7:00 PM |
Author: ghorBty
هكذا سمعتها من القرني في شريط لا تحزن قالها بصوت شجي لا تحزن وانتظر وعودك مع الحياه
كثيرا ما تضيق بنا الدنيا ويضيق بنا الحال فنحتاج من يهون علينا فتأتي هذه العباره كاليد الحانيه فتمسح وجهي وتهمس ان فرج الله قريب
انتظري وعودك مع الحياة
فمنذ ان سمعت شريط لا تحزن من اربع سنوات تقريبا اصبح لي كمسكن لجميع ما يمر علي من محن وديه طبيعة الحياة كما قال عز وجل لقد خلقنا الانسان في كبد
وجدت انه جمع جميع ما يسبب لنا الاسي والحزن وتكلم عنه فجعلني لا احتاج لاحد كي اشكوا له ما اجد في نفسي
هذا اكثر شئ تعلمته من لا تحزن تعلمت فن الشكوي الي الله والبعد عن الشكوي للعباد
وحفظت همساته فأجدها تأتي لي وقت المحن وتقول لي
إذا بارت الحيل وضاقت السبل وانتهت الامال وتقطعت الحبال ، نادي : يا الله
إذا ضاقت عليك الأرض بما رحبت وضاقت عليك نفسك بما حملت ، فاهتفتي : يا الله
إذا ضاقت عليك الأرض بما رحبت وضاقت عليك نفسك بما حملت ، فاهتفتي : يا الله
اسمعوا الشريط اكيد هيفرق معاكم كتير
هيفرق معانا فعلا وانا عن نفسي بحس براحة شديده جدا لما بسمعه وبحس ان ما فيش شئ بالدنيا يستاهل اننا نحزن من اجله بس في الفتره الاخيره وجدت ان مش اقدار ربنا هي اللي بتسبب لنا الحزن لان الواحد خلاص تكون عنده يقين ان ما يفعله الله لنا هو الخير ولكن اللي بيسبب لنا الحزن هما الناس وتصرفاتهم وكلامهم
معنا بيحسسوا الواحد كانه هو اللي بيمشي اموره بنفسه وهو السبب في الحال اللي هو فيه
طب يعني دا اكيد نوع من البلاء برضوه ولازم نصبر عليه
بس لازم الكل يفهم ان قدر ربنا هو اللي نافد فينا ويتكلموا بكلام طيب يعين علي الصبر
وليس الجزع
ولا اجد الا كلام ابن القيم عن انواع الناس في الخلطه حين قال
احدهما : من مخالطتــــه كالغـــــذاء
لا يستغنى عنه في اليوم والليلة وهذا أعـــز من الكبريت الأحمــر
وهم العلماء بالله وأمره ومكائد عـــدوه الناصحون لله ولرســـوله
الثاني : من مخالطتــه كالدواء
يحتاج إليــه عند المرض ، فما دمت صحيحا فلا حاجة لك في خلطته
وهم من لا يستغنى عن مخاطتهــم في مصلحة المعاش
الثالث : من مخالطتــه كالداء
وهم من في مخالطتـــه ضرر ديني أو دنيوي
الرابع : من في مخالطتـه الهلاك كله
ومخالطتــه بمنزلة أكل الســـم وما أكثر هذا الضرب في الناس لا كثرهم الله
وهم أهل البدع والضلالــة ، فالبعـــد عنهــم خير
فأين نذهب اٍذا من هؤلاء الناس
هل هذا لا يستحق الضيق والحزن
غربتي
Category:
خ ـــــواطراٍيمـانيهـ
|
19 comment:
السلام عليكم ورحمة الله
جزاك الله خيرا كثيرا علي موضوعك وعلي المادة الصوتية
قرأت الكتاب الخاص بعائض القرني بنفس العنوان فهو رائع للغاية
علي الأنسان ان يدعو الله في السراء والضراء
فاذا احب الله عبدأ ابتلاه فالحمدلله علي كل حال
ما نلجا اليه هو الحب الذى افتقدناه ونبحث عنه فى جميع ارجاء العالم انه الحب الالهى الذى يجعلنا نحب كل الاشياء ونقول
سبحان الله
اختى الحبيبة:احنا فعلا ملناش غير ربنا
ولازم نكون عندنا حسن الظن بالله
اما بقى من حولنا لانملك سوى الدعاء لهم
اللهم فرج هم المهمومين وفك كرب المكروبين
السلام عليكم
اختي الغاليه غربتي
