8:16 PM |
Author: ghorBty
تاج العزة مني لك يا غزه
الحمد لله
لكل شئ نهايه فلننظر اذا علي الاحداث بعد ما انتهت لنقف علي نقاط عده
قد بان امام اعيننا كل متخاذل ومتوطئ وكل جبان
قد اثبت اخواننا صدق ايمانهم وتوكلهم علي البارئ سبحانه
قد علم العالم من المجرم ومن الضحيه
وفقد الصهاينه المجرمين قوتهم الزائفه وظهر للجميع جبنهم ووحشيتهم
وقد علمنا جميعا ان
الحق ينتصر ويد الله معنا
ومع المحنه تكون المنحه فتجمع قلوبنا وتوحد دعائنا جميعا دليل اننا قادرون علي ان نعود
كما اردنا الله عز وجل أمة واحده علي قلب رجل واحد
فانظروا ايجابيات الحرب واحمدوا المولي سبحانه
فالعزه والنصر لنا وان طال الامد
فمنظر هؤلاء المجرمين وهم يسحبون دباباتهم وراجعين بخفي حنين
ما هو الا ذل وذل كبير وحسره احسستها فيهم وان شاء الله
سيأتي اليوم الذي تتحرر فيه ارض الرباط منهم ومن نجاستهم
ربنا يثبت جنود الله في كل مكان
ويمحصنا من الخونه والمنافقين
ويردنا جميعا الي ما فيه الخير لنا ولامتنا الاسلاميه
:
:
وقد أتاني تاج من اختي العزيزه زينب بعثته لي من فتره وقد ءان الاوان باذن الله ان اجيب علي اسئلتها
واستقبل هديتها الجميله لي فبارك الله فيها
نبدأ بسم الله
أولا أحب أن أبدى اعجابى الشديد بمدونة أختى و حبيبتى أميره و بما انها أميره إذن فهى أول من يستحق لبس هذا التاج حيث أنه لا يوجد أميرة من غير تاج
جزاك الله خيرا علي التاج والمقدمه الجميله ديه ربنا يبارك فيك يارب
فعلا الكلمة الطيبه صدقه فقد ادخلتي السرورعلي قلبي
1- بدأت تدونى امتى ودخلتى عالم التدوين ازاي ؟
بدأت من شهر أكتوبر 2008
دخلت ازاي اقولك انا عمري ما كنت اتخيل ولا كان في دماغي اني اعمل مدونه
بس سبحان الله قدرا جاء الموضوع معايا
كنت بشاهد برنامج بيني وبينكم للشيخ العوضي في رمضان وعرض فيه
واحده امريكيه اسلمت حديثا وكانت بتحكي فيه عن قصه اسلامها انها اتعرفت عن الاسلام من خلال النت
وبعد ما اسلمت بدات تدعو غيرها وان ليها مدونه اسمها طريقي الي الاسلام بتشرح فيها ازاي دخلت الاسلام
ورحلتها في الشرق الاوسط وسبحان الله العجيب ان البنت ديه واسمها ميريام سجلت الحلقه مع الشيخ
وماتت قبل ما تعرض علينا بس اثرت فيا جدا ودخلت مدونتها وشوفت اللي كتباه قلت سبحان الله ماتت بعد اسلامها بسنه او اكتر شويه بس سابت وراها عمل كويس ممكن ناس غيرها تهتدي بيه
فمن هنا جاءت فكرة المدونه حتي عملت تسجيل للمدونه من عندها
حسيت انه فرصه كويسه لكسب حسنات وكمان الواحد بيقوم بشئ بيحبه
والحمد لله
2-مين أكتر حد بتحبى تعليقه على بوستك الجديد؟
اي حد بيعلق تعليق ايجابي وبستفاد منه
3-ايه أهم حاجة اتعلمتيها من التدوين؟
اتعلمت حاجات كتير ومنها الثقه بالنفس
وكمان حسيته طلع من جوايا مواهب انا ما كنتش حاسه بيها
يعني عمل لي عمليه تنقيب داخلي
4-حاسه ان التدوين له تأثير؟
ان شاء الله ليه تأثير كبير كمان
التدوين بجد سلاح بس لازم نستخدمه صح نستخدمه في نشر الخير
واصلاح انفسنا واصلاح الناس كمان النت بقا عالم زي العالم الخارجي بالضبط
واحنا لو قدرنا نأثر علي الناس اللي فيه كاننا اثرنا فيهم في عاالمهم الواقعي
بمعني انا لما بقرأ مقال لحد من مشايخنا من خلال النت بيكون عندي فكر وبيأثر فيا ايجابيا من خلال مقاله دا
وببدأ اتحرك بيه في عالمي الواقعي يبقي ليه أثر والا لا
