10:00 PM | Author: ghorBty

خد كل شئ ببساطه
خد كل شئ بهدوء
ايه دام في الدنيا ديه
دا كل شئ بيفوت
دا كل شئ بيعدي .. دا كل شئ بيموت
ولا دائم غير وجه ربي
خد كل شئ ببساطه
خد كل شئ بهدوء
:
:
ليه يعني لحظه حزن .. ليه يعني لحظه خوف
ليه يعني تعيش عمرك محتار مرة وملهوف
ليه كدا بس دا العمر علينا محسوب
خد كل شئ ببساطه
خد كل شئ بهدوء
:
:
ايام بتعدي علينا يوم بياخد يوم
لمرة بيها حسينا ولا في تقدم ملحوظ
لاننا بكل بساطه في هم وقلق عايشين
بالله ديه تبقي عيشه
خد كل شئ ببساطه
خد كل شئ بهدوء
:
:
قلبنا موازين الكون وقيمنا الانسان بماله
فبقا كل هدفه كام يجمع ويشوف حاله
واختزل حياته في بنك
علشان كلمة بيه وباشا ويا خساره علي حاله
فين بس التقوي اللي هي اساس حاله
يا انسان اسمع كلام ربك

واعرف قيمتك من دينك
خد كل شئ ببساطه
خد كل شئ بهدوء

:
:
مشينا وار قلوبنا كتير وكله مرة جروح
وربنا قال غض بصرك لانك اساسا مفتون
ولا سمعنا ولا اطعنا
وكل مرة نعود بجراح وهموم ونقول ليه بس
ما انت اساسا مسئول
عن كل شئ بحياتك ..عن كل شئ بيروح
جرب مرة وقلها
سمعنا يارب واطعنا
علشان تعيش مبسوط
خد كل شئ ببساطه
خد كل شئ بهدوء
:
:
كتير بنعقد حالنا ونعيب الزمن ونذم
ولو فكرنا شويه هنلاقي احنا اللي هننذم
من افعالنا واحوالنا ولو زمنا اٍتكلم
لقال علينا الهم
فكر في حالك شويه
دا كل شئ بيهم
الا انت يا انسان امتي هتقوم وتهم
خد كل شئ ببساطه
خد كل شئ بهدوء
:
:
اتهان حال الاسلام اتهان حال الاخوان
اخوانا في كل مكان عايشين ومش عايشين
في جراح وهموم وظلام
واحنا عادي عايشين
ايه يعني نعمل ايه
لا والف لا هقولها باعلي صوت
اتحرك يلا وغير واحنا هنستني ايه
اكتر من اللي فات وعدي وناس مساكين اتهانوا
وناس مساكين مجاريح
اطفال ماتوا وما عاشوا علشان فيه ناس نايمين
المرة ديه يقا
ما تحدش كل شئ ببساطه
ما تحدش كل شئ بهدوء
:
:
اولادنا هما حياتنا وامل مستقبلنا الجاي
ليه بس ما علمناهم ايه هدفهم في الحياه
سيبن الشارع يربي وكمان المفسديون
ولو ربناهم علي الاخلاق والقيم
لكان الحال اتغير وما شفنا اللي بيتشاف
في المرة ديه برضوه
ما تخدش كل شئ ببساطه
ما تخدش كل شئ بهدوء
:
:
في حاجات في حياتنا محتاجه منا جهاد
وكمان في حاجات محتاجه منا كفاح
فبلاش علطول نستني
ونقول بكره هينصلح الحال
بكره هينصلح بينا
عايزين الحركه جامده .. عايزين نبقي عال
وفي المرة ديه برضوه
ما تخدش كل شئ ببساطه
ما تخدش كل شئ بهدوء
:
:
رساله مني ليكم
ليه شايل هم بكره ليه شايل هم بعده
بكرة وبعده فين
خليك بس النهارده واعمل اللي بدك فيه
وليه حزن علي العدي هو اللي عدي فين
خلاص اندفن وعدي
واحنا اليوم موجودين
عايزين ننسي اللي فات ونسي كمان اللي جاي
اللي عدي خلاص مات واللي جاي مالنا فيه حال
وعيش حياتك لفكرة وسيبك من الانانيه
وسيبك من الاحزان
وسيبك من الاوهام
وقولها باعلي صوت انا هيعيش بالاسلام
فيا ريت
ناخد كل شئ ببساطه
ناخد كل شئ بهدوء
:
:
ببساطه غربتي بقت عبد الرحمن الانبودي وربنا يستر من اللي جاي

بقلمي بعد ما انعدل حاله


غربتي


You can follow any responses to this entry through the RSS 2.0 feed. You can leave a response, or trackback from your own site.

