , تقدم ولو نصف خطوة

انشرها بين اهلك واصحابك وخليهم يصموا معانا واشرح لهم القضيه وخطورتها وان كل واحد لازم يعرف انها قضيتنا كلنا ولازم نصلح من نفسنا ونتغير للاحسن وانت اكيد عندك كلام ممكن تواجهه وتصلح بيه اللي حواليك وان شاء الله خير
ارجو اني وضحت

غربتي

 
On 12/31/08, 3:39 PM , ماما أمولة said...

انا معك وسأضع البنر والرابط بمدونتي

اللهم اجعل هذا العمل خالصا لوجهك

وتقبله وانصرنا واعزنا

اللهم امين

 
On 12/31/08, 5:17 PM , المـــفـــــــقــــــــوعـــــة مــرارتـهــا said...

وقال رسول الله صلي الله عليه وسلم لا تلقوا بأنفسكم إلي التهلكة... واحنا لا مستعدين لحرب ولا الفلسطينين مستعدين
ليا رجاء عندك ياريت تقري اكتر عن اللي بيحصل في فلسطين وياريت ماتاخديش معلومات من مصادر معادية لمصر وبتهاجم مصر
مصر بعتت 30 مليون جنيه لنصرة اهل غزة في حين ان المصريين في حالة مايعلم بيها الا ربنا
مصر فاتحة معبر رفح للمصابين وصدقيني لو فتحت المعبر لكل الفلسطينين هايدخلوا مصر هايخربوها وهايستقلوا بالارض اللي خدوها وده اللي حصل مع الدول اللي استسلمت لولولة الفلسطينين وفتحت ابوابها ليهم
نفسي اسأل سؤال الناس اللي بتنادي بحرب دي عندها استعداد انها تمسك سلاح وتحارب والا هو كلام بنشحن بيه المشاعر وخلاص
الحرب قادمة قادمة ولكنها يجب ان تكون حرب يجتمع فيها كل العرب مش كل ماحد يتزنق يقول الجيش المصري فيييين
انتي عارفة مين اللي بدأ الضرب ... حماس اللي بدأت وخطفت الجندي اليهودي وهي تعلم علم اليقين اهمية الجندي الاسرائيلي اللي ممكن تقوم عشانه حروب
وماتصدقيش ان رئيسنا هو اللي ادي الاوكي عشان اليهود يضربوا مايقدرش يعمل كدة اليهود دول لئام وهما اللي وضعوا مصر في هذا الوضع المحرج وضربوا بعد زيارتهم لمصر مباشرة
ده مبارك ده فلسطيني قلباً وقالباً

لعنة الله علي حماس هي السبب في قتل الأبرياء فهي التي زجت بالأبرياء في دائرة القصف
حماس سابت اليهود تضربهم وراحت رفعت السلاح علي الجيش المصري اللي واقف علي الحدود بيحمي أرضنا وبينفذ التعليمات
راح ضحيتها رائد 36 سنة عنده ثلاثة من الابناء
ماتقوليش حطوا نفسكم مكانهم احنا لو مكانهم مش هانرفع سلاح علي فلسطيني

 
On 12/31/08, 7:02 PM , ghorBty said...

اختي الكريمة المفقوعه مررتها

السلام عليكم ورحمة الله وبركاته

اولا انا مش فاهمه اي حاجه هو انا جبت سيرة مصر في شئ لا حول ولا قوة الا بالله ومين قال الحرب علي اي اساس كلامك دا بيتقال

وبالنسبه للمعبر فيه ناس بتقول مفتوح وناس بتقول لا واحنا ما قلناش نفتحه والكل يدخل بس حرام يا جماعه ديه ارواح اتعذبت يبقي احنا واليهود عليهم فين احنا من قوله عليه الصلاة والسلام
"مثل المؤمنين في توادهم وتراحمهم وتعاطفهم كمثل الجسد الواحد إذا أشتكى منه عضو تداعى له سائر الجسد بالحمى والسهر

والا احنا بنطبق اللي يريحنا

حماس هي اللي مسئوله او غير حماس انا ما جبتش اي سيرة عن المواضيع ديه لاني ما ليش اني افتي مدام ما شفتش بعيوني

