9:02 PM | Author: ghorBty

عندما تصبح القلوب عامره بالله
نجدها دائما تسعي لرضا مولاها
ترنو تجاه الخير في عزم وهمه
تتطلع دائما الي ما هو اسما
تحمل داخلها شعاع من نور
استمدته من نور ربها
فانرت لها الطريق
فعرفت انها حين جاءت للدنيا
جاءت لهدف وغايه
وعرفت انها لم تخلق عبثا
و
لن تترك سدي
فوعت القضيه .. وتحركت في الاتجاه الصحيح
هكذا تكون القلوب العامره
عامره بالخير والعطاء والبذل والتضحيه


فالدنيا كما نعرف دار ابتلاء واختبار
والانسان خلق فيها لهدف نبيل
الا وهو عبادة الله عز وجل
وعمارة الارض
وحينما نتأمل في خلق الانسان نجده كما قال الله عز وجل
لقد خلقنا الانسان في أحسن تقويم
وجعل لكل انسان بصمة منذ خلق ءادم حتي قيام الساعه
فلماذا لا نفكر قليلا لماذا جعل الله لكل واحدا منا بصمة مختلفه عن الاخر ؟؟
فبصمتك مختلفه عن من حولك
فيا ترا أين وضعت بصمتك ؟؟

:
:
كم ذكر لنا التاريخ أسماء خلدت بسبب أعمالها
فنت الاجساد
وبقيت الاعمال والاثار
وستظل باقيه حتي قيام الساعه

:
:
وكم مر علي التاريخ أناس عاشوا وماتوا
ولم يذكرهم أحد
فنت الاجساد
ولم نجد لهم أعمال تذكر

:
:
فيا ترا أي الصنفين تحب أن تكون ؟
:
:


ولو تأملنا في القرءان الكريم سنجد قصص لاناس ليسوا بالانبياء ولا بالرسل ولكن ذكروا لان كان ليهم دور فعال ناس كان ليهم حركه .. كان ليهم بصمه
وَجَاء مِنْ أَقْصَى الْمَدِينَةِ رَجُلٌ يَسْعَى قَالَ يَا قَوْمِ اتَّبِعُوا الْمُرْسَلِينَ* اتَّبِعُوا مَن لاَّ يَسْأَلُكُمْ أَجْراً وَهُم مُّهْتَدُونَ* وَمَا لِي لاَ أَعْبُدُ الَّذِي فَطَرَنِي وَإِلَيْهِ تُرْجَعُون* أَأَتَّخِذُ مِن دُونِهِ آلِهَةً إِن يُرِدْنِ الرَّحْمَن بِضُرٍّ لاَّ تُغْنِ عَنِّي شَفَاعَتُهُمْ شَيْئاً وَلاَ يُنقِذُونِ* إِنِّي إِذاً لَّفِي ضَلاَلٍ مُّبِينٍ* إِنِّي آمَنتُ بِرَبِّكُمْ فَاسْمَعُونِ* قِيلَ ادْخُلِ الْجَنَّةَ قَالَ يَا لَيْتَ قَوْمِي يَعْلَمُونَ* بِمَا غَفَرَ لِي رَبِّي وَجَعَلَنِي مِنَ الْمُكْرَمِينَ*

وسيظل ذكر هذا الرجل يتلي اٍلي يوم القيامه
:
حتي الهدهد كان ليه بصمه

فَمَكَثَ غَيْرَ بَعِيدٍ فَقَالَ أَحَطتُ بِمَا لَمْ تُحِطْ بِهِ وَجِئْتُكَ مِن سَبَإٍ بِنَبَإٍ يَقِينٍ* إِنِّي وَجَدتُّ امْرَأَةً تَمْلِكُهُمْ وَأُوتِيَتْ مِن كُلِّ شَيْءٍ وَلَهَا عَرْشٌ عَظِيمٌ* وَجَدتُّهَا وَقَوْمَهَا يَسْجُدُونَ لِلشَّمْسِ مِن دُونِ اللَّهِ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ فَهُمْ لَا يَهْتَدُونَ* أَلَّا يَسْجُدُوا لِلَّهِ الَّذِي يُخْرِجُ الْخَبْءَ فِي السَّمَاوَاتِ وَالْأَرْضِ وَيَعْلَمُ مَا تُخْفُونَ وَمَا تُعْلِنُونَ