22 comment:

On 12/26/08, 10:20 PM , آخر العنقود said...

لا مش مصدقة بجد

انا من اول ما بدأت القراءة وانا منتظرة وبشغف اعرف كتابة مين ؟؟

واقول دى يمكن اغنية ولا كلمات عجبتها
:)

ماشاء الله عليكى بجد

من غير مجاملة فعلا كلمات جميلة

ببساطة كده
كلمات فى الجوووووووووون
:)
عبرتى عن كل حاجة ببساطة
قولتى حالنا بمنتهى البساطة


ببساطة وبمنتهى البساطة

انى احبك فى الله

 
On 12/26/08, 11:00 PM , ghorBty said...

اخر العنقود

حبيبتي

بجد وبكل بساطه اني ايضا احبك في الله

بجد كلامك بيرفع معناوياتي اخاف اخد مقلب وانسي البساطه واتغر وديه هيبقي مشكله اكيد

تعرفي وانا بكتبها ضحكت علي نفسي ضحك
افتكرت ايام الكليه كنت بكتب كدا نفس النظام دا رتم شعبي يعني من تاثير الكيماويات اللي بنشمهافي المعمل والله كانت ايام جميله

مش عارفه ايه اللي خلاني ارجع اكتب بالاسلوب دا تاني

يلا خير بس ربنا يستر وشعبان عبد الرحيم ما يطلبهاش مني ساعتها هشعر بالحرج الشديد

غربتي

 
On 12/26/08, 11:07 PM , موناليزا said...

عودة قوية جدا
وموضوع مهم جدا ويشغل بال الجميع
ربنا ينفع بيكى

 
On 12/26/08, 11:27 PM , كاتب مصري said...

يارتني أقدر آخد كل حاجة ببساطة وهدوء مكنش حالي بأه كده
مودتي
على فكرة انت مبدعة دي أول مرة آجي هنا بس أوعدك هتشوفيني هنا كتير
تحياتي لك

 
On 12/27/08, 12:44 AM , وهـج ~ said...

هذا ما عهدته منكِ غربتي =)

تفاؤل

أمل

عزة

عزيمة وثبات

بالرغم من اني اوافقك بشكل نسبي ..

إذ ليس كل شيء يحتاج لهدوء وبساطة ..

ربما هدوء وروية .. لكن البساطة .. لا أظن ..

مثال // واقعي ~
لو كان الماضي مليء بالعثرات ..
هل من الصواب أن نأخذ الموضوع ببساطة
أليس من الحق أن نستفيد من الأخطاء ونعمل جادين ومجتهدين بكل ما أوتينا من قوة في التفكير في الماضي لتأمين الوضع حالياً ومستقبلاً ؟؟

لا بأس بالهدوء والروية كما ذكرت ..
لكن البساطة .. لا تنفع ربما في بعض الأحوال ..



غربتي ..
شكري لكِ بحجم السماء ..
ويزيد ~

 
On 12/27/08, 1:05 AM , fashkool said...

والله يا غربتى السهل الممتنع بيبقى ممتنع البساطه شيئ جميل ومفروض نسمع كلامك وناخد كل شيئ ببساطه وكمان بهدوء .. بس ازاى .. لكن برضه لازم نحاول ونحاول ناخد كل شيئ ببساطه وناخد كل شيئ بهدوء .. اشكرك على الزياره ونتمنى التكرار... تحياتى

 
On 12/27/08, 1:13 AM , كن جميلا...(عضو رابطة هويتي إسلامية) said...

السلام عليكم ورحمة الله وبركاته

غربتي
ببساطة وغير بساطة بارك الله لكي في كيبوردك ""قلمك وفكرك "" بجد إيه دا كله يا سلام

لا اللي عجبني تطويع الكلمات لما يدل عليه السياق بجد أنا كنت عاوز أنام الرسالة دي فوقتني خالص بجد أنا جالس أشوف ببساطة هتوصل الي إية لقتها وصلت متخدش كل شئ ببساطة

بارك الله فيك وجعلها في ميزان حسناتك

أبو فاطمة

 
On 12/27/08, 1:21 AM , romansy said...

لا خلاص يا غربتى
مش هنشيل هم بكره
ولا حب بكره
اكيد ربنا معانا
وعلى فكره قلمك طول عمره حاله معدول
بس اكيد المره دى عاملتيه كويس قوى
بحنيه
علشان كده
عمل معاكى شغل كتير

ابدعتى

 
On 12/27/08, 1:59 PM , آخر العنقود said...