بجد اول ما الواحد بتقبله اي محنه اول حد بيلجأ اليه ربنا سبحانه وتعالي وأول كلمه بيقولها يارب
ولازم يكون عندنا امل في ربنا ان بكرة احسن عشان نقدر نعيش ونستمر في هذه الحياه الغريبه
لك كل الشكر والتقدير
:)
أنا سمعت الشريط وقرأت الكتاب
بجد هو فعلا كتاب هايل
أحسنتى الإختيار
دمتى بكل الود
جزاكى الله خيرا انا قريت الكتاب بس مسمعتش الشريط هسمعه ان شاء الله
بس الفرق انى متعملتش انى استفيد من الكتاب قريته ومش بعمل بيه
السلام عليكم
أنا قريت فعلا كتاب لا تحزن وبجد لازم كل مسلم يقراه
أما الشريط ان شاء الله هاسمعه وجزاكى الله خيرا عليه
وفعلا هو البعد عن ربنا اكتئاب
عشان كده الغرب نسب الاكتئاب والانتحار عندهم عالية جدا
ربنا يرحمنا جميعا ويهدينا
تحياتى لبكى
حبيبتى أميرة
وحشتينى
جزاكى الله خير عزيزتى انتى دايما بتقفى على الوتر الحساس بتمسينا بكلامك يا أميرة
أنا قرأت مقتطفات من الكتاب فعلا كتاب جميل (جزاه الله خيرا الشيخ عائض )
وان شاء الله أحمل الشريط و اسمعه
يارب اللهم ان أشكو اليك ضعف قوتى و قلة حيلتى و هوانى على الناس
تحياتى
أميرة حبيبتى
ممكن أسألك سؤال
لما أحط رابط للتحميل زيك كده إزاى أكتب عليه كلمة للتحميل ؟؟؟؟؟؟؟
جزاكى الله خيرا
حبيبتى الغالية
وحشتينى
ووحشنى حديثك
دائما ما تحسنين الاختيار
اكرمكى الله بعملك الجميل
اختك
smilyrose
روح الحب الصادق
زهرة الجنة
وعليكم السلام ورحمة الله وبركاته
جزاني واياكي
الكتاب مشمل اكتر من الشريط بس الشريط بجد اكثر من رائع ربنا ينفعنا به
والحمد لله علي كل حال
دمت بخير حبيبتي
غربتي
رومنسي
جزاك الله خيرا
وربنا يرزقنا حبه وحب من يحبه وحب الاعمال التي تقربنا اليه
دمت بخير
غربتي
موناليزا
فعلا عندك حق
ربنا يرزقنا الرضا ويهدينا الي ما يحب ويرضي
دمت بكل خير
غربتي
اختي فلور جيرل
وعليكم السلام
جزاك الله خيرا
كلامك جميل جدا
بارك الله فيك
غربتي
محمد غاليه
اهلا بيك
فعلا الكتاب والشريط في غاية الروعه
ربنا يبارك في الشيخ عائض
وينفعنا به
غربتي
ايوشه حبيبتي
اهلا بك نورتي في اول زيارة لك في المدونه
ساعات كتير القرءاه بتكون من غير تركيز فطبيعي لا تترك اثر انا قرءات الكتاب ومن قبل ما اقرءه سمعت الشريط بس اللي ترك فيا اثر الشريط علطول صوت الشيخ بيرن في اذني واحس انه كلامه بجد بلسم
جربي واسمعي الشريط وان شاء الله تعملي به وربنا يرزقنا الرضي والصبر
غربتي
بنوته
اهلا بيك ومرحبا
فعلا والله كتاب لازم قرأه كل مسلم
واسمعي الشريط علي فكره ليه احساس تاني ربنا ينفعنا به
ونسال الله ان يرضا عنا ولا يحرمن لذة القرب منه
دمت بخير
غربتي
زينب
اهلا بك وانت كمان لك وحشه والله
بارك الله فيك تعرفي لاننا كلنا تقريبا تحسينا في نفس الظروف وتحت تاثير واحد فمحتاجين حد ياخد بايدينا واهو كلنا بنساعد بعض وان شاء الله خير
بصي بالنسبه للاستفسار
اكتبي كلة تحميل وعلمي عليها وبعد كدا دوسي علي رمز الرابط اللي فوق المربع واكتبي فيه الرابط ودوسي اوك وبس خلاص
دمت بخير
غربتي
غاليتي سمايلي روز
بارك الله فيك
وحشتني والله
ربنا ينفعنا بما نكتب
ويرزقنا الاخلاص في القول والعمل
وربنا يسر لك كل امر عسير قولي امين
دمت بخير
غربتي