وكانت نتيجة عمله دا ان ملكة سبأ وقومها اسلموا لله رب العالمين
واكيد ربنا ذكر لنا القصص ديه للعبره
علشان نعتبر
علشان نتحرك
علشان نعرف ان كل واحد فينا لن يخلق ليعيش لنفسه فقط
وكما قيل
من عاش لنفسه فقط عاش صغيرا ومات حقيرا .. ومن عاش لغيره عاش كبيرا ومات كبيرا
:

وفي الزمن اللي احنا فيه دلوقتي كل واحد لازم يكون ليه دور لازم يكون ليه بصمة
مش ربنا بيقول

إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ

والتغير دا هيجي ازاي لو كل واحد فكر في نفسه وبس
واحنا كلنا في مركب واحد
فلازم كل واحد يفكر كويس هو يقدر يقدم ايه ؟
يقدر يغير ايه؟
يقدر يعمل ايه ؟

دي محاضرة للشيخ العريفي هتساعدنا كتير جدا ازاي نعرف يكون لينا بصمة
يا ريت اللي يدخل هنا ينزلها ويسمعها

ضع بصمتك

بعد كدا يا ريت كل واحد يضع بصمه في التعليق يقول لنا شئ ايجابي بيعمله ؟
وهل حاسس ان العمل دا بيشعره بالسعاده ؟

وهل بيعود بالنفع لغيرك ؟

اٍطلب مني أن اضع بصمتي واجواب علي الاسئلة اللي طرحتها عليكم بس الحقيقه لما فكرت كويس لقيت اد ايه الاجابه صعبه اوي ان الواحد يجاوب تعرفوا ليه لاني لما جيت اكتب الاجابه افتكرت كلمة كان قالها الشيخ عائض القرني كان بيقول ان في معركة في عهد عمرو قتل اناس في الحرب فسال عمر من قتل ؟ قالوا فلان وفلان واناس لا نعرفهم فدمعت عين عمرورضي الله عنه وقال لكن الله يعلمهم سبحانه
يعني ممكن يكون فيه ناس مش ظاهر عليهم ان ليهم اي دور ولا بصمة بس هم عند ربنا معروفين وفي مقام عالي وعندما فكرت قلت لعل السبب اللي لازم نفكر فيه كويس هو اخلاص النيه وتعرفوا كمان ممكن تكون البصمه ديه ليست مجرد عمل وبس ممكن تكون صبر علي بلاء فتكون بالنسبه لغيرك قدوه في الصبر وبرضوه حسن خلقك وتعاملك مع الناس ممكن يكون بصمه لك
ومن وجهة نظري البصمة الحقيقيه اللي ممكن تضعها هي اخلاقك وتعاملاتك قبل عملك

وهي ديه يمكن تكون بصمتي وسط اهلي وسط اصدقائي وزي ما ربنا بيقول
ولا تزكوا أنفسكم هو أعلم بمن اتقي
بس انا بقول كدا من باب
وأما بنعمة ربك فحدث
واكيد طبعا بشعر بالسعاده من كدا مفيش أحسن من الذكر الحسن وحب اللي حواليك
اما بالنسبه هل يعود بالنفع للاخرين ؟
اتمني من الله ذلك واٍني اعمل بصمة في حياة اي حد يعرفني
وحينما تنفاض روحي الي خالقي يبقي لي عندهم الدعاء لي ان يتغمدني الله بالرحمة والمغفره
وكمان مدونتي ديه يا رب تكون بصمه كويسه
وأن شاء الله قريبا جدا هيكون فيه بصمة كبيره انا بتمني اني اشارك فيها
ولعل البوست اللي جاي يتكلم عنها وكمان هنكون محتاجين ناس يحبوا يشتركوا معانا
ويورونا بصمتهم

غربتي
:

أن شاء الله هيكون فيه أضافات اللي مهتم معنا يتابع
موضوع موقوف لظروف طارئه
بس راجعين تاني ان شاء الله
مستنيه بس بدايه المشروع
دعواتكم

غربتي





You can follow any responses to this entry through the RSS 2.0 feed. You can leave a response, or trackback from your own site.