مبرووووووووووووك ياجميل شكل المدونة الجديدة

ياترى مقصودة ولا مش مقصودة تغيريها
:)

بس كده ولاكده
جميلة والاجمل مافيها

دمتى فى سعادة وهناء حبيبتى

 
On 12/27/08, 6:06 PM , ghorBty said...

موناليزا

ربنا يبارك فيك حبيبتي

انها مجرد محاوله لاكون اقوي

اسال الله لي ولك التوفيق والسداد

غربتي

 
On 12/27/08, 6:09 PM , ghorBty said...

كاتب مصري

ان شاء الله اكيد ممكن نقدر كل شئ بس عايز محاوله وبالاخص الشئ المعلق بالقدر فليس امامنا حل الا الاستسلام والرضا واننا ناخد الامور بمنتهي البساطه

جزاك الله خيرا .. لست مبدعه ولكني فقط احاول ان اعبر عما بداخلي بواسطه تلك الكلمات


منور المدونه واكيد هنسعد بتكرر الزياره


غربتي

 
On 12/27/08, 6:19 PM , zainab said...

حبيبتتى غربتى

والله يعجز لسانى عن الوصف
ربنا يبارك فيكى كلامك يريح القلب ويعطى التفاؤل

*********************
رساله مني ليكم
ليه شايل هم بكره ليه شايل هم بعده
بكرة وبعده فين
خليك بس النهارده واعمل اللي بدك فيه
وليه حزن علي العدي هو اللي عدي فين
خلاص اندفن وعدي
واحنا اليوم موجودين
عايزين ننسي اللي فات ونسي كمان اللي جاي
اللي عدي خلاص مات واللي جاي مالنا فيه حال
وعيش حياتك لفكرة وسيبك من الانانيه
وسيبك من الاحزان
وسيبك من الاوهام
وقولها باعلي صوت انا هيعيش بالاسلام
فيا ريت
ناخد كل شئ ببساطه
ناخد كل شئ بهدوء
***********************
ربنا يارب يسعد و يهنيكى ويبارك فيكى و فى قلمك
وأشهد ربى انى احبك فى الله
*********************
ممكن تبعتى لى إيميلك وماتخافيش مش هنشره
تحياتى

 
On 12/27/08, 6:20 PM , ghorBty said...

وهج حبيبتي الغاليه

ربنا يبارك فيك اتمني فعلا ان اكون كما ذكرتي

غربتي ذات الامل والتفاؤل والعزيمه والعزه والثبات ما اجملها لو فعلا كانت فيني :)

حبيبتي

اكيد انك تاخدي كل شئ ببساطه مطلوبه عارفه ليه لانك هتلاقي راحتك وسعادتك هناخد ايه من الحزن والاسي والبكاء علي اللي فات وعدي وعلي اللي لا حس ولا هونا عليه

الحمد لله علي كل حال اود ان نشعر بها في كل وقت وحين في كل موقف يمر علينا هكذا وبكل بساطه عندما نتعرض لاي شئ فقط نقول وبكل رضا الحمد لله

لكن انا لا اقصد ان تنووواكل ونترك العمل والسعي وناخد كل شئ ببساطه هناك اشياء تحتاج مننا ان نكون كقطار يجري حتي نكون قد حقنا مفهوم التوكل الحق

وبعد تعليقك انا ضفت جزئيه علشان الصورة توضح اكتر وقلت فيهم في الحالات ديه ما تخدش كل شئ ببساطه ولا بهدوء


ربنا يهدي نفسنا ويرزقنا الرضا وهدوء البال


اتمني لك من كل قلبي ان يتغمدكي الله بلطفه ورحمته وكرمه فابشري ما دام الله بجانبك وربك فخدي كل شئ ببساطه

غربتي

 
On 12/27/08, 6:33 PM , ghorBty said...

استاذ فشكول

اهلا بحضرتك

ايوا حضرتك سالتني بس ازاي ؟

انا سالت نفسي برضوه نفس السؤال ولقيت صوت الشيخ عائض بيرن في ودني وكاني بسمعه وهو دائما بيردد في شريطه المفضل لدي لا تحزن وبيقول فيه

حديث الرسول عليه الصلاة والسلام

اعلم انه ما أصابك لم يكن ليخطئك وما أخطأك لم يكن ليصيبك.

