6:50 PM |
Author: ghorBty
لو دا الحال دلوقتي الكل ساكت والناس بتموت يبقي لازم نتكلم احنا
انا ما ليش في السياسه ولا بحب اتكلم فيها
بس اللي بيحصل دا فوق طاقه احتمال البشر
وانا قاعده جت علي بالي كلمة شكر لحكامنا
علي مجهوداتهم الفظيعه اللي عملوها في القضيه ديه
وبدعيلهم وبقول
حكامنا ياربي اهديهم ..ملوا ودانا كلام
بس ياريت حد فيهم
قال كلمة حق تهد جبال
كلمة نصر لينا ..مش نصر للامريكان
ياربي وحد كلمتهم ..وشيل الجبن منهم
وخلي عقولهم واعيه ..مش متغطيه بالرمال
او خلصنا منهم ..ودا حل هيكون تمام
::
وبما ان وكالعاده شعوبنا العربيه بتصدق اي شئ بتسمعه
من غير تفكير فياريت تقروا المقال دا كويس وافهموا القضيه
الي احنا فيها دلوقتي حرام نكون عايشين ومش حاسيين ببعض
ودورنا بقا توجيهه تهم وشك وبس
مقال الدكتور العوضي
وانا بثق فيه جدا لان كلامه موزون ومضبوط ويخاطب العقول المستيقظه
من اجل ان يدرك الغافل ويعي غير المتابع ويبصر من ضللته أجهزة الاعلام وينتبه من يسلم لبعض الاقلام… من أجل تجلية جوهر مأساة غزة وجذور الابادة الوحشية التي يتعرض لها الغزاويون المجاهدون المرابطون اسطر هذه الكلمات، لن اخاطب الأنظمة العربية لأنها ماتت كبروا عليها اربعا وادفنوها وانفضوا ايديكم من ترابها… هذه الأنظمة باتت مكشوفة لكل انسان بمن في ذلك الأطفال… فمنها العاجز ومنها المتخاذل ومنها المتواطئ ومنها المتآمر ومنها أنظمة ارذل من الكيان الصهيوني… فهي تمارس هواية قمع شعوبها وسرقة ثرواته قبل ان تعانق الصهاينة لتقضي على البقية الباقية من روح المقاومة في الامة… هؤلاء كما وصفهم نزار قباني:
عربٌ ولكن لو نزعت جلودهم
لوجدت أن اللُب امريكان
كما اني لا اكتب للشعوب لأخاطب عواطفها وصدق مشاعرها وغضبتها ومناصرتها لاهل غزة الصامدين… وانما اخاطب وعي الناس لنجلي جانبا من الحقيقة المغيّبة… والسؤال المر لماذا هذه الابادة الجماعية لشعب غزة بشكل (هولوكست) مطور ومفضوح لا تمارسه دولة بل يتفق عليه اكثر الانظمة العالمية!
الذي افهمه ويدركه المتتبع او المراقب لتسلسل الاحداث يصل إلى ان الحركات العالمية في الغالب تنقسم الى تيارين اما ان تكون حركات تحريرية تناضل لنيل الاستقلال وتحرير الاوطان ضد المستعمر المحتل، واما ان تكون سياسية تعمل في خط التغيير السياسي الاصلاحي السلمي الداخلي كالحركات (الوطنية، الاسلامية، الاصلاحية، اليسارية…. الخ) وفي التاريخ القديم والمعاصر لم نجد ابدا حركة سياسية عملت على كلتا الجبهتين (تحرير البلاد والاصلاح السياسي في وقت واحد) ونجحت في الاثنتين، فعلى الصعيد الاول نجحت (حماس) في تحرير غزة (وان ابقى على حصاره لها) ومن طرد اليهود منها ايام حكم شارون، اما على الصعيد الآخر (السياسي الداخلي) فحماس كحركة معارضة وصلت إلى الحكم سلميا بالانتخابات النزيهة وباكتساح مذهل وشكلت الحكومة والمجلس التشريعي، لاحظوا… نجاح دون تدرج من اول مرة، والاهم انه على اجندة المقاومة!! هذا النجاح بشقيه احدث قلقا لكيانين: فالنجاح العسكري الميداني كحركة تحررية ازعج الصهاينة والنظام الاميركي فقرروا التخلص منها لأنها اسوأ بديل عن السلطة الفلسطينية السابقة (سلطة التنازلات والفساد).
اما النجاح السياسي لحماس كحركة سياسية وما قدمته من مقترحات ومشاريع اصلاحية… هذا النجاح السياسي اعطى مؤشرات وحمل قرائن على ان الحكومة الحمساوية الجديدة ستنجح في التطبيق، لماذا؟ لأنهم في الاساس كانوا مسيطرين على الكثير من البلديات والنقابات المهنية والاتحادات الطلابية ويديرون مؤسسات اجتماعية تكافلية ضخمة تتكفل بأسر الشهداء وعائلات الاسرى، والفقراء والايتام وقدموا نماذج رائعة ونجاحات واقعية زادت من مصداقيتهم في الشارع الفلسطيني وبشرت بمزيد من النجاح المترقب للحكومة الجديدة.