19 comment:

On 12/21/08, 9:35 PM , smilyrose said...

غربتى

اولا اهنيك على تلك المقالة الرائعة

والتى اتمنى ان تكون بصمة فى حياة

الكثيرين منا وتساعدنا على التغير

سوف اقص لك عن حياتى شيئا صغير

مهنتى هى التدريب والتعليم فى مجال

الكمبيوتر والحاسب الألى فى أحد المعاهد

وفى بعض المراكز المتخصصة

ورغم اجتهادى فى عدم جعل مهنة التدريس
هى عملى لخوفى من تاثير تلك المهنة

الا انها اصبحت كل حياتى

واصبحت احس اننا من خلالها اقدم رسالة

واحاول ان يكون لى تأثير فى بعض

من اتعامل معهم من خلال عملى

والحمدلله الله قد حبانى الله بحب تلاميذى

وزملائى فى العمل

وكل هذا اعطانى هدفا ان لعملى قيمة

وان هناك شئ مطالب منى القام به

على اكمل وجه مع مراعاة الله فى كل شئ

هذه هى حياتى

ولك الحكم

smilyrose

روح الحب الصادق

 
On 12/21/08, 10:23 PM , heba said...

بسم الله الرحمن الرحيم
اولا مش عارفة اشكرك ازاي وكانك بتقرئ اللي بيدور جوايافجزاكي الله عنا كل خيرا
وقبل ما اعلق احب اقولك حاجة احنا لما قعدنا نقول احنا عايزين نحب ربنا بجد وبدأنا نعمل ده فعلاوالله ربنا فتح علينا وانا واحده من الناس بدأت افكر في حالنا وليه احنا مبنتلصحش رغم ان جوانا خيرا كثير والحمد لله ولما فكرت شوية ليت الحل ان احنا سمعنا قول الله سبحانه وتعالي (ان الله لايغير ما بقوم حتي يغيروا ما بانفسهم) ولكن لم نعمل به اصحبنا نري عيوب غيرنا والفساد حوالنا من كل مكان ونقول شوفوا الناس بقيت وحشه اوي ولكن!!!!!!!!!!
لما بدأنا مع بعض نحاول نقرب ونشجع بعض علي حب ربنا والحمد لله دعينا وهنفضل ندعي يارب قربنا وافتح علينا
قلت انا معترضه علي الفساد اللي حوالي ومستنكرة افعال الناس قلت لنفسي شوفي انتي بتعملي ايه في شغلك واكيد البدايه من هنا لقيت نفسي انا اول المقصرين في عملي ومن هنا انا حاسه انها البدايه بس يارب ثبتني وادعيلي يا اختي ان ربنا يثبتني
وده كله مقدمه للتعليق علي ضع بصمتك اللي انا حاسه انه اختيار موقف جدا بعد قلوبنا العامرة لابد وان تعمل وتحقق الغاية والهدف التي خلقت له
واتنمني من الله عز وجل ان يوقفنا جميعا الي وضع بصمتنا في الحياة وينفع الله بنا الاسلام والمسلمين ونلقي الرسول عليه الصلاة والسلام علي الحوض فيعرفنا ويقول انتم احبابي انتم من اتبعتم نهجي ولم تبدلوا ولم تغيروا ونشرب من يده الشريفة شربه لا نظمأ بعدها ابدأ
اللهم امين
هذا بس مجرد كلام من القلب
وانتظري تعليق علي الموضوع وما هي بصمتي
بس ان حبيت اعمل ربط بين الموضوع اللي فات والموضوع ده
نفع الله بيكي
وربنا يفتح عليكي دايما يا اختي وتتحفينا بموضيعك الجامدة ده
ورزقكي الله كل ما تتنمني
نحسبكي علي خير ولانزكي علي الله احدا
اني احبك في الله

 
On 12/21/08, 10:35 PM , آخر العنقود said...