قال عن الحديث دا ان هذه العقيده اذا رسخت في ذهنك صارت البليه عطيه والمحنه منحه وكل المصائب جوائز واوسمه

فمادام كل شئ بيحصل لنا هو تقدير العزير الحكيم العليم بما ينفعنا وما يضرنا ليه بقا ما نخدش كل شئ ببساطه ونحاول نعود نفسنا علي الرضا مرة وراء مرة لحد ما نوصل للمقام اللي ربنا قال عليه

رضي الله عنهم ورضوا عنه

اللهم اجعلنا منهم

لكن الاشياء الي محتاجه مننا سعي وعمل لازم ساعتها نشد الحيل ونشتغل

انا بقول لنفسي الكلام دا قبل ما اكتبه واسال الله العلي القدير ان يرزقني العمل به ويرزقني الرضا

جزيت خيرا

غربتي

 
On 12/27/08, 7:10 PM , Sometimes said...

ربنا يصلح حال قلمك كمان وكمان وكمان
وببساطه بجد جميل
عايزه اعرف احساسك بعد ما كتبتى الكلمتين الحلوين دول
:D
اصل بجد لما الواحد بيطلع كلام تحسيه جميل وله قيمه يبقى احساسك عالى اوى
تسلمى يارب

 
On 12/27/08, 7:47 PM , fashkool said...

العزيزه غربتى من كلامك
لكن الاشياء الي محتاجه مننا سعي وعملازم ساعتها نشد الحيل ونشتغل
يعنى فيه سعى وعمل .. والسعى والعمل يتطلب التدبير والتفكير .. اذن لن تكون هناك بساطه
لكن الايمان بالله وبقضائه هو التعبير الصحيح ومن كلامك
اعلم انه ما أصابك لم يكن ليخطئك وما أخطأك لم يكن ليصيبك.
فليكن هذا هو نبراسنا
ان نعمل ونترك الباقى على الله ونرضى بقدره .. تحياتى يا غربتى

 
On 12/27/08, 10:35 PM , ghorBty said...

كن جميلا

جزيت خيرا

سبحان الله بجد الكلام ساعات كتير بيكون سهل بس لما بيتحس بيكون صعب جدا

مثلا موضوع غزه دا بجد الواحد مش عارف ياخد الموضوع باي بساطه يعني سبحان الله لو كنت رديت عليك امبارح اكيد الرد هيكون غير كدا

بس فعلا فيه حاجات بتجرح وما ينفعش فيها اي بساطه

مش عارفه انا كنت غلاطنه والا ايه لما قلت خدوا كل شئ ببساطه

بس اللي لازم نتعلمه ان بجد ما فيش اي شئ يستاهل في الدنيا ديه غير ان ربنا يكون راضي عنك

نسال الله ان يرضي عنا جميعا

غربتي

 
On 12/27/08, 10:40 PM , ghorBty said...

رومنسي

اهلا بيك

لا مش كلامي اللي لازم يخليكم ما تشلوش هم لبكره

دا الواقع لان الواحد مش عارف بكره هيكون فيه ايه يعني هما المساكين اللي في غزه دول كانوا عارفين انهم بكره هيكونوا في تعداد الاموات

ربنا يرحمنا يارب ويختم لنا علي الخير والله
قول اااااااامين

غربتي

 
On 12/27/08, 10:44 PM , ghorBty said...

اخر العنقود

والله ما شاء الله عليك كلك ذوق حبيبتي


بس حساها كدا ملاءمه للنفسيتي اكتر


الحمد لله


غربتي

 
On 12/27/08, 10:46 PM , ghorBty said...

زينب

اهلا ومرحبه منورررررره يا غاليه

ربنا يبارك فيك انت كمان

ويعزك ويرفع قدرك يا رب

والايميل ان شاء الله يكون وصلك

اني احبك في الله ايضا

غربتي

 
On 12/27/08, 10:57 PM , ghorBty said...

اختي ساعات ساعات

اهلا بيك منوووره والله بجد

انا كنت بعد ماكتبت الكلمات ديه مبسوطه ومرتاحه طبعا وقلت لاي شئ مضايقني باااي وختها ببساطهـ
بس موضوع غزة الصراحه
زعل الواحد بجد
ربنا يفكها عليهم ويصلح لهم الحال

ما تنسيش تدعيلهم معاكي


غربتي

 
On 12/27/08, 11:04 PM , ghorBty said...

استاذ فشكول

اهلا بحضرتك تاني

وانا متفقه معاك تماما

البساطه في الامور اللي ليس لنا يد فيها يعني المتعلقه بالاقدار

لكن مطلوب مننا دائما السعي والحركه والاخذ بالاسباب

بوركت

غربتي