وكما ان النجاح العسكري لفت انتباه الصهاينة، والاميركان وازعجهم، فإن النجاح في الاصلاح السياسي وادارة الدولة ازعج السلطة الفلسطينية الفاسدة والانظمة العربية الاكثر فسادا، فخافوا من تكرار التجربة فجاء تحالف الفسادَيْن العربييْْن مع تحالف الطغيان الصهيو - أميركي لتدمير غزة ومن فيها وليس «حماس» فحسب وانما الشعب الغزاوي عقوبة لهم لاختيارهم حماس، وكم اغاظهم انه وبعد حصار دام قرابة سنتين توافد الغزاويون بمئات الالاف إلى المهرجان الذي اقامته حماس قبل بدء الهجوم على غزة بأيام!!
ولهذا عندما سمعنا القيادة الصهيونية تعلن عن بنك الاهداف المحددة للقصف، كانت النتيجة ليس فقط تدمير البنية التحتية لحكومة حماس، انما شاهدنا تدمير مدارس وجامعات وعشرات المساجد والعمارات السكنية ومحلات الصرافة بل وحتى جانبا من مستشفى الشفاء الذي يغص بالمرضى والاطباء!!
اكتب هذا المقال لأبدد الاطروحة الساذجة التي تختزل ضخامة الحدث ومقدماته وملابساته وتراكماته وتعقيداته بأن السبب في الحرب هو صواريخ حماس فبوش يقول لن تقف الحرب حتى توقف حماس صواريخها، ثم يعيد الاعلام العربي تفاهة هذا التصريح وبعدها يتلقف المواطن العربي هذه الاضحوكة ويعيدها بسذاجة بالغة وان كانت بريئة!! ولكن الحقيقة كشفت للجميع.
هذه المقالة من وحي كلمتي التي ألقيتها في المهرجان الجماهيري الحاشد في نادي قطر الرياضي مساء الجمعة والذي امتلأ عن آخره بالجماهير والتي هتفت لحماس والمقاومة وغزة، ونقلته قناة الجزيرة «مباشر»، وفيه رفعت على الملأ كفنا أبيض وهتفت في الحشود: «هؤلاء هم الحكام العرب الأموات!!».
محمد العوضي
:
الله اكبر الله اكبر
مادام هناك في امتنا مثل هذه العقول امثالك يا شيخ محمد العوضي
فالحمد لله
ما شاء الله عليك كان في قناة الرسالة من قليل والله لوجهه يخرج منه الحزن والاسي
وكلامه ينطق بالحكمة والعقل فاللهم اكثر من امثال هؤلاء
لو تمكنت من ايجاد اللقاء ساعرضه هنا
والندوة التي قام بها الشيخ طارق سويدان غزة بين الصبر والنصر
والله انها لمنسفة حقا وكلامهم في غايه الروعة
هكذا نريد من علمائنا قول حق ونطق بكلام الله
ولكن ما احزنني بالفعل ما يفعله حكام بلدنا خلو وجهنا في الرمال من افعالهم ديه
حرام والله بقينا قدامم العالم بدون شفقه ولا رحمه ولكن قلوب المصريين بريئه مما يفعله
هؤلاء وكما قالت احدي المتصليين في الندوة وساقولها معاها بصوت عالي
حكام العرب افسدوا علي اهل غزة دنياهم بسكوتهم وتخاذلهم
واهل غزة افسدوا علي الحكام اخراتهم
ولا حول ولا قوة الا بالله
وليعلم الكل ان مصر هي قلب الوطن العربي
وستظل تنبض بحب فلسطين
للابد
ونحن ابرياء مما فعل السفهاء منا
:
خلااااااااااصة اللي بيحصل واحنا ساكتين
وفاكرين نفسنا ناصحين
واحنا
الاتراك اتحركوا روحوا شوفوا بيعملوا ايه
كمان فنذويلا اللي معرفش فين اصلا مكانها علي الخريطه
طردت سفير اسرائيل
واحنا العرب عملنا ايه !!!
شكلنا اكتفنا بالصورة التذكاريه
:
تابعوا قناة الرساله في حملة غزة بين الصبر والنصر
البث الأصلي : يوم الثلاثاء الساعة 8 مساء بتوقيت القاهره .
إعادة أولى : الأربعاء الساعة 2:30 عصرا بتوقيت القاهره .
إعادة ثانية : الخميس الثانيه عشرصباحا بتوقيت القاهره.
إعادة ثالثة: الجمعة الساعة 5 مساء بتوقيت القاهره.
إعادة رابعة :السبت 10 صباحا بتوقيت القاهره
:) ادعوكم لقرءاة هذا الموضوع
Category:
غضب وقهر
|
37 comment:
عقل ؟؟
وأي عقل هذا ؟
ليه هو بقا حد عندو عقل :S
كلام الشيخ العوضي جاء بالصميم ..