ماشاء الله حبيبتي
بصدق كلام ك هو ما يشغل تفكيري كثيرا هذه الايام
ماذا فعلت وماذا افعل لاترك عملا ينفعنى وينتفع به الناس من حولي؟
كلامك ده بجد تفكير بصوت عالى للى بيدور جوايا ويمكن لكتير من اللى متابعك

بدأت التفكير والتنظيم وتالتخطيط للوصول لهدفى
اتمنى من الله عزوجل ان يثبتنى ويرزقنى واياكى حسن البصيرة
وان يعيننا وان يستخدمنا ولا يستبدلنا
وان يجعلنا سببا في نصرة دينه
اللهم آمين

اما عن بصمتى فانا اسعى بكل ما املك ان يكون كل ما اقوم به عمل ينتفع به من حولى
ولو ركزت شوية وصغرت الدارة هقولك انه فى مجال تخصصي بحاول وبسعى بجد انى اتعلم اكتر واعلم الاطفال واضع بصمة فيهم تكبر معاهم طول حياتهم لانهم هالاساس

متابعة لكى بكل الحب
ولو افتكرت جديد هقوله ياقمر
:)
انى احبك فى الله
واتمنى انى اشوفك قريبا ان شاء الله
دعواتك

 
On 12/22/08, 12:03 AM , موناليزا said...

سؤال وجيه جدا احييكى على طرحه
اما عن اجابتى فبصمتى اتركها على اى شئ افعله "اذا عمل احدكم عملا ان يتقنه"
وهذا مايميز ما افعله مهما كان

 
On 12/22/08, 12:10 AM , mohamed ghalia said...

رائعة كالعادة يا غربتى
دعواتك مشغول جدا عشان إمتحناتى
دمتى فى حفظ الله

 
On 12/22/08, 1:10 AM , بسنت said...

المقال جميل بجد
وفكره ان الواحد يكون ليه بصمه او هدف يحققه حتى لو كان بسيط حاجه طبعا تشغل تفكيرى
حاجه جميله لازم تنفع الناس التانيه علشان فعلا تعيش بذكرى كويسه
جزاك الله خير على النصيحه الغاليه
دمتى طيبه دايما
اختك
بسنت

 
On 12/22/08, 3:03 AM , انسانةعادية فى عالم مش عادى said...

بوست رائع جدا جزاكى الله خيرا
ونفسى بجد اضيف بصمتى واعمل حاجة للدين ده ربنا يكرمنى يارب واقدر اعمل اى حاجة

 
On 12/22/08, 9:42 AM , مذكرات مشاغب said...

احييكي جدا على المقال الروعه ده
بدون اي نوع من انواع المجامله
وده خلاني فعلا اسال نفسي عن البصمه او التاثير اللي انا بعمله
فقولت جايز تكون مذاكرتي اللي هي عملي الحالي ممكن تكون بصمه
ممكن تكون ارائي اللي بدات اطرحها تكون بصمه
ممكن تكون علاقتي باللي حوليه تكون بصمه
مش عارف هو بصراحه سؤال صعب

بس انا في رايي ان زي ما في ناس سابت بصمه كويسه
في ناس برده سابت بصمه سيئه وسيظل التاريخ يذكرهم
يعني من الاخر اللي مش هيعرف يسيب بصمه كويسه بنصحه انه يتحول لسفاح عشان التاريخ برده يذكره
هههههههههههههههههههه

لا بس بجد موضوع رائع جدا وبكررها تاني


مودتي وتحياتي

 
On 12/22/08, 4:45 PM , ghorBty said...

