3:19 PM |
Author: ghorBty
الجو الايام دي سبحان الله جميل جدا شويه غيوم وشويه الشمس تطلع بس السماء شكلها يدعو للتفكر
الصبح وانا راكبه المترو ببص علي السماء لقيتها سبحان الخالق مليئه بالسحاب والشمس محجوبه وارها بس فيه شعاع من الشمس طالع من وسط السحاب شكله رائع اول احساس جالي من المنظر دا هو احساس بالأمل وكمان كنت بسمع نشيد يا رفيقي ( اسمعوه حلو اوي )كله امل هو كمان فالموقف كله كدا علي بعضه ملئ بالأمل
الأمل في ايه بالضبط .. الأمل في حالنا كمسلمين .. والحال لا يخفي علي احد
بقيت ابص علي البنات اللي في المترو واقول في باللي والله جواكم خير بس محجوب زي شعاع الشمس بالضبط لو يدوا نفسهم فرصه اكيد هيطلع من جواهم شعاع ينور حياتهم
بس ملهين بالاغاني والمظاهر والموضه اللي مش عارفه هتوصلنا لفين بالضبط والعقول بقت تافهه والقلوب بقت فاضيه
والحياء شكله راح مشوار وطول والشباب برضوه نفس الحال الا من رحم ربي
فسألت نفسي كل اللي بيحصل دا ممكن نقول المسلمين لسه بخير
اكيد طبعا بخير
وزي ما الرسول عليه الصلاة والسلام قال
الخير في أمتي الي يوم الدين
ولازم دائما نبص للنصف المليان من الكوب
بس هنفضل نقول جوانا خير جوانا خير وسيبينه جوا
لازم يطلع شعاع الخير دا وينور حياتنا كلها بنور الايمان
لازم نصلح من نفسنا دائما واللي بيعمل ذنب وعارف انه بيغضب ربنا يستعين بالله ويسيبه
كل حاجه صعبه في الاول بعد كدا ربنا بيسهل الامور
وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ
ابداوا دوروا عن الخير اللي جواكم واشتغلوا عليه
اللي بيسمع اغاني بضيع وقته اللي هيتسأل عنه وبتخلي علي قلبه سواد يستعين بالله ويسبها القلب اللي جوانا دا يستوعب كلام ربنا او يستوعب الكلام بقا اللي انتوا عارفينه بأي قلب تحب ان تقابل ربك بقلب ملئ بالقرءان ام ملئ بكلام الاغاني
مَّا جَعَلَ اللَّهُ لِرَجُلٍ مِّن قَلْبَيْنِ فِي جَوْفه
كل واحد فينا يراجع نفسه ويحاسبها
ربنا سبحانه وتعالي عبادتنا له لان تزيد من ملكه شئ احنا بنعمل لانفسنا
وَمَنْ عَمِلَ صَالِحاً فَلِأَنفُسِهِمْ يَمْهَدُونَ
وبالرغم من حالنا دا الا ان ربنا سبحانه وتعالي رحيم بينا ورحمته مغمورين فيها ليل ونهار بنعصي ومقصريين في العباده وخيره نازل علينا برضوه ولسه ملهين عنه طيب امتي هنفوق
الامطار اللي بتنزل لنا دي كلها رحمة اول لما اشوفها بقول الحمد لله يا رب عصيناك وتجاوزت عنا ورزقتنا بعفوك وكرمك
تفكروا في آيات الله في الكون علشان يتمكن حبه في قلوبنا علشان لو حبناه بجد هنعمل دائما اللي يرضيه
وزي ما بيت الشعر بيقول
وبالرغم من حالنا دا الا ان ربنا سبحانه وتعالي رحيم بينا ورحمته مغمورين فيها ليل ونهار بنعصي ومقصريين في العباده وخيره نازل علينا برضوه ولسه ملهين عنه طيب امتي هنفوق
الامطار اللي بتنزل لنا دي كلها رحمة اول لما اشوفها بقول الحمد لله يا رب عصيناك وتجاوزت عنا ورزقتنا بعفوك وكرمك