كنا ننتظر أن ينطق بحرف واذا به يعد لنا هذه القنابل ..
لا أظن أن من يرى غير ذلك الا شخص به خلل ..
أو هو ممن يكذب على نفسه فيصدق الكذبة ..
او حاقد .. او متواطئ ..
ومن شاهد واطلع على اللقاء الخاص برئيس الوزراء التركي رجب طيب اردوغان سيعرف الحقيقة ..
رب انصرهم
وأيدهم
وكن معهم ..
وهـج ~
السلام عليكم ورحمة الله وبركاته
بارك الله فيك ومن هنا ورايح خليكي مع الشعب ودفعي عن حقوقة وزي منتي قولتي أنت كل حاجة تختر في بالك لا تصنفيها سياسية ولا غيره أنصحي علي طول
رسالة في الصميم كما قالت اختي وهج
جزاك الله خيرا لي اضافات قادمة باذن الله
أبو فاطمة
نسيت أقول
الكلمات التي أسفل الشعار للحملة في الشريط الجانبي
رائعة بالفعل هل هي من تأليفك
السلام عليكم ورحمة الله وبركاته
اختى فى الله
بارك الله فيكى على هذا الفكر الواعى والفهم الرشيد
هذا ما كنت اريد ان اوصله لكى فى النقاش السابق
جعلكى الله من المصلحين
العنوان جاب الخلاصة
ربنا يكرمك
جزاكى الله خيرا يارب
ومن الخطب اللى عجبتنى جدا خطبة محمد حسان وصية لاهل غزة
ربنا يجزى العلماء المسلمين الصالحين كل خير يارب
..
كلام والله موزون وعين العقل
اما الدكتور العوضى فهو من الناس اللى بحترمهم بل بعشقهم بشدة
جزاك الله كل خير
اختى الغالية
ما اجمله من كلام
نعم فالشيخ العوضى دخل قلوبنا
البداية ولكلماته الصادقة تاتير
كبير علينا
نرجو الله ان يزيد من امثاله
لعل امتنا تفيق من غفوتها
موضوع رائع حبيبتى
smilyrose
روح الحب الصادق
أختي غربتي هذا هو دورك في التدوين في الرابطة أتمني التدوين بأقصي سرعة
دوني متي رأئيتي الرسالة
السلام عليكم
اختى فى جزاك الله خيرا
ونفع بك الله
فلكل يقوم بدوره
لان هذا امانة
وجزا الله خير العلماء الشرفاء
امثال الدكتور القرضاوى
وعائض القرنى
وغيرهم من يحملون هم الاسلام والمسلمين
بسم الله الرحمن الرحيم
السلام عليكم ورحمه الله وبركاته
اولا جزاكي الله خيرا يا اختي علي هذه الموضوعات اللي بجد بيتفوقنا
وانا اسفه علي التاخير في المشاركه (عطل فني)
ولكني فكرت جيدا بما قلتيه ولكن هي فترة او مرحله يمر بها كل منا فالحمد لله رب العالمين وبه نستعين
اما بخصوص القضيه فانا استعب جدا من هؤلاء الحكام وكل ما استطيع قوله هو حديث النبي عليه الصلاة والسلام الذي قال فيه (يوشك ان تتداعي عليكم الامم قالوا او من قله نحن يارسول الله قال لا انكم يومئذ كثير ولكنكم غثاء كغثاء السيل ينزع الله الخوف من قلوب اعدائكم ويجعل في قلوبكم الوهن قالوا وما الوهن يارسول الله قال حب الدنيا وكراهيه الموت
او كما قال عليه الصلاة والسلام
وادعوكي الي ان تتأملي معي موقف الرسول الكريم مع اليهود عندما كانوا في المدنيه
وسأعود ان شاء الله سأعود واعلق علي هذه النقطه معاكي باذن الله
جزاكي الله عني خيرا
اني احبك في الله
عابر سبيل
وهج غاليتي
والله عندك حق اي عقل واين اصلا العقول
نسأل الله السلامه
الله يبارك في الشيخ العوضي ولو شوفتيه علي الرساله قال نفس الكلام تقريبا واكتر كمان ربنا يسترها عليه ويثبته ويجعل لسانه دائما قائلا للحق
علي فكره كل اللي ساكتين دول عارفين كويس الحق فين بس كاتمينه لكن ليهم يوم يندموا فيه علي كتمانه وعدم الوقف معه دعيهم فكل نفس بما كسبت رهينه
اما بقا رئيس الوزراء التركي بجد راجل كلامه موزون ومضبوط تماما وموقف تركيا كله وشعبها كمان موقف رجال بحق احنا بقا علي قول الشيخ العوضي حكامنا يلبسوا برقع وفيه كل المقاسات محدش يخاف
اخوانا في غزة ربنا معاهم واصطفا منهم شهداء