smilrose

اهلا ومرحبا ودائما ببقي سعيده بوجودك وبستمتع بتعليقاتك المفيده

جزاك الله خيرا وياريت بجد الكل يفكر في شئ ايجابي ويعمله علشان يكون ليه بصمة ومش مهم ان التاريخ يذكرنا الاهم ان اننا نذكر في الملئ الاعلي ونكون فعلا حققنا مفهوم العبوديه الحق


اما بالنسبه لبصمتك ما شاء الله اللهم بارك
بجد مهنة التدريس ديه من اهم المهن ويمكن لما دور المعلم اتحول من انه مربي الي حاجات تانيه ماديه باحته قل احترامه وقيمته في المجتمع

ولكن فيه نماذج كويسه جدا وزي ما قلتي

الحمدلله الله قد حبانى الله بحب تلاميذى

وزملائى فى العمل

وكل هذا اعطانى هدفا ان لعملى قيمة

وان هناك شئ مطالب منى القام به

على اكمل وجه مع مراعاة الله فى كل شئ

ودا اهم شئ يجب ان يكون في المربي الحقيقي

ربنا يصلح لك الاحوال ويتقبل منك صالح الاعمال

دمت طيبه وبخير

 
On 12/22/08, 5:00 PM , ghorBty said...

هبه

ربنا يبارك لك يارب ويصلح لك الحال

يمكن علشان انا وانت في مركب واحد بنحس ببعض دائما لان الظروف اللي حواليا هي هي اللي حواليك والله المستعان

شوفي كل اللي قلتيه عندك حق فيه ودا اللي هيجلينا عمرنا ما هنتغير ولا نتقدم لاننا اتحولنا الي الالات نقد وذم في البلد والناس والظروف ونسينا ان الصحابه اللي كونوا الدولة الاسلاميه وفتحوا العالم ودخلوا الاسلام لدول كتير كانت ظروفهم واحوال معيشتهم ربنا كان العالم بيها اقل من اللي احنا فيه بمررررررررراحل ولكن كانوا ناس سواء رجال او نساء كانوا بجد ابطال باخلاقهم وبحبهم للدين وكان كل واحد عارف دوره كويس جدا علشان كدا قامت بهم الدوله الاسلاميه الحق

واحنا لازم نبطل شكوي وذم ونبدا نتغير حتي لو كل اللي حوالينا نايمين كفايه اننا لما نقابل ربنا يوم الحساب هنقوله اننا كنا عايشين لقضيه وتعبنا وماحطنش راسنا في التراب زي النعام واكيد ان شاء الله ربنا هيسعدنا

الكلام يطول وربنا يسهل ويتحول من مرحلة الكلام الي مرحلة التطبيق

مستنين مشركتك ان شاء الله

ودعواتك


غربتي

 
On 12/22/08, 5:54 PM , ghorBty said...

اخر العنقود

اهلا فينك يا بنتي من زمان الحمد لله عودا احمد منورة والله

كلامك ده بجد تفكير بصوت عالى للى بيدور جوايا ويمكن لكتير من اللى متابعك

الحمد لله التفكير في الموضوع دا في حد ذاته شئ كويس ودليل ان الحمد لله لسه جوانا خير والامل كبير ان بكره ان شاء الله هيكون احسن وافضل واحنا لو بنحاول نصلح او نغير احنا كدا بنمهد لولادنا واحفادنا ان شاء الله انهم يعيشوا في ظروف احسن من اللي احنا فيها

وبالنسبه لبصمتك ما شاء الله شوفي كلمتك ديه

بحاول وبسعى بجد انى اتعلم اكتر واعلم الاطفال واضع بصمة فيهم تكبر معاهم طول حياتهم لانهم هالاساس

فعلا عندك حق وربنا يبارك لك يا رب وشوفي انت قلتي بتتعلمي علشان تعلمي وتزرعي فيهم بصمة وهو دا الي احنا عايزينه نعيش مش بس لنفسنا نعيش كمان لغيرنا وربنا يصلح لك الاحوال ويتقبل منك وينفع بك اللهم امين