انا اللي شفته مناظر الابرياء اللي بيموتوا واحد وراء التاني وديه ارواح هما صحيح شهداء واحياء عن ربهم يرزقون ان شاء الله بس للدرجه ديد دماء المسلمين بقت رخصيه وملهاش قيمه حتي احنا عملين نشتت نفسنا واهم شئ منظرنا ومنظر بلدنا مصر لو عملت حاجه او دفعت واتبرعت دا ووووووووووووووواجب علينا مش تبرع او صدقه

دا ربنا بيقول

إِنَّمَا الْمُؤْمِنُونَ إِخْوَةٌ

وما ظنش لو اديتي اخوات حاجه تبقي تبرع او صدقه

بلاش نقعد نفكر بالمناظر واحنا عملنا وادينا خلينا بجد نفكر مش بالعصبيه والجنسيات تعالوا نفكر بدم واحد دم تحت لواء قال لا اله لا الله محمد رسول الله

ودا اللي ربنا هيحسبنا عليه

جزاك الله خيرا ونورتي في اول زياره ليك

غربتي

 
On 12/31/08, 7:39 PM , المـــفـــــــقــــــــوعـــــة مــرارتـهــا said...

اوعي تكوني زعلتي مني
حقك عليا
سلام

 
On 12/31/08, 7:48 PM , وهـج ~ said...

ليس لنا كـ/ شعوب الا الصبر والدعاء ..

فإن النصر مع الصبر
وإن الفرج مع الكرب ..
وان بعد العسر يسراً ..

لكن قبل الدعاء .. يجب أن نتفهم معنى (ان الله لا يغير ما بقوم حتى يغيروا ما بأنفسهم) ..
وأن (الرجل يطيل السفر، أشعث أغبر، يمد يديه إلى السماء: يا رب، يا رب. ومطعمه ومشربه حرام، وملبسه حرام، وغُذيَ بالحرام، فأنَّى يستجاب له)

إن رجعنا للدين حتماً سيكون لنا النصر وذلك بوعد من الله ..
لأننا قوم أعزنا الله بالإسلام فإن ابتغينا العزة بغيره أذلنا الله ..
وما الذلة الحاصلة الآن وتسلط العدو الا من سلوك طريق غير ما أراد الله لنا وغير ما أمرنا به ..

ربّ ردنا إليك رداً جميلاً
ولا تؤاخذنا بما فعل السفهاء منا

~

ثم إلى من مرارتها انقفعت ..

أختنا الفاضلة .. بداية ما ذكرتي من قول للرسول عليه الصلاة والسلام قد تكونين تقصدين الآية: و(وَلَا تُلْقُوا بِأَيْدِيكُمْ إِلَى التَّهْلُكَةِ ۛ) من سورة البقرة آية (195) ..
وقد تكونين أيضاً غفلتي عن الآية السابقة لها عند قول الله تعالى: ( الشَّهْرُ الْحَرَامُ بِالشَّهْرِ الْحَرَامِ وَالْحُرُمَاتُ قِصَاصٌ ۚ فَمَنِ اعْتَدَىٰ عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَىٰ عَلَيْكُمْ ۚ وَاتَّقُوا اللَّهَ وَاعْلَمُوا أَنَّ اللَّهَ مَعَ الْمُتَّقِينَ) (194)
رب العالمين يأمر بأن من اعتدى علينا أن نعتدي عليه بمثل ما اعتدى علينا ..
واختطاف الجندي الإسرائيلي حسب ما ذكرتِ ليس بمستوى اعتداء اليهود على فلسطين ولا يمثل نقطة ببحر ..

هل لكِ أن تضعي نفسك مكان الأخوة هناك ؟؟ << سأقولها لأنها ضرورة ملحة حتى تتفهمي الوضع ..
هل لكِ أن تتخيلي لو أن شخص اعتدى على حرمات بيتك فقط وكرر ذلك بدون أن يحاكم ولا أن يوقف عند حده مع إمكانية ذلك وبمباركة من الآخرين .. ومن هم أكبر منكِ .. وبصمت من أخوتكِ ..
هل لكِ أن تتخيلي كيف سيكون حالكِ ووضعكِ ؟؟
هل ستكتفين بإنتظاره كل ليلة لينهب ويسرق خوفاً من ان يزيد بإعتداءه لو قاومتيه ؟؟
لن أطالبكِ بالإجابة هنا .. سأتركها لكِ ..
فكري بعمق .. وعودي أنتِ للملف الفلسطيني الحقيقي ولا تأخذي الا من مصادر محايدة ..
لا معادية لمصر ولا لحماس ولا لغيرها ..
فيكفينا تفرقاً وشتات ..
إن كنتِ ستصرين على رأيكِ .. أنصحكِ بمراجعة دكتور نفسي ليرى أين مكمن الخلل ..