لكن احنا بقا ربنا معانا ويعينا يوم الدين ويوم العرض عليه
سلم يارب يارب سلم
غربتي
السلام عليكم
كن جميلا
وانا ما انكرتش من الاول دور الجهاد او حتي كشف الفساد وعلي فكره الناس كلها فاهمه وان كانت لا تدعي الفهم لكن انا كنت بعمل او بكتب بمعني اوضح اللي انا اقدر اعمله واللي المفروض علينا كلنا نعمله مع كشف الحقيقه للناس نكشف لهم كمان ان كل واحد فينا مسئول ولازم نتغير ونصلح من نفسنا وليعلم كل واحد انما ولي الله علينا هؤلاء الحكام الا من اعمالنا
من اعمالكم سلط عليكم
لو كنا اصلا كويسين كان ربنا ولي علينا حد يخافه ويرحمنا
ازاي نطلب منهم يحكموا بالعدل واحنا الكثير مننا حتي مش بيحقق العدل في معامتله مع زوجته ولا اهله ولا حتي في شغله
فمهما تكلمنا يجب ان نوضح ان كل واحد فينا هو السبب الاساسي كمان لو صلح علاقته بالله واتقي الله في كل شئ بيعمله ما كنش دا هيبقي الحال
تأمل كدا قول ربنا في الايات ديه
{وَمَا كَانَ رَبُّكَ مُهْلِكَ الْقُرَى حَتَّى يَبْعَثَ فِي أُمِّهَا رَسُولاً يَتْلُو عَلَيْهِمْ آيَاتِنَا وَمَا كُنَّا مُهْلِكِي الْقُرَى إِلَّا وَأَهْلُهَا ظَالِمُونَ
وكمان
وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُواْ فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيراً
يعني لو جهدنا دلوقتي وكسبنا والحال فضل زي ماهو يبقي معملناش حاجه
هرد عل كلامك في البوست اللي فات في كذا نقطه
اولا:كم من فئة قليله غلبت فئه كثيره باذن الله دا اكيد مفروغ منه بس الفئه القليله ديه ليه نالت الفوز لانها مؤمنه حقا مش كلام قالوا احنا مؤمنين لا دا فعلهم وتصرفاتهم في كل شئ تدل انهم مؤمنين ولو نظرنا للصحابه هنلاقيهم كانوا بيستعدوا للجهاد وبيعدوا له عده ثم يتوكلوا علي الله مش يناااااموا نوم عميق واحوالهم وتعاملاتهم ربنا وحده العالم بيها وبعدين مره واحده يفوقوا ويقولوا ايه دا احنا لازم نجاهد ولا عدوا عده ولا عملوا حاجه ويقولوا ربنا هينصرنا
علشان كدا لازم نبدا ونتغير وتوضح للناس قبل ما تقل لهم دا عميل ودا خاين قول لهم انتم كمان فين عهدكم مع الله هل حققتم مفهوم ورضينا بالله ربنا هل بتتقوا الله في تعاملاتكم وتصرفتكم هل وهل وهل دا اللي المفروض مننا ودا الجانب اللي لازم نتحرك فيه اكتر واكتر
اضافه بس بالنسبه لقول اختي عابر سبيل ان احنا بنتكلم وبس وردك عليها بالفعل الكلام مطلوب والانبياء كان وظيفتهم البلاغ لكن الكلام دون عمل يكون حجه علينا لانه خلاص فهمنا ووعينا وربنا مش هيحسبنا بالكلام بل بالفعل
وَبَشِّرِ الَّذِين آمَنُواْ وَعَمِلُواْ الصَّالِحَاتِ
{الَّذِينَ آمَنُواْ وَعَمِلُواْ الصَّالِحَاتِ طُوبَى لَهُمْ وَحُسْنُ مَآبٍ
وَالَّذِينَ آمَنُوا وَعَمِلُوا الصَّالِحَاتِ لَنُكَفِّرَنَّ عَنْهُمْ سَيِّئَاتِهِمْ وَلَنَجْزِيَنَّهُمْ أَحْسَنَ الَّذِي كَانُوا يَعْمَلُونَ
أَمْ نَجْعَلُ الَّذِينَ آمَنُوا وَعَمِلُوا الصَّالِحَاتِ كَالْمُفْسِدِينَ فِي الْأَرْضِ أَمْ نَجْعَلُ الْمُتَّقِينَ كَالْفُجَّارِ
والايات علي هذا كثيره جدا الايمان لازم يلحقه عمل لاننا بجد تعبنا والله تعبنا من تصرفت الناس حتي معظم الملتزمين الا من رحم ربي نلاقيهم عمالين يقولوا قال الله وقال الرسول واحوالهم لا ترضي الله ولا رسوله
فانا واختي عابر سبيل عايزين نشوف افعال وليست اقوال علشان كدا هي بتكررها علطول ولو تفكرنا قليلا سنجد انه عندها حق
لذلك نحن نحتاج الي وقفه جااااده مع النفس ونلازمهما بالفعل والعمل وليس الكلام فحسب