وكمان اي كتاب الواحد بيقرأه وبيستفاد منه وبيطبق اللي فيه كدا بيكون اثر فيك والا لا
والتدوين عباره عن ايه غير كلام ومقالات بس اهم شئ يكون شئ كويس علشان ناخد منه حسنات مش حاجه تانيه
5-اذكرى خمسة أحلام تخص مستقبلك؟
1:ان يعم الخير والسلام علي أمتنا الاسلاميه ويعود المسلمين جميعا لاخلاق اسلامنا وشرع ربنا
2: ربنا يبارك لي في عمر أبي وأمي وجدتي وأخواتي وجميع اهلي ويبارك فيهم جميعا
3: ان تدوم علاقتي كويسه مع جميع صحباتي ويرزق كل واحده فيهم ما تتمني
4: اخص صدقتي الغاليه وهج بأمنيه مخصوصه لاني بجد بحبها ونفس التقي بيها علي خير ويكون
لقاءنا في الحرم لانها سعوديه وحبيتها من غير ما اشوفها وربنا يسهل لها امورها ويبارك فيها
5: ان ربنا يرزقني بزوج صالح وزريه صالحه ونفسي اسمي ابني ابراهيم ويكون حليم زي سيدنا ابراهيم عليه السلام ان شاء الله
6- اذكرى شخصين على الأقل متواجدين في حياتك حاليا كنت تود وجودهم من زمن؟
كل الموجدين في حياتي دلوقتي بحبهم وكل حد فيهم أثر في أميره
وليه دور في حياتي بس ربنا عز وجل هو اللي بيحدد الوقت والزمن اللي بتتلاقي فيه مع بعضنا البعض
علشان كدا مش عارفه اجاوب علي الجزء التاني
7-على من تطلقى الرصاص؟
علي الحكومات التي لا تطبق شرع الله في كل شئ
8-ماهى السعادة من وجهة نظرك؟
السعاده اجدها في الرضا بقدر الله لو رضينا عن افعال الله فينا وعلمنا ان كل شئ
مقدر ومكتوب وان ما قدره الله لنا هو الخير بعينه لشعرنا بالسعاده في كل وقت وحين ومهما كانت الظروف
9-كيف تصلى إلى السعادة؟
بتطبيق ما سبق ذكره في السؤال السابق
10- هل السعادة وهم أم أنها حلم صعب؟
لا هي وهم ولا حلم صعب هي احساس داخلي علي كل انسان ان يسعي اليه
وبيده تحقيق السعاده لنفسه بالرضا والطمئنينه سيصل اليها لو ارد
لكن لو وضع الكرة الارضيه علي رأسه ولم يرضي بقضاء الله
سيظل في تعاسه دائما وان ملك الدنيا بأسرها
11-ماهى أكثر اللحظات التى شعرت فيها بالسعادة؟
لما بروح الحرم بحس ان الدنيا لا تساوي شئ وبياخدني الجو الروحاني هناك
وبحس اني طايره من الارض ونفسي ما خرجش منه ابدا
12-هل أنت متفاؤل وعندك أمل؟
ان شاء الله لاني أملي في الله وحده ومن كان أمله في الله فلن يضيع ابدا
فهو سبحانه بيده ملكوت كل شئ وارد منا ان ندعوه ويستجيب لنا
فبعد هذا كله لا اجد لي الا التفاؤل
13- ايه أكتر شئ بتحبيه و أكتر شئ بتكرهيه؟
اكثر شئ بحبه الهدوء والاماكن الهاديه
وبكره جدا الزحمه والصوت العالي
14- ضعى مرادف أو تعريف من عندك لكل كلمه :
الحب = هو عمل وتصرف اكتر منه كلام
الحنان = اجده متجسد في الامومه
الرحمة = اجدها في بعثة النبي لنا ( وما أرسلناك الا رحمة للعالمين )
التفاؤل = لابد لنا منه لا معني للحياه من دون تفاؤل
السعادة = نجدها في الرضا والتوكل علي الله
15- ما هى مواصفات فارس أحلامك؟
يكون انسان ذو حياء والحياء يحوي الكثير
ويكون انسان طموح وعايش لهدف
وما يكنش تقليدي يعني يكون متميز عن غيره
ويكون موسوعه من العلم والمعرفه
16-صفات تتمني تكون موجوده فيكي ؟
احب اكون جريئه شويه لان خجلي الزائد ساعات بيكون عائق في خير
ان عايزه اعمله فبسكت بسبب اني بكسف
17- اصعب موقف حصلك واطرف موقف؟
اصعب موقف : كنت مع أبي في مكه وقرر يوديني غار ثور روحنا هناك