سبحان الله .. من جلدتنا ويعادون أخوتهم ويلعنون ويسبون بهذه الطريقة ؟؟

نحن نسعد أن يكون الرئيس المصري فلسطينياً قلباً وقالباً ونأمل أن تزيد فلسطينيته هو ومن ناظره من حكام المسلمين والعرب وندعو لهم عسى الله أن ينصر الأمة بهم ..
وهذا واجب على الجميع ليس تفضلاً ولا تكرماً .. فنحن جميعاً أخوة تجمعنا أواصر الدين ..

ثم هل لي ان أسأل ؟؟؟
ما كتب بالمشاركة هنا لا يعادي أي جهة ولا رئيس ولا حكومة ولا دولة إلا إسرائيل ..
هل يغيضكِ أن ندعو عليها ؟؟
إن كنتِ لا تملكين إرادة تدفعكِ للدعاء على أقل تقدير .. فهنيئاً لكِ ..
اقولها بملء فيّ// { هنيئاً لكِ هذه النخوة وهذه العزة وهذا الصمود والحماس والإحساس والشعور الأخوي تجاه غيركِ ..
وأبشركِ أيضاً بأن مصير من هم على هذه الشاكلة بإذن الله إلى زوال.. لأن الحق منصور بوعد من الله ..

ألجم الله أفواهاً لم تنطق بحق ..

ربّ كن مع حماس ومن أيدها ناصراً ومؤيداً وظهيراً
انصرهم على من عاداهم .
قوّ من عزيمتهم وأعلِ كلمتك بهم .
رب أنت تعلم أن من هم من بني جلدتنا من تسارعوا إلى قذفهم واتهامهم .
إن كانوا على حق فأسلكنا مسلكهم .
وإن كانوا لا يريدون الا فساداً وعلو كلمة الباطل فألجم أفواههم .
انك يا رب على ذلك لقادر ..

 
On 12/31/08, 9:12 PM , حتى تشرق الشمس said...

السلام عليكم ورحمة الله وبركاتة
جميل اوى كلامك
وحزين ايضا ومعبر
ولكن
لا تحزنى فنصر الله ات لا محالة
ولكن عندما نستيقظ من الغيبوبة
ونتحد
وقتها سننتصر
دومتى بالف ود

 
On 12/31/08, 11:19 PM , heba said...

بسم الله الرحمن الرحيم
السلام عليكم ورحمه الله وبركاته
انا بجد تعبت من الكلام
وكل اللي عايزة اقوله لكم ولنفسي اولا يلا نخرج من دائرة الكلام
يلا نشتغل بقي
يلا نوري ربنا ان احنا بجد اهل للنصر
احنا مش هندخل الجنه بالكلام ولكن بالعمل
كل واحد منا يشوف هو ايه الذنب اللي مصر عليه لانه بذنبه ده مشارك في هزيمه اخوانا في غزة
قال تعالي (ان تنصروا الله ينصروكم)
وقال عليه الصلاة والسلام
ان كل واحد منا علي ثغر من ثغور الاسلام فليحذر ان يأتي الاسلام من قبله
او كما قال عليه الصلاة والسلام
ان بجد شايفة ان الكلام مبقاش له معني
لان ده وقت العمل
وكفاينا ذل بقي
عارفين ليه بقول الذنوب لان بنواسائيل منعوا المطر وفيهم سيدنا موسي وكان هو اللي بيستسقي لهم ولكن منعوا بذنب واحد منهم
الله المستعان
اللهم انصر اخواننا في غزة وفي كا ارض يحارب فيها الاسلام
اللهم امين

 
On 1/1/09, 10:18 AM , الربان said...

تحياتي

اصبحنا كذلك لاننا اصبحنا طلاب دنيا...
اي ان الدنيا اصبحت اكثر همنا...و السلطة و الشهرة...و المال هي غاية مطلب كل منا....