ارجو يكون وجه نظري وضحت
وصحيح الكلام اللي مكتوب تحت الحمله دا نشيد صمتا لاحمد بو خاطر وهو رائع بالفعل
جزيت خيرا علي النقاش فقد تعلمنا منه الكثير
غربتي
السلام عليكم والرحمه
كلمة حق
انا كنت فاهمه كويس ايه اللي عايزينه يوصل لي وانا اصلا ما انكرتش ولا هجمت دا انا بس كنت عايزا اتحرك في الجزئيه اللي لازم كلنا نتحرك فيها
لكن الجزء اللي انتوا عايزين تتحركوا فيه انا ما ليش فيه دور واضح طبعا
توضيح بس نسيت اكتبه في التعليق اللي فات هكتبه هنا
فيه حاجه اسمها فن توزيع الادوار
يعني كل واحد ليه دور مناسب تبع امكانياته اللي ربنا ميزه بيها عن غيره
حتي لو نظرتم في تعامل الرسول عليه الصلاه والسلام مع الصحابه كان بيدي كل واحد دور ووظيفه مناسبه لامكانياته ديه يعني كان خالد ابن الوليد رجل يحب الجهاد ويصلح لذلك فكان هذا دوره وغيره كان لا يصلح لذلك فكان رسولنا الحكيم يكلفه بما يصلح له ولا يكلفه بشئ لا يطيقه او يتحمله
يعني الموضوع عايز حكمه في التصرف مش حماس زائد يذهب سريعا ويهبط عندما يأتي وقت الجد
برضوه مجرد وجه نظر
جزيتم خيرا
غربتي
السلام عليكم
علي عبدالله
وجزاك مثله
فعلا الدكتور العوضي من الناس المحترمه بالفعل ولا يخاف مع الله لاومه لائم فبارك الله فيه
غربتي
اختي سمايلي
وجزاك خيرا غاليتي
وربنا يرفع اصوات الحق عاليا
ودا سنة الله في كونه
وبالرغم ان الباطل صوته عالي الايام ديه
بس ليه يوم وهيتخرس ان شاء الله
بوركت وسلمت يمناك
غربتي
اختي شهيده
بارك الله فيك
فعلا كل يقوم بدوره الذي يراه مناسب له
وربنا يبارك لنا في كل شريف ونزيه
غربتي
موناليزا حبيبتي
ربنا يبارك فيك
جزاك الله خيرا
غربتي
اختي انسانه عاديه
جزاني واياك
وربنا يبارك لنا في كل علمائنا
وينطقوا بالحق دائما
غربتي
عابر سبيل
الحمد لله عودا احمد
هكذا احب ان اراك قويه ومتماسكه
ويارب العطل الفني دا ما يجيش تاني
ربنا يصلح لنا الاحوال ويصبرنا علي الدنيا اللي عايشين فيها ديه ويخرجنا منها علي خير
كنت لسه بقول لماما والله كله يهون علي الواحد بس اهم شئ اننا مسلمين وكفا بها نعمه
بصي بالنسبه لليهود دول لا ليهم عهد ولا ميثاق بس اللي انا فهمته يعني همثله ليك بمثال
انا عندي شقه كبيره جه واحد وفرض نفسه عليه ويوم ورا يوم اتحكم في كل شئ عندي في الشقه وتوغل فيها انا لا حول لي ولا قوه بس قدرت اعمل لنفسي حمايه في جزء معين من الشقه ديه وانفردت بيه لوحدي وبدات انظم حياتي فيها واكبر من اعمالي جوا الغرفه ديه تدخلوا الجيران وقالوا خلاص انتي ليك الغرفه ديه ونعمل معاهده بكدا لاهما يدخلوا فيك وانت كمان لا تدخلي فيهم قلت ماشي
تعرفي ممكن اكون انا رضيت بالهدنه ديه لشئ انا عايزه اعمله مثلا اطور من نفسي او اجهز نفسي لشئ يخليني اعرف اخلص علي عدوي واخرجه من كل شئ في الشقه وترجع لي تاني
وعدوي برضوه ممكن يكون رضي لنفس الهدف عايز يرجع يخرجني من مكاني وتكون السيطره ليه هو وعلي الشقه كلها فعمل ايه خطط وجهز خططه وبدا ينفذها ويدخلي ويضرب فيا بس علي مين لما عمل كدا وجدني ما كنتش نايمه ومرتاحه لاااا كنت مجهزه نفسي ووجد مقاومه كان لا يتوقعها مني فدا الحال مع حماس واليهود دلوقتي
شوفتي اخر حاجه قريتها ان وفد يهودي جاي مصر للبحث علشان يرجعوا لهدنه تاني ودا ان شاء الله ما كنوش فاهمينه من الاول والا لما اتقرسوا جايين وبعد ايه بعد ما خربوها فانا لو مكان حماس لااااا ارضي بالهدنه ولو بوقف اطراق النار خلاص انا فاض بيا من المعتدي دا وهكمل وهصمد حتي لو فيها فنائي بس اموت وانا عندي كرامي وانا بدافع عن حق سكت عليه كتير وسكوتي ما كنش سلبيه لا دا كان بس تجهيز علشان اقدر اقاوم