ونظرنا علي الجبل من تحت كان طويل وشاهق اوي قال لي تحبي نطلع زي الناس ديه اللي بتطلع
قلت له ياريت وبالفعل طلعنا بس بعد شويه قرر يتخلي عني وقالي مش قادر اكمل يلا ننزل
انا طبعا عندي لا يقاوم بقيت ابص تحت وفوق وصعبان عليا اني ما كملش
قلت له لا انا هكمل لوحدي فين العزيمه وبدأت اطلع وراء الناس اللي طالعه بس
بعد شويه لقيت نفسي وسط حجاره ابص يمين وشمال ومش لاقيه حد
ومش عارفه اطلع من اي اتجاه ولا انزل ازاي وكنت علي ارتفاع كبير
حتي نظري ما كنش جايب الناس اللي تحت شيفاهم اد النمل قلت الحمد لله حسن الختام
علي جبل ثور والا ايه بس الحمد لله لقيت ناس مش عارفه هنود ولا ايه لغتهم غريبه
المهم كانوا طالعين رحت جريت وراهم والحمد لله طلعت وقعدت جوا الغار
واستمعت جدا فيه وكان الظهر أذن وانا بطلع صليت هناك وبجد برغم ان الطلوع كان صعب
الا عمري ما كنت اتخيل اني هصلي في مكان فوق جبل وكمان جبل ثور الحمد لله
والنزول كان حكايه تانيه بس المهم اني نزلت ولسه عايشه
اطرف موقف : كان في الحرم قبل صلاة الفجر كنت قاعده قدام الكعبه وقعد بجانبي
شيخ كبير السن ومعاه سيده كبيره السن المهم لقيت الشيخ عمال يكلمني
وانا مش فاهمه منه اي حاجه
ويوريني شنطته وشنطه السيده اللي معاه ويطلع ورقه وورقها بس الحمد لله
اكتشفت في الاخر انه كان بيعرفني بنفسه وان الست ديه اخته وانهم من تركيا من اسطنبول
وكان عايز يعرف انا منين وكان قاعد جانبي من الناحيه التانيه واحده من ماليزيا
دخلت هي كمان في لغة الاشاره اللي احنا كنا بنستخدمها والتعارف الجميل دا
والحمد لله الاذان اذن ورجعنا علشان نصلي في الصف اللي وراء الرجال
ولقيت الشيخ دا بعد الصلاه جاي يسلم عليه هو واخته ويقولي السلام عليكم سبحان الله
دا موقف عمري ما انساه برغم انه غريب الا انه بيسعدني واد ايه الاسلام دين الحب والاخاء
18- الصفات اللي بتحبيها وتكرهيها في نفسك ؟
اكتر صفه بحبها اني هاديه ومش بحب الكلام الكتير علشان كدا تجدني بعيده عن المشاكل
واكتر صفه بكرها هي خجلي الزائد علشان ممكن اتظلم وما تكلمش واكتم في نفسي وخلاص
19-حاجة عملتيها قبل كده وتتمني تعمليها تاني؟ حاجة عملتيها قبل كده وماتتمنيش تعمليها تاني؟
اتمني اني احج او اعمل عمره تاني لانها كانت رحلة روحانيه جميله
انا بحس اني في حاجه ليها من وقت للتاني
والحاجه اللي ما تمناش اني اعملها تاني هي اني لما دخلت كليه علوم اخترت قسم مش مناسبني ولا مناسب دماغي
يعني انا بحب الرياضيات والفيزياء رحت دخلت كيمياء بس الحمد لله كله نصيب
وعدت علي خير
20-ايه رأيك في الحب وبكل صراحه؟
اي نوع بالضبط اصل الحب انواع
علي العموم الواحد لا يستطيع ان يعيش بدون حب اللي حواليه ليه وحبه ليهم
والحب هو اللي بيدفع الانسان للتضحيه بكل شئ في سبيل من يحب
فما اجمل لو كان حبنا الاول والاكبر لله تعالي حتي نضحي بكل شئ في سبيل رضاه
21- لخصي الحياه في سطر واحد؟
الحياة وهبت لنا من الله تعالي فلنجعل لها معني وما معناها بدون ايمان؟
22-امتى وليه تخبي دموعك وضحكتك؟
لو حد ظلمني وحسيت بالقهر منه بخاف دموعي تنزل اقدامه علشان ساعتها ببان ضعيفه جدا
بخبي ضحكتي لو حسيت اللي قدامي ممكن يكون مضايق او حزين من شئ فصعب اني اضحك وابان عديمه الاحساس
23-لو جتلك الفرصه تعبري عن شعورك تجاه شخص معين هتقوليه ايه ادام كل الناس؟