نسأل الله ان يردنا رداً جميلا الي ديننا
والا يجعل الدنيا غاية همنا...يجعلها
في ايدينا و ليس في قلوبنا....

تحياتي و تقديري

 
On 1/1/09, 3:30 PM , مذكرات مشاغب said...

جزاكي الله كل خير عندك حق فعلا
فكره جميله وبتهيالي دي اقل حاجه نقدر نعملها
جايز دعواتنا تجيب نتيجه
تحياتي

 
On 1/2/09, 10:16 AM , ghorBty said...

smilyrose

ان شاء الله ستشرق فجر امتنا يوما

مهما طال الليل

فلابد ان ينجلي

وتلك الايام نداولها بين الناس

جزيت خيرا حبيبتي

دمت بخير

غربتي

 
On 1/2/09, 10:18 AM , ghorBty said...

اخر العنقود

نعم انه حتمل خريف

مفيش يأس ان شاء الله

ازي نشعر بحزن وربنا معانا

وكفي به وكيلا


دمت بخير حبيبتي


غربتي

 
On 1/2/09, 10:21 AM , ghorBty said...

رومنسي


عندك حق

ان شاء الله هترجع الفرحة لامتنا من جديد بس احنا نتغير ونتصلح وربنا معانا وبيده ملكوت كل شئ بس يجد مننا العزم في التغيير

جزيت خيرا

غربتي

 
On 1/2/09, 10:23 AM , حنان الشافعي said...

ليس خريفا فالخريف من صنع الله
بل وحشا اسود تلون بلون الخريف
اغتال البراءة والحلم اضاع الامال ونشر الظلم
يوما سيسلط الله عليه ايادي بيضاء تتخضب بدمائه
وسنحيا في عز وعلاء نشكر الله هباته
دمتي منه قريبه

 
On 1/2/09, 10:23 AM , ghorBty said...

زينب

ربنا يبارك لك

وهي ديه الدنيا يوم لينا ويوم علينا

واحنا بقالنا كتير في الحال دا

ان شاء الله القادم لينا ولامتنا

تلك الايام نداولها بين الناس

نسال الله ان يتجاوز عنا ولا يؤاخذنا بما فعل السفهاء منا ويمدنا بالنصر القريب

دمت بخير حبيبتي

غربتي

 
On 1/2/09, 10:29 AM , ghorBty said...

المعتصم

جزاك الله خيرا

فعلا عسي ان تكرهوا شيئا وهو خير لكم

لعل ما حدث لنفوق وتحدث الصحوة ولكن هو صحوة شعارات ام تغيير فعلي ان شاء الله لو اتغيرنا بجد هنجد النصر

كتب الله لاغلبن انا ورسلي ان الله قوي عزيز

جزيت خيرا

غربتي

 
On 1/2/09, 10:31 AM , ghorBty said...

ماما اموله

جزاك الله خيرا

جعله الله في ميزانك

كنتي من اول المستجبين للحملة

ربنا يبارك فيك

دمت بخير

غربتي

 
On 1/2/09, 10:36 AM , ghorBty said...

وهج حبيبتي

سلمت يمناك .. ونفع الله بك

كل ما قلتيه صحيح ان شاء الله

محتاجين نتغير بجد اخلاقياتنا اهم شئ ونعرف ان الدين عباره عن اخلاقيات وعبادات ومعاملات هو دا الدين اللي ربنا قالنا

ادخلو في السلم كافه

لو رجعنا له وبجد هنجد النصر اكيد

دمت بكل خير

غربتي

 
On 1/2/09, 10:40 AM , ghorBty said...

حتي تشرق الشمس

جزاك الله خيرا

فعلا زي ما قلتي

ولكن عندما نستيقظ من الغيبوبة
ونتحد
وقتها سننتصر

وكمان نرجع لدينا ونعيش بيه ساعتها هنجد النصر اكيد

دمت طيبه وبخير

غربتي

 
On 1/2/09, 10:53 AM , ghorBty said...