فيا بنتي الناس كلها علي حماس وتقول هما اللي بداوا ولكن والله اليهود دول سوس وبيخرم بس خرم علي خراب عشه ان شاء الله
وياريت قيادتنا المشرفه تقعد علي جنب علشان سيرتنا بقت علي كل لسان وزي ما بيقولوا العيل الصغير هيفهم اننا بجد بنمشي لمصلحة اسرائيل ربنا يهدها ويخلصنا منها
دا اللي انا فهمه
السلام عليكم ورحمة الله وبركاتة
بصراحة مش لاقية كلام يتقال اكتر من الشيخ العوضى قالوا
جزاكى الله خيرا على النقل
وجعل كل كلمة نقلتها وكتبتها فى ميزان حساناتك
اللهم امين
وربنا يحرر فلسين فالنصر اتى لا محالة
دمتى بالف ود
غربتي - عابر سبيل
السلام عليكم ورحمة الله وبركاته
لن أطيل عليكم وبوركتم أخواتي في طريق الله وبارك مجهودكم
لن أطيل في نقاش ما نتفق عليه بالفعل بوركتم في حسن فهمكم
ولن أذكر فقط توضيح أختي غربتي
وهو موضوع الكلام
يا اختي بالفعل إحنا عرفنا ووصلنا الدين ولكن الله يقول فذكر وهي أيضا وظيفتنا
أما بخصوص أنبه ثانية أنه المستقبل للكلام هو عليه الحجة بالفعل
ولكن بالله عليكي لا تحكمي علي الفئة القليلة بأنها لا تعمل بعد الكلام في عصرنا الحالي والله يا أختي إنهم خلايا من النحل بالفعل ربنا يسدد خطاهم
وبالفعل أختي أنا و أنت السبب ولذلك رفعناه شعار في الرابطة بحملة "" أنا السبب "" وبالفعل أختي وكما قلتها قبل أنا لا أعترض علي الطريقة ولكن وقتها فقط أختي لابد أن نعلن للظالم أنت ظالم ونبدأ في إصلاح أنفسنا ودعوة الناس ومن قبلها نشر القضية
بارك الله فيك في معلومة أحمد أبو خاطر
بوركت أيضا في رسالتك في الرابطة ووصلي لأختنا عابر سبيل دعوتنا لها بالانضمام الي الرابطة بجد فهي فعلا من الغيورين علي دينهم بارك الله فيكي وفيها
يا فندم أنا من تعلمت من حضرتكم والله بجد
ربنا يعزكم في الله
أدعيلي علشان شكلي هتمسك قريبا
أبو فاطمة
جزاكى الرحمن خيرا و بارك فيكى و فى كل علماء المسلميين الصالحين
و هدانا جميعا للحق و لما يحب و يرضى
خالص تقديرى و تحياتى
حبيبتى أميره
ربنا يبارك فيك يارب
و حسبنا الله و نعم الوكيل فى المتخاذلين
تحياتى
بسم الله الرحمن الرحيم
السلام عليكم ورحمه الله وبركاته
اولا : الحمد لله رب العالمين
واحب اشكر الاستاذ ابو فاطمه علي حسن ظنه بيا وربنا اللي يعلم اني انا اللي كنت عايزة اشكره واقوله ان احنا دلوقتي محتاجين لكل فرد مثلك ولازم كلنا نغار علي دينننا لان خلاص اظن احنا مينفعش نسكت بعد كدا خلاص ده ديننا وده قضينا واحنا لازم نحملها بس برضه كان لازم نتتاقش علشان نعرف فين الصح وعلي قول اختي غربتي اليهود قلبوا الحقائق وخلونا مش عارفين فين الصح ولا حتي مين الصح ومين الغلط
او بخصوص دعوته ليا للانضمام الي الرابطة فانا يشرفني ذلك لان كل واحد منا علي ثغر من ثغور الاسلام فليحذر ان يؤتي الاسلام من قبله بس انا مش عارفه ايه الحاجه اللي ممكن افدكم بيها
وبالمناسبه فانا ادعوا حضرتك لمشاركتي علي المدونه الخاصة في حملها ان شاء الله هبداها ولكنها نتائج تجاربي وتجارب المحيطين عن التغير وما هي الخطوات التي من راي كل منا كانت سببا في تغيره
اكيد كلنا مكنش ده حالنا ولكن هناك عوامل ساعدتنا علي التغير ومعرفه الحق من الباطل ورؤيه الطريق الصح واريدكم ان تشاركوامعي في الراي جميعا سواء تجارب او غير ذلك عسي ان تكون خطوة علي الطريق لاني بجد بشوف ناس كتتتير بتعمل مخالفات لدينا ببقي نفسي اوقف كل واحد وقله انت مسلم ومش هي ده سلوكيات الاسلام ولكن مش في كل الحالات طبعا بقدر بس بفضل الله بعمل علي قد ما اقدر