ازاي يعني مش فاهمه السؤال يعني الشخص دا بيكون بالنسبه لي ايه
وقدام الناس كمان اظن حيائي يمنعني
24-اكتر حاجة بتعمليها في يومك؟
علي حسب الموضوع مش روتيني معايا
اليوم اللي بخرج فيه بتلاقني اكتر شيئا بعمله هو ركوب المواصلات وانا راحه وانا جاي
لبعد سكني عن اي مكان بروحه يعني بركب في اليوم5 ساعات مواصلات رايح جاي
ولو في البيت هتلاقني علي الكمبيوتر بتصفح وبقرأ هنا وهناك
25- مثلك الاعلى اللي تتمني تبقى زيه؟
بصي مثلنا الاعلي هو الرسول عليه الصلاة والسلام
وربنا هو اللي علمنا وقلنا كدا
لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيراً
بس عمري ما هبقي زيه طبعا لانه نبي ومعصوم من الخطا وعمر ما حد هيوصل لمكانته لان الله اصطفاه
وفضله علي كثير من خلقه بس احنا المفروض مننا نقتدي بيه في كل شئ
في عبادته واخلاقه وتعاملاته وكل شئ
26- الحاجه اللي لو ربحتيها اكنك ملكتي العالم كله؟
ساعات فيه لحظات بتعدي علي الواحد بيحس انه قريب من ربنا جدا
ودا احساس المعيه ساعتها الواحد بجد بيحس انه طاير من الارض ومفيش اي حاجه فارقه معاه
وان كان الاحساس بيكون للحظات بس الواحد بيفضل يدور عليه علطول ونفسه يرجع له تاني
ولو رضا ربنا علي البني ءادم بيبان وليه علمات في الدنيا وانا ربحتها اكيد هكون ملكت العالم كله
احنا اصلا عايشين علشان نعبده سبحانه ونتمني رضاه ولو نلنا الرضا فقد فزنا
26- نقطه ضعفك؟
قلبي بتأثر بأي حاجه بسرعه وبأي موقف كمان بس بتغلب عليه بسرعه وبرجع قويه من تاني والحمد لله
27- لو تحبى تهدى التاج لشخص تهديه لمين؟
برغم انه جميل ما شاء الله وخلاني افتكرت حاجات جميله بس حسيت نفسي في أمتحان
فاللي عايز يمتحن اهلا وسهلا بيه يتفضله علي الرحب والسعه
وانت استني عليه يا زينب امتحانك عليه انا بس ذكري كويس
جزاكم الله خيرا
غربتي
Category:
هديه
|
40 comment:
انا مش مصدق انى شوفت تاج فى غربتى
بس تاج جميل يا غربه
واجاباتك جميله قوى
وكمان المواقف اللى حكايتها
مبروك التاج
عليكى يارب
مريت من هنا ،فحبيت أسلم
وأحييكي على التاج الجميل بإجاباته الأجمل
تحياتي:)
ما اجمل تاجك يا اميرة الايمان
احببت تاجك واحببت اجاباتك
واشتاقت روحى لزيارة بيته اكثر واكثر
ودعةت ربى ان يحقق لكى كل احلامك
ويرزقكى بالزوج الصالح والذرية الطيبة
اللهم آمين
تاج جميل لقلب اجمل
دمتى غاليتى بك الود
تقبل كلماتى
smilyrose
روح الحب الصادق
جميلة هى مشاركتك لنا فى هذا التاج الجميل
واضح انك بجد شخصية جميلة يكفى ان سمتك الاساسية الحياء
ربنا يحقق لك كل اللى نفسك فيه
بسم الله الرحمن الرحيم
السلام عليكم ورحمه الله وبركاته
اولا انا بحيي اختنا زينب علي هذا التاج الرااااااااااااائع
والاسئله اللي بجد جميله
ربنا يبارك فيكي يا زينب
اما اميرة فكل ما استطيع قوله لها
ان ما خرج من القلب يصل الي القلب
موضوع بجد جميل واجابات قوبه والله حسيت قد ايه اني صغيرة اوووووووووووي جنب اميرة وبجد يشرفني انها صحبتي وزي ما قلت لها قبل كدا ان الصحبه ده رزق من ربنا فانا بجد بحمد ربنا علي هذه الصحبه
وبصراحه مش انتي بس يا اميرة اللي بحس معها اني ولا حاجه لأ كل واحده من اصحابنا
ربنا يبارك فيكم كلكم ينفع بينا جميعا
وربنا يرزقكي ما تتمني
وينفع بيكي
ودايما بنتعلم منك
فجزاكي الله عنا خيرا
ومبروك عليكي التاج فقد استحقتيه عن جداااااااااااااارة
عابر سبيل