تفكروا في آيات الله في الكون علشان يتمكن حبه في قلوبنا علشان لو حبناه بجد هنعمل دائما اللي يرضيه
وزي ما بيت الشعر بيقول
تأمّل في الوجود بعين فكر
ترى الدنيا الدنيئة كالخيال
ومن فيها جميعاً سوف يفنى
ويبقى وجه ربك ذو الجلال
ترى الدنيا الدنيئة كالخيال
ومن فيها جميعاً سوف يفنى
ويبقى وجه ربك ذو الجلال
Category:
خ ـــــواطراٍيمـانيهـ
|
9 comment:
السلام عليكم
الحقيقة أنا حبيت أزور مدونتك عشان أردلك الزيارة ولقيت مدونتك رائعة وأحلى ما فيها الجو الدينى الروحانى ال كتير مننا مفتقدة الأيام دى
تقبلى مرورى وتحياتى
السلام عليكم
سعيد جدا بمرورك لدي وسعدت أكثر بمدونتك وأااطروحاتك فيها
يهمني أكثر تعليقك علي التدوين الجديد
تحياتي
السلام عليكم
سعيده انا اكتر بمرورى بمدونتك
واخترتى موضوع حيوى جداا
بجد انا مش عارفه هنوصل لئيه فى موضوع الملابس ده
خلاص الواحد مش عارف يمشى فى الشارع والله
بحس اوقات انى مكسوفه للبنات دى
جزاكى الله خيراا
وشرفنى مررورك عندى
ملاحظه
ياريت حبيبتى تشيلى كلمة التأكيد
لانها بتصعب التعليق
وجزاكى الله خيرا
السلام عليكم ورحمة الله
مدونتك رااااائعة أحببت أجواءها كثيرا واعجبني نشيد يا رفيقي عاد بي لذكريات جميلة
أتمنى أن نكون أصدقاء
تقبلي مروري
مدونة رائعة
السلام عليكم ورحمة الله وبركاته
صدي الصمت
جزاكي الله خيرا وبارك الله فيك
نورتي المدونه والله اصلا انا بشوف كلمة الصمت دي برتاح اصلي بحبه جدا
ربنا ييسر لك الحال
.............
تايه في وسط البلد
وعليكم السلام
جزاك الله خيرا
..............
الرميصاء
سعدت بوجودك هنا في صفحتي
والله ربنا يسترها علينا ويهدي بنات المسلمين يا رب ما فيش بأيدينا غير الدعاء
بجد والله مساكين ومحتاجين الدعاء
بارك الله فيك وثبت خطاك
..............
امل
ووجدك جعلها اروع
وشرف لي ان تكوني صديقتي
واتمني زيارتك لي دائما وان شاء الله دائما تكون عند حسن ظنك
دمتي بأمن وسلام
............
كلام علي بلاطه
جزاك الله خيرا
وربنا يتقبل منا
.............
الحمد لله على نعمته
و التفكر من أهم العبادات
أسأل الله أن يثبتنا حتى نلقاه
و أن يرضى عنا و عنكى
د.حماس
السلام عليكم ورحمة الله وبركاته
جزاكى الله خيرا
مدونه رائعة
وكلماتك رقيقه
ومعبره عن حال الشباب
فلندعوا الله لهم بالهدايه
ولنعمل جميعا
لنشر الفضيلة
السلام عليكم ورحمة الله
د/حماس
جزاك الله خيرا
اللهم ارضي عنا اجمعين
دمت بخير
...........................
اختي الشهيده
جزاني واياك
اللهم اهدنا واهدي بنا واجعلنا سبب لمن اهتدي
هكذا يجب ان يكون حال المسلم ان يدعو الله دائما بالهدايه لنفسه ولغيره ولكن يجب ان نتبع الايه
وادعوا الي سبيل ربك بالحكمة والموعظه الحسنه وجادلهم بالتي هي احسن
بالحسني والكلام اللين تلين معاك القلوب وتحن الي خالقها
نورتي المدونه
ودمت بخير وسلام