الله المستعان
اما اختي غربتي
فكلامك صحيح ولكن اذا كان الاسرائيلين في كل مرة بيدخلوا ويدمروا كل شئ وده مش اول مرة حتي المرة ده الدمار كان فظيع وهم مش اول مرة اليهود يضربهم لا هم عارفين اد ايه هم وحشيين علشان كدا بقول خلاص بقي كفايه كدا في ايه تاني هنكبي عليه بيوت وادمرت اطفال وماتوا يبقي لازم نفوق كلنا وده مش قضيته الفلسطنين لوحدهم احنا سيبنهم هم اللي وش المدفع لا احنا لازم من النهاردة وحتي اخر نفس فينا يبقي لينا دور ومش لما الامور تهدا نرجع نسكت تاني لا لازم نكمل ونستعد ليهم صح عارفه انا امتي بحس بمنتهي الظلم ومش عليهم هما بحس انه عليا انا لما بسمع حد من الامريكان او الاوروبين والكلام اللي هم بيقولوه عن اسرائيل وحقها والله بحس بالقهر
حقها ايه ده ارضنا اصلا وازاي مغتصب يبقي له حق في حاجه هو اغتصبها علشان كدا لازم نفهم ونفهم كل اللي حوالينا ان ده مش قضيه الفلسطنين بس لا هي قضينتا احنا كمان
وانتي عارفه كمان ايه اللي كنت بفكر فيه في قترة الصمت السابقه
كنت بقول طيب انا نفسي اعمل لهم حاجه بس لا ظروفي ولا حتي طبيعتي تسمح بكدا طب اعمل ايه لقيت سبحان الله الجواب بيجي علي بالي وتذكرت وقتها امراه عمران واد ايه خوفها علي الناس ولكن هي امراة وعجوز وزوجها كذلك لكنها دعت ربنا ان يرزقها بولد وتربيه ويقوم بدور دعوة الناس ولكن شاء قدر الله ان تحمل ولكن في اثني وهي مريم ولكنها لم تايس علشان عندها غايه وهي رضا الله عزوجل واصلاح الناس ولكن ربنا اراد ان تكون اثني فوهبتها لله واحسنت تريتها وكان منها عيسي عليه وعلي نبينا الصلاةو السلام فكان فيها وفي قصتها قران يتعبد به الي يوم القيامه
فقلت في نفسي ذلك علينا ان نصلح انفسنا وممكن ان لا يكون النصر علي ايدينا ولكن عسي الله ان يخرج من اصلابنا من يكون علي يديه النصر
لذا علينا الدعاء واصلاح انفسنا وكل من نستطيع
وجزاكي الله عني كل خير
وهكذا تكون الصحبه
واسأل الله عز وجل كما جمعنا علي طاعته في الدنيا ان يجمعنا مع بعض في الجنه ان شاء الله
وان ينصر اخواننا في فلسطين وان يعنا علي نصرتهم
اللهم امين
انا اسفه طولت اوووووووي
اني احبك في الله
كتب الله على حكامنا الخذلان
ولاعزاء لهم
حكامنا ياربي اهديهم ..ملوا ودانا كلام
بس ياريت حد فيهم
قال كلمة حق تهد جبال
كلمة نصر لينا ..مش نصر للامريكان
ياربي وحد كلمتهم ..وشيل الجبن منهم
وخلي عقولهم واعيه ..مش متغطيه بالرمال
او خلصنا منهم ..ودا حل هيكون تمام
هو دا الكلام المضبوط .. هو دا الجرح .. هو دا النزيف .. انت حطيت ايدك على اصل البلاء عندنا هم (حكامنا)
تحياتى يا غربتى
اتفق تماما مع استاذنا فشكول في ان بيت الداء حكامنا العرب
وفعلا حماس حركه نجحت و تفوقت عسكريا على الصعيد الفلسطيني
وايضا سياسيا كانت حركه متماسكه ولم يمسسها الفساد الذي انتشر في حركة فتح
ولكني اختلف ايضا معها في بعض السياسات
زي مانتي قريتي في مدونتي
معلش اتاخرت في الرد
تحياتي
حتي تشرق الشمس
فعلا الشيخ محمد قال اللي المفروض يتقال ويتسمع
وربنا يثبتهم وينصرهم يارب
ويشفي صدرونا من اليهود المعتدين
دمت طيبه وبخير
غربتي
كن جميلا
جزاك الله خيرا وربنا يصلح الاحوال
الحمد لله ان هناك ناس تعمل كخليه نحل وهذا ما نامله وربنا يثبتهم وينصرهم ويحقق هدفهم ان شاء الله
بس برضوه لازم اقول حاجه علي الجمله ديه