السلام عليكم و رحمة الله و بركاته
حبيبة قلبى و أختى الغاليه أميرة
انتى تستحقى ما هو أغلى من التاج و لو بايدى أخليكى أميرة فعلا
ربنا يرزقك الزوج الصالح اللى يشيلك جوه عنيه
ربنا يبارك لك فى أهلك و صحباتك كلهم
المواقف اللى ذكرتيها جميله قوى و روعه فعلا تتحس بالقلب
ربنا يرزقنى بزيارة بيته الحرام ادعيلى يا ميرو
بس كا نفسى أعرف شخصيه تكون فى حياتك دلوقتى و تتمنى انها كانت تكون فى حياتك من زمان ؟
و بشكر الأخت هبه ( عابر سبيل) و ربنا يكرمها
ربنا يوفقك يا ميرو و يسعدك يحقق كل أحلامك و كل اللى بتتمنيه
ويارب يوحد المسلمين يارب
تحياتى اختك زينب
بسم الله الرحمن الرحيم
السلام عليكم ورحمة الله وبركاته
أختى غربتى تحياتى وتقديرى
الحمد لله على كل حال وياب نفضل متمسكين بموقفنا ومننساش القضيه بعد وقف اطلاق النار
اما التاج فجميل بس هو مكنش ينفع على تيرمين ؟وكمان الاسئلة كلها اجباريه مافيش اختيارى ؟
الله يكون فى عون اللى يقع تحت ايدك يا اختنا زينب
بس برضو انتى تستاهلى مش دخلتى علوم كيميا يبقى اتفاعلى بقى
(انابهزر)
ربنا يكرمك ويوفقك ويرزقك رزقه الصالح انتى تستاهلى كل خير
تقبلى تحياتى
ودمتى بكل خير وود
والسلام عليكم ورحمة الله وبركاته
السلام عليكم
رومنسي
بارك الله فيك
التاج هديه جميله من اختي زينب سعدت به كثيرا وطبعا لازم اقبل الهديه
بس ليه مش مصدق ؟
دمت بخير
غربتي
السلام عليكم ورحمة الله وبركاته
الأخت غربتي
غريبة ف زمن يعز فيه الغرباء
الله معك
مع خالص شكري وتقديري
la rose
اهلا بيك حبيبتي ومرورك اسعدني كثيرا
بارك الله فيك
منتظرين دائما مرورك الرقيق
دمت بود
غربتي
غاليتي سمايلي
وانا احب دائما كلامك الجميل
واحساسك المرهف
واسال الله لك زياره الي بيته قريبا جدا
ان شاء الله
بارك الله فيك وملئ قلبك بالسعاده والرضي
دمت بخير وود
غربتي
غاليتي موناليزا
جزاك الله خيرا
ويحقق لك انت كمان كل خير وكل ما تتمني
ارح الله قلبك حبيبتي
دمت بخير
غربتي
حبيبتي هبه
كلنا بنتعلم من بعض وبجد الحمد لله صحبه الخير
ليها عامل كبير في تكون الشخصيه وكمان في الاعانه علي فعل الخير
ربنا يجمعنا جميعا تحت ظل عرشه ويكون حبنا فيه ومن اجل رضاه
ربنا يصلح لك الحال حبيبتي ويبارك فيك ويرزقك ما تتمني انت ايضا
وقد قررنا نحن اميره وزينب توجيهه اسئلة التاج وليس التاج علشان انا تحفظت عليه وبقا ملكي
يلا ورينا شطارتك يا هوبه
غربتي
غاليتي زينب
ربنا يبارك لك يارب علي التاج واحلي من التاج عندي هو اختيارك لي وكلامك الرقيق
والله حسيستني اني أميره بجد
ربنا يبارك لك يا رب
وبجد التدوين احلي ما فيه انه عارفني بناس زيك كدا كلها ذوق وقلوبهم شفافه ونقيه
وربنا سهل لك كل امورك يارب ويحقق لك ما تتمني يارب انت تستهلي الخير كله
دمت بود وحب
غربتي
المعتصم
وعليكم السلام ورحمة الله وبركاته
الحمد لله كبوس وراح والقضيه اكيد مش هتتنسي دا كانت بمثابة صحوة لينا بتفكرنا بقضيتنا الكبري وهي القدس
الاسئله كتير بس جميله وممتعه جدا والحمد لله وبلاش سيرة الكيمياء ديه علشان بضايق منها
وبما ان الاسئله عجبتك وحازت علي اعجابك فقد قررنا انا وزينب اعطاك الاسئلة بس انا متحفظه علي التاج
فتفضل شاكرا بحل الاسئله
دمت بخير
غربتي
Could you accept to discuss some matters now on that E-mail
refineryman@yahoo.com?????