وياريت وانت بتعلمهم تزرعي فيهم كمان انهم يكون ليهم دور وبصمه للي حواليهم مش بس المهم انه يطلع دكتور والا مهندس والا غيره لمجرد الاسم والمنصب المهم انه ينفع غيره قبل ما ينفع نفسه ويكون قدوة ومثال للمسلم المتميز
دمت طيبه وبخير


غربتي

 
On 12/22/08, 6:08 PM , ghorBty said...

موناليزا


اهلا ومرحبا وربنا يبارك لك ان شاء الله

وفعلا عندك حق اهم شئ اتقان العمل مهما كان بسيط ودا فعلا اللي بيميز

المسلم الحق عن غيره

ويمكن لو الكل فكر كدا وعمل زيك كان فيه حاجات كتير جدا حالها هيتصلح وهتتحسن

نسال الله التوفيق والسداد

دمت طيبه وبخير

غربتي

 
On 12/22/08, 6:22 PM , ghorBty said...

استاذ محمد غاليه


جزاك الله خيرا كثيرا

وربنا يوفقك وجميع المسلمين يارب ويفتحها عليكم فتح مبين

وعايزين نشوف البصمه بتاعتك في النتيجه ان شاء الله

دا دعاء كنت دائما بحب اقرا قبل دخول الامتحان

اللهم ادخلني مدخل صدق واخرجني مخرج صدق واجعل لي من لدنك سلطانا نصيرا

وبالتوفيق والسداد ان شاء الله

غربتي

 
On 12/22/08, 9:51 PM , رابطة هويتي اسلامية said...

السلام عليكم ورحمة الله وبركاته
نرجو الحضور الي حجرة الجلسات يوم الخميس القادم الموافق 25/12/2008
وبذلك لعقد الاجتماع الشهري لأعضاء الرابطة
لا تنسي الحضور في تمام الساعة 8:00 مساءا
مع خالص تمنياتنا بالتوفيق والسداد
ورقة العمل يوم الخميس صباحا

 
On 12/22/08, 10:59 PM , مولان said...

ياريت بجد يكون لكل واحد فينا بصمه لدينه

بوست هايل بجد

ربنا يجعله في ميزان حساناتك

 
On 12/23/08, 12:41 AM , المعتصم said...

بسم الله الرحمن الرحيم
السلام عليكم ورحمة الله وبركاته
أختى الكريمة تقبلى تحياتى
موضوع جميل ورائع ويناقش امر المفروض انه كل مسلم يكون بيفكر فيه وتوضيحك سهل ومبسط ومش لازم الشهرة عشان بصمتنا تكون واضحة وانما واجب علينا كمسلمين اننا نسيب بصمة فى اى حاجه بنعملها فنحن سفراء لديننا واى حاجه بنعملها بيكون ليها اثر على ناس تانيه والاثر بالطبع اما يكون بالايجاب او السلب فياريت نحاول كلنا فعلا تكون بصمتنا واثرنا بالايجاب ونحاول بكده ننول رضا رب العالمين
تقبلى مروروى وتحياتى
والسلام عليكم ورحمة الله وبركاته

 
On 12/23/08, 1:56 PM , على عبدالله said...