أنا لا أعترض علي الطريقة ولكن وقتها فقط أختي لابد أن نعلن للظالم أنت ظالم ونبدأ في إصلاح أنفسنا ودعوة الناس ومن قبلها نشر القضية
علي فكره كل ظالم عارف انه ظالم وفاكرها شطاره وعارف كمان ان الناس كلها عارفه انه ظالم وبتدعي عليه بس خلاص دول ناس قلوبهم زي الحجر لا بتحس ولا بتشعر بللي حواليها شعارهم في الحياه نفسي نفسي واحيا انا ويموت الجميع
ربنا يعينهم علي اخرتهم الصراحه هيتحاسبوا علي ايه والا ايه والا ايه دول محتاجين شفقه مننا نسال الله السلامه وان يرد كل ظالم وغافل اللهم امين
ثانيا بالنسبه لفهم القضيه ديه اللي المفروض بجد نتحرك في الاتجاه دا اكتر علشان شعوبنا العربيه معظمهم راكنين مخهم علي الرف وبيتناقلوا الكلام وبس من غير تفكير فيجب علي اللي فهم انه يفهم الناس فين الصح ومين الظالم ومين المظلوم وايه واجبنا نحو القضيه لان القضيه قضيتنا كلنا مش قضيه مكان ولا ناس معينه
وموضوع التغيير مطلوب نتحرك فيه علطول لا قبل ولا بعد احنا رسولنا امرنا وقالنا
من رأي منكم منكر فليغيره بيده ........ الي اخر الحديث يعني مدام المنكر موجود مطلوب مننا نغيره علطول لا قبل ولا بعد لا يوجد لدينا اولويات في هذا ودا لو حصل والكل عمل كدا اكيد الحال هيتصلح باذن الله
بلغت اختي عابر سبيل وانا اول واحده هكون سعيدددددده جدا لو انضمت معانا في الرابطه فهي فعلا ماشاء الله عليها ربنا يبارك فيها
ونسال الله لنا ولك صلاح الحال والسلامه
من كل شر
غربتي
rovy
وربنا يجزيك كل خير ويبارك فيك ايضا
ويتقبل دعائك اللهم امين
دمت طيبه وبخير
غربتي
حبيبتي زينب
ويبارك فيك انت كمان يارب
ويسر لك كل امر عسير
دمت طيبه وبخير
غربتي
اختي الغاليه عابر سبيل
ربنا يبارك لك ويصلح لك الاحوال
والحمد لله بس فينك من يومين اكيد العطل الفني رجع تاني
والا شكلك اتعديتي من السيستم بتاعك وربنا يستر دا بهت علي كل اللي في المركز علي فكره ماعدا الدكتاره :)
المهم يااارب تنضمي معنا في الرابطه وانا اول المستفدين علي فكره وان شاء الله ربنا يعينا ويثبتنا
وبالنسبه لردك علي كلامي بجد جزاك الله خيرا وعندك حق في الجزيئه اللي قلتيها انا وانت دورنا ايه كبنات ومن هنا مربط الفرس لازم نرجع تاني لتوزيع الادوار لان اللي احنا فيه دلوقتي لاخبطه ادوار نتج منها اجيال مش لاقيه اللي يربيها الام مشغوله وملاهيه ولا كنها هي الراجل ومسئوليه برا وجوا وهم برا وهم جوا والله بجد المراه في عصرنا دا لازم نتديها درع المراه الحديديه والله يعين فلو بجد عرفنا دورنا الاساسي واخلصنا فيه وعطانها الاولويه اكيد الوضع اللي احنا فيه هيتصلح ويتغير لاحسن ونرجع تاني بقا
للام مدرسه اذا اعددتها اعددت شعبا طيب الاعراق
لحسن الام دلوقتي يقت هيئه حكوميه الله يعينها شغل برا وجوا
نسال الله السداد والتوفيق
مستنياكي وصلحي بقا العطل الفني دا هو من المركز اكيد قدرنا ونصيبنا الحمد لله
وطولي برحتك انا اصلا بسعد بكلامك ودا فرصتنا اننا بنتكلم هنا
دمت بخير وسلام
غربتي
ماما أموله
ربنا يرحمنا ويهديهم
نسال الله لهم سلامة العقول
غربتي
استاذ فشكول
بس نعمل ايه المفروض مننا
نشكر ربنا علي البلاء والعطاء
ومدام دول بلاءنا فالحمد لله
ربنا يهديهم ويصلح حالهم ويرشدهما للصواب لهم ولنا
غربتي
مذكرات مشاغب
الحمد لله انا كنت بس عايزاك تقرأ مقال الشيخ العوضي
وربنا يثبت وينصر كل من يقوم لخدمه دينه
واعلاء لا اله الا الله
جزيت خيرا
غربتي
كل حاكم حاطط ايده على خده وبيتفرج
طب ليه ؟؟
حسبي الله ونعم الوكيل فيهم