و انا طبعا هنامع أميرة حبيبتى
نهدى التاج
لأختى هبه و أخى المعتصم
يلا ورينا شطارتكم
و الأسئله اجبارى كلها يا هبه مش تعملى زى الأخ معتصم و تقولى عايزة اختيارى
و الأخ معتصم بقوله الله يكون فى عونك
زى ماقلت لأميرة فى التعليق " الله يكون فى عون اللى يقع تحت ايدك يا اختنا زينب "
تحياتى
هذه حياتي
وعليكم السلام ورحمة الله وبركاته
الله معانا جميعا فهناك الكثير من الغرباء
ولكن ما يثبتا هو قول رسولنا الكريم فطوبي للغرباء
نسال الله ان نكون منهم وبتقبل منا صالح الاعمال ويتوفنا غير خزايا ولا مفتونين
جزيت خيرا
غربتي
أميرة حبيبتى
أنا شايفاكى بتستحلفى فى أخر البوست و ناويه لي على نيه عال و شكلك هتحطينى فى امتحا صعب وتجيبى لى أسئله صعبه
أميره ميرو حبيبتى بالراحه عليا ده أنا زوزو حبيبتك
تحياتى يا قمر
غير معرف
السلام عليكم ورحمة الله وبركاته
اولا باب المدونه مفتوح لاي حد لو كان هناك نقاش فمحله هنا وليس في اي مكان اخر ولو حضرتك اعتقدت ولو للحظه اني ممكن ادخل واتناقش معاك علي الايميل فاحب اقولك ان
حضرتك غلطان
والدليل انك عارف ان دا شئ غلط ومش مضبوط انك ما كتبتش اسمك او حتي كشفت عن حقيقتك داخل شئ مبهم ومش واضح وانا ولله الحمد ما بحبش الاسلوب دا لاني مش بخاف الا من ربي وعارفه كويس ايه الصح وايه الغلط فانا اسفه جددددددددددا الدعوة مرفوضه بس المدونه مفتوحه لاي حد ولو هناك نقاش مثمر فيكون هنا وامام الكل
والسلام عليكم
غربتي
زينيب يا حبيبتي
ناويه علي نيه خير والله وبكره تشوفي
اركز كدا وحضرلك الاسئله
ومش هتكون صعبه ان شاء الله
انا عايزاكي تدخلي طب او صيدله علشان ترفع راسنا
:)
غربتي
حبيبتى أميرة
طب ايه و صيدلة ايه
أنا خلصت يابنتى ألسن باين عشان ابقى بكام لسان و اعرف اجاوب عليكى
أنا عرفت فايدة كليتى دلوقتى
لسه هعيده تانى و اخش صيدلة ولا طب
يعنى ان شاء الله هجاوب وربنا يعينى
ههههههههههههههه
تحياتى ياقمر
My respectful Sister
Your words were so nice, but I want to re-correct some misunderstanding when I was offering the subject of discussion my aim was to share and participate a guidance partner not to enjoy useless time. However really I respected your conduct with my best wishes to share you any constructive opinions nearly
May Allah keep his shadow upon your parents
حَيَّ عَلَى الْجِهَادِ.. لدعم المقاومة بالسلاح فى مواجهة الآلة العسكرية الصهيونية.
حَيَّ عَلَى الْجِهَادِ.. بالوقت والعلم والمال والدم لتتحقق الوحدة بين كافة طوائف الأمة..
حَيَّ عَلَى الْجِهَادِ.. بفتح المعابر والحدود وأبواب التطوع ودعم المجاهدين بكل الوسائل.
حَيَّ عَلَى الْجِهَادِ.. لتبرأ الأمة إلى ربها من تقصيرها في حق ربها ودينها ورسالتها.