هبه حبيبتي

ربنا يبارك فيك وينفع بك ان شاء الله

لو كلنا غيرنا علي دينا كدا ما كنش دا حالنا ولا شوفنا اللي بيتشاف

بس التغيير اكيد مش في يوم وليله واحنا مش قدامنا غير الكلام والتطبيق علي عاتق كل واحد فينا وربنا رقيبه

يعني في المدرسه المدرس بيشرح الدرس للتلاميذ مش مطلوب منه يروح معاهم ويقعد يحفظهم كمان دا هيعملوا من نفسهم يعني احنا هنا بنقول يا جماعه لازم نتغير ونتصلح وكل واحد سمع الكلام بقا حجه عليه لانه ما عندوش حجه انه يقول ما كنتش اعرف محدش قالي

حتي دور الانبياء كان البلاغ وبس والناس هي كان عليها العمل

انما عليك البلاغ وعلينا الحساب

احنا هنفضل نتكلم ونتكلم ودا اللي في ايدينا سالين المولي ان يقع كلامنا علي قلب واعي يعي ويتغير
عارفه وهدفنا من دا انه علي الاقل ربنا لما يسالنا عملتوا ايه هنقول كنا بنحاول نغير وكنا بنتكلم ونبين شوفي معايا كدا الايه ديه

لُعِنَ الَّذِينَ كَفَرُواْ مِن بَنِي إِسْرَائِيلَ عَلَى لِسَانِ دَاوُودَ وَعِيسَى ابْنِ مَرْيَمَ ذَلِكَ بِمَا عَصَوا وَّكَانُواْ يَعْتَدُونَ{78} كَانُواْ لاَ يَتَنَاهَوْنَ عَن مُّنكَرٍ فَعَلُوهُ لَبِئْسَ مَا كَانُواْ يَفْعَلُونَ

ودا وسيلتنا في تغيير المنكر لعل الله يفتح لنا باب تاني نقدر نعمل فيه حاجه

بس الصبر دا سيدنا نوح صبر 950 سنه احنا لازم نعمل ونصلح في نفسنا ونفضل برضوه نتكلم وندعي ربنا ان حالنا يتصلح ونكون رسله بحق

جزيت خيرا

غربتي

 
On 1/2/09, 10:56 AM , ghorBty said...

الربان

جزاك الله خيرا

فعلا هي الدنيا علشان كدا الرسول عليه الصلاة والسلام قال

والله ما أخاف عليكم الفقر، ولكن أخاف أن تفتح عليكم الدنيا، فتنافسوها كما تنافسوها، فتهلككم كما أهلكتهم

نسال الله السلامه وان يردنا الي الاسلام مردا جميلا

جزيت خيرا

غربتي

 
On 1/2/09, 10:58 AM , ghorBty said...

مذاكرات مشاغب

جزاك الله خيرا

ودا اقل واجب

وفي نفس الوقت دا سلاحنا

فالدعاء سلاح المؤمن

ربنا ينصر المسلمين في كل مكان ويثبتهم علي كلمة الحق

جزيت خيرا

غربتي

 
On 1/2/09, 11:00 AM , ghorBty said...

حنان شوقي

اهلا بيك ومرحبا

انه مجرد تشبيه للحاله وليس اكتر

وعندك حق والله

ان شاء الله هيسلط عليهم من لا يرحم وهيكون غمه عليهم باذن الله والبادي اظلم

دمت طيبه وبخير


غربتي

 
On 1/2/09, 9:14 PM , ميرو said...

ربنا يجزيك خير يا اختاه وعندك حق تكوني زعلانة لكن كا اللي بنعماه كلام انا مش بنادي بمظاهرات ولكن بنادي مع هبة باصلاح انفسنا لان اللرسول صلي الله عليه وسلم قال (ابدا بنفسك) فلو اصلحنا انفسنا سوف يتنصلح بلدنا وكل انسان لو بدا يصلح نفسة في اي مكان سوف ينصلح حال هذه الامة فجميعا يدعوا الله تعالي اللهم اصلح فساد قلوبنا وما نتاثر لدرجة الاكتئاب فقبل ذلك حدثت هذه الاعتداءات مع الفلسطنين وفي الحرب علي لبنان وقبلهم ما حدث ما المصريين في بورسعيد وقبل ما نحاسب غيرنا نحاسب انفسنا العرب جميعا هم المسئولين عما يحدث وما سوف يحدث نتيجة لفرقتهم والقاء اللوم علي غيرهم وتبادل الاتهامات جزافا ربنا يصلح حالنا ويعين وينصر اهل غزة عما هم فيه هو وحده القادر علي نصرهم.