عن عبد الله بن مسعود رضى الله عنه قال سمعت نبيكم صلى الله عليه و سلم يقول من جعل الهموم هماً واحداً، هم آخرته، كفاه الله هم دنياه، ومن تشعبت به الهموم في أحوال الدنيا لم يبال الله في أي أوديتها هلك (رواه ابن ماجه وهو صحيح
كان همه صلى الله عليه وسلم هو نشر دين الله منذ ان جائه قول ربه عز وجل
يا أَيُّهَا الْمُدَّثِّرُ * قُمْ فَأَنذِرْ * وَرَبَّكَ فَكَبِّرْ * وَثِيَابَكَ فَطَهِّرْ * وَالرُّجْزَ فَاهْجُرْ‏
فقام صلى الله عيه وسلم ولم يذق للراحة طعم حتى ادى الرسالة على اكمل وجه
ولنا فيه صلى الله عليه وسلم القدوة والاسوة الحسنة
ونسال الله ان يثبتنا على طاعته وبلاغ امره ونشر دينه
فمن عاش كبيرا مات كبيرا
فمن افضل واكبر من رجل دعى الى الله وعمل صالحا
ومن احسن قولا ممن دعى الى الله وعمل صالحا
اما البصمة
فليس افضل من ان تكون سببا فى اخراج رجل من النار الى الجنة باذن الله
لان يهدى الله بك رجلا واحدا خير لك من حمر النعم
لان يهدى الله بك رجلا واحدا خير لك من
الدنيا وما فيها

جزاك الله كل خير
ونفع بك
ووفقك لما يحبه ويرضاه
والسلام عليكم ورحمة الله وبركاته

 
On 12/23/08, 5:45 PM , حياتنا الزوجية...(عضو رابطة هويتي إسلامية) said...

السلام عليكم ورحمة الله وبركاته

أولا جزاك الله خيرا علي هذه الكلمات التي أعتبرها هي اليد الحانية التي تمتد لتقول للأمة الإسلامية تعال لا تخف تعال أقبل هنا الطريق وأيضا أعتبرها هي هزة الإستفاقة لأن نصحوا من هذه الغفلة التي كست كل شئ حتي وصلت الي عقر بيوتنا
فالله أسال أن يجعل هذه التدوينة بداية خير علي الطريق السليم لمن يقرأها ويعيها جيدا

بارك الله فيك غربتي وأثابك خيرا بخير حتي تنطلقي الي الجنة دون حساب ولا سابقة عذاب

والله يا غربتي ما نحتاج اليه فعلا أن نعمل لهذا الدين كما نعمل لأنفسنا

وأتذكر والله ما فعله عبدالرحمن الداخل ""صقر قريش ""فعلا إن هذا الرجل كما يقول المؤرخين لولا عبدالرحمن الداخل لإنتهي الاسلام بالكلية من الاندلس سنة 138 هجريا ولكن إنه مثال من قدم للإسلام الكثير فخلد إسمه علي السنة أعدائه وأسموه بصقر قريش ولقد دخل الاندلس وحيدا فكان النتيجة 100 الف فارس غير الرجالة التي يتضاعف اعدادهم عن هذا بكثير فالامل موجود غربتي مادام الاسلام يحوي أمثالك من الملتزمين دعاة الصحوة والخيرية الدائمة


أبو فاطمة من أمام المدونة بس بعتب عليكي ولا كباية شاي ولا اي حاجة كده

 
On 12/24/08, 5:30 PM , وهـج ~ said...

غربتي ..

قد يجهل الانسان أحياناً مواطن افادته لغيره
او ربما حين يعمل فهو يعمل دون أن ينوي أن يضع تلك البصمة أمام مخيلته كهدف يسعى إليه ..
لكن ومن غير قصد يرى نتائج أفعاله وتصرفاته واضحة جلية على من حوله ..
او ربما على ما لقيهم ولو لفترة قصيرة جداً ..

أما عن بصمتي ~

فلست أنا من يحددها .. أترك ذلك لمن تعرف علي وجالسني وتحدث الي ..
فليس للمرء أن يقيم أفعاله ..

لكني أشير أو أركز على نقطة أن الآخرين قد يتأثرون وقد نترك بهم بصمة بمجرد لقاء او جلسة او موقف بسيط جداً وربما كلمة او ابتسامة لا ندرجها في قائمة إنجازاتنا ..
لكنها عند الله عظيمة ..

ربنا استعملنا في طاعتك ,
واجعلنا في هُداك ,
واجعل عملنا خالصا لوجهك
وخصنا بقربك ..
يا كريم ..

ودي ~