حَيَّ عَلَى الْجِهَادِ.. لنصرة المظلوم وإعادة الحق لأصحابه.
حَيَّ عَلَى الْجِهَادِ.. للوقوف في وجه الظلم والاستبداد والاستكبار الصهيوني غير المسبوق على مرأى ومسمع من العالم بأسره.
حَيَّ عَلَى الْجِهَادِ.. جهادًا نرفع به سقف مواجهتنا لهذه المحرقة لأقصى درجاتها الممكنة.
حَيَّ عَلَى الْجِهَادِ.. لنحسن علاقتنا بربنا ونتقرب إليه وندعوه آناء الليل وأطراف النهار، وبخاصة وقت السحر، لنصرة المجاهدين الصابرين الصامدين.
الحمدلله حمد الشاكرين على نصره وتأييده عباده المجاهدين ..
هنيئاً لهم ولنا ولجميع المسلمين الغيورين هذا النصر ..
فاللهم كما أنعمت ونصرت فأتمم هذا النصر إنك نعم المولى ونعم النصير ..
واحفظ المجاهدين من غدر الغادرين ..
وأنت جل جلالك خير حفيظ ..
ومن هنا .. أدعوا نفسي وإياكم إلى الاستمرار بالدعاء فلا نكون ممن قال تعالى فيهم:
(واذا مس الانسان الضر دعانا لجنبه او قاعدا او قائما فلما كشفنا عنه ضره مر كان لم يدعنا الى ضر مسه كذلك زين للمسرفين ما كانوا يعملون)
وأدعوكم أيضاً للإستفادة والاستمتاع بهذه الحلقة من برنامج ساعة حوار على قناة المجد من تقديم الاخ فهد السنيدي والتي كان ضيفاً فيها الشيخ ناصر العمر حفظه الله .. وكانت بعنوان حقيقة الانتصار ..
حقيقة الانتصار ( مرئي )
http://www.almoslim.net/audio/ghaza_omarvideo.rm
حقيقة الانتصار ( مسموع )
http://www.almoslim.net/audio/gazamjdaudio.rm
أما التاج ..
فأضيف شهادتي لكِ بإستحقاقه وبكل جداره .. وزيادة ..
أسعدني حديثك واجاباتك .. خصوصاً ما تعلق بـ وهج ..
حقق الله لي ولكِ ما تمنيناه ..
وجمعنا بالدنيا في بيته .. والآخرة في قصورنا بـ جنته ..
ودٌ لا ينقطع ~
وهج حبيبتي
فعلا عندك حق والله كان في بالي الموضوع دا
احنا في عز الازمه عملنا ايه بدأنا ندعي ونقول يارب طيب ليه محدش قال يلا يا جماعه كلنا نصلي شكر لله ونداوم علي الحمد والله ربنا نصرنا برغم الدمار دا كله الا اني حاسه ان فيه رحمه نازله علينا جميعا كمسلمين رحمة كبيره اوي احنا ما نستاهلهاش الا اني حاسه وين ما بروح بالايه ديه
ان رحمة الله قريب من المحسنين
الحمد لله حمدا كثيرا
واكيد لازم نستمر الازمه كانت حاصله علشان نفوق من غفله احنا عايشين فيها الا ان فيه ناس برضوه لا تهز لها كيان ولا حتي اتاثرت باللي حصل عايشه حياتها عادي ومستمره من غير ما تقف وتعاتب نفسها هي ماشيه صح والا غلط
وسبحان الله من كرم ربنا لينا انه صابر علينا وبيدينا محن معينه علشان نفهم منها انه لا احنا بجد لازم نرجع ونتوب من حاجات كتير ونغير فساد كتير بقا حاولينا
والله الواحد كل لما يقول خلاص اللي جاي احسن يوقع في مواقف تخلي الواحد يستعجب ايه الناس ديه وفين الاخلاق والقيم كل واحد بيعمل اللي في مزاجه وبس
شوفي اهتمامات الناس بقت ازاي واخلاق الناس بقت ازاي وكل شئ بنستخدمه اسوا استغلال والعقول بقت فاضيه وكل واحد همه نفسه وبس وماشي وراء اهواءه وما بيرجعش يشوف ربه عايز منه ايه علشان يعمله ربنا يردنا جميعا الي دينه مردا جميلا
ويبعد عنا الفتن ما ظهر منها وما بطن ويهدي شباب المسلمين لما فيه صلاح لهم ولامتهم الاسلاميه اللهم امين
ربنا يبارك لك والله يا وهج وانت كمان تستاهلي احلي تاج بس انتي اعملي مدونه وانا وراكي بالتاج علطول
ربنا يجمعنا علي الخير دائما يارب ويبارك فيك عزيزتي
غربتي
السلام عليكم ورحمة الله وبركاته
غربتي
وإنتهت بالإنتصار لجند العقيدة
وبدأ دورنا في الرابطة ولك دور كبير جدا
جاء دورك في خدمة الدين عبر الرابطة
أرسل رسلة إلي
NOSTOPTOTOP@YAHOO.COM
تقول فيها جاهزيتك لخدمة الدين عبر رابطتك
وسيتم شرح دورك العظيم
أبو فاطمة بدأ دورك غربتي فشمري عن العزيمة
أقول نجحت الرابطة إعلاميا أخيرا في أخر بوست
جميلة قوي حبيبتي واجاباتك جميلة
عرفناكي اكتر وحبيناكي اكتر واكتر
ربنا يحققلك كل امنياتك
اللهم امين
هل انتهت الحرب علي فلسطين؟
هل انتهي التأمرالرسمي العربي والدولي علي المقاومة؟
كيف نفعل روح المقاومة المدنية بيننا؟
كيف نطور الهبة الشعبية العربية والاسلامية لصالح القضية الفلسطينية ؟
شارك معنا بافكارك واطروحاتك
حتي لايكون جهدنا قبض الريح
مدونة مواطنون ضد الشعب
نحن في انتظارك
السلام عليكم ورحمة الله وبركاتة
كيف حالك ؟
يا رب تكونى فى اتم صحة
ما شاء الله على الاجابات
انا لو من اللى بيصحح
اديلك 200 على 100
ما شاء الله عليكى بجد
تاج جميل
واللى لبستة اكيد اجمل زى اجابتها
دمتى بالف ود يا قمر
العزيزه غربتى .. تحياتى
بصراحه يا غربتى انابحسدك على صبرك على التاج اللى من 27 سئوال واجاباتك المتزنه وتأسيك برسول الله صلى الله عليه وسلم فى كل شيئ.. كمان التاج علمنا عنك كثير من الحاجات وكانت كلها اجابات متوازنه وكمان مفروض بقى نقول لك يا حاجه غربتى
تحياتى يا حاجه
السلام عليكم
بوركتِ
وبوركت كلماتُك
تحياتي
كن جميلا
وعليكم السلام ورحمة الله وبركاته
لله الحمد والشكر والمنه ربنا ينصرنا كمان وكمان
مستعدين يا استاذ محمد ياريت بقا تقولوا لنا دورنا ايه بالضبط علشان نبدا
والله المستعان
غربتي
ماما اموله
ربنا يكرمك يا رب
وسعدت بمرورك الكريم
جزيت خيرا
دمت بخير
غربتي
م/ الحسيني
السلام عليكم ورحمة الله وبركاته
جزاك الله خيرا
فعلا كلها أسئله مهمه جدا وكل واحد لازم يفكر ويجاوب عليها
دخلت مدونتكم بالفعل بس مش عارفه كل لما ادخل الصحفه تقفل بسرعه
هجرب تاني ان شاء الله بجد نفسي اشارك معاكم واسمع ارائكم
غربتي
حتي تشرق الشمس
وعليكم السلام والرحمه
ربنا يبارك لك يا رب
ومتشكره اوي علي كلامك وحسن ظنك بيا
دمت بخير وسلام
غربتي
استاذ فشكول
اهلا بحضرتك
الحمد لله انا لا اجد لي حل الا الصبر ربنا يجعلنا من الصابرين دائما
بس الاسئله جميله والله استمتعت وانا بجاوبها والحمد لله
ومتشكرة جدا علي كلامك ورايك الذي اعتز به
دمت بخير
غربتي
القلم السكندري
وعليكم السلام ورحمة الله وبركاته
اهلا بحضرتك
وجزاك الله خيرا
غربتي
انقلب السحر على السحر فى غزة
بسم الله الرحمن الرحيم
ويقولون متى هو قل عسى ان يكون قريبا
صدق الله العظيم
بورك بكم وجزيتم خيرا على اججاباتكم الرشيدة
تقبلوا تحياتي
حلم كبير
استاذ محمد عبد الباسط
جزاك الله خيرا وانا لا اقول الا
وسيعلم الذين ظلموا اي منقلب ينقلبون
وربنا قال
كتب الله لاغلبن انا ورسلي
وان مكروا ودبروا فالله خير الماكرين
والنصر والتمكين لنا ولامتنا
جزيت خيرا
غربتي