9:50 PM |
Author: ghorBty
كنت بفكر فيه النهارده
وحسيته في بالي كتير اليومين دول حتي لما طلعت دفتري
وفكرت اكتب حاجه لقيت نفسي بكتب عنه
نعم انها حقيقه ولكنها مغيبه داخلنا
ربما لاننا تعودنا علي كرهه وكمان العقل تعود علي نسيانه
او دايما فاكرينه بعيد عنا
مع انه اقرب شئ منا بيجي في اي وقت ودون سابق انذار
وحين يأتي لا ينتظر احد ولا يستأذن من أحد انه يأتي
ليحول الانسان من حال اٍلي حال
ومن مكان الي مكان أخر
مكان لا نستطيع الخروج منه
مكان انتظار او بمعني اصح محطه انتظار
ننتظر فيه حتي يجتمع كل البشر
وينفخ في الصور
ويأتي الحساب
الحقيقه المغيبه هو
الموت
دا اللي كتبته في دفتري عنه
حبيت احطه هنا بخطي
وبما أني كنت بكتبه وانا كنت راكبه المترو
حسيت اننا بالضبط في الدنيا زي ركاب المترو كل واحد قاعد مشغول بحاجه
اللي بيقرأ كتاب واللي قاعد ينجز عمله واللي قاعد يسمع أغاني
واللي قاعد يتكلم
واللي قاعد ساكت بيبص وبس ومش بيعمل اي حاجه
بس كل واحد لما بيجي محطته بينزل علي طول
ودا حالنا في الدنيا فيه ناس عارفه كويس هي اتخلقت ليه وبتعبد ربنا بجد وبنشتغل بجد علشان كدا لما
بيجي دورها وتنزل في محطتها بتكون مرتاحه اكيد
وفيه ناس بتتفرج وبضيع وقت وبس
علشان كدا لما بتنزل بتكون حالها ضيق وحزن بس بعد اٍيه ؟؟؟
علشان كدا في البوست اللي كتابته في خواطر
صورت عمل الانسان بالشجره
وشكل الشجرة اللي كنت حطاها بالنسبه لي كل لما افتكرها بخاف جدا
لو بجد عمر الانسا ن عدا عليه وكانت نتيجه عمره زي الشجره ديه يبقي كسب ايه بس
:
العمر بدون عمل
كالشجره بدون ورق
لا تنفع الناس
ولا تجد من ينظر اليها
فهي في كل الحالات
منظر مخيف لا نجد في انفسنا الا البعد عنها
هكذا اعمارنا
فأين نذهب من ايام عدت ولا نجد فيها نفعا
انها المرارة بعينها
مرارة عمرنا المحسوب علينا
فات منا ولم نتبه له
ولا ندري هل
سيأتي علينا عمرا اخر مثله
نستثمره ونملأ اوراقه بالخضار
ام
سيقال
قد نفذ الوقت
اترك الدنيا وارحل
وانتظر يوم العرض
حيث
يسأل كل واحد فينا
عن عمره فيما افناه
:
اني لا اجد في نفسي الا حسرة
كلما نظرت للوراء
وعندما انظر للامام يتملكني الخوف
فليس هناك شئ اسرع من الايام
فالعام يلي العام
وتأخذنا دوامة الحياه
فكل ما أحس به الان
وأسال نفسي عليه
اين البركه
بركة العمر
؟
؟
؟
وهل أنجازت حتي الأن شئ يذكر
؟
؟
؟
فأي مرارة وأي حسرة
كحسرتنا علي أغلي شئ في أيدينا
الان
وبعد ثواني
لا ندري هل نمتلكه
ام
سنرحل واياه
:
في ناس بتتشاءم من الكلام عن الموت بس دا امر الرسول عليه الصلاة والسلام لينا الم يقل
أكثروا ذكر هادم اللذات
لانه حقيقه وواضحه وبنسمع عنها كل يوم فلازم نستعد له في اي وقت فاٍنما الاعمال بالخواتيم
احنا محتاجين بجد نقف واقفه جاده مع النفس ونقيم نفسنا ونشوف هل فعلا احنا مستعدين
نرد علي الاسئله اللي هنسأل عنها يوم القيامه والا لا ولو لا مستنين ايه
لو حد ضامن لنفسه انه يعيش للصبح يبقي ما يقعدش ولا يفكر ولا يتعب نفسه
:
وكما قالوا
تزود مــن الدنيـا فإنـك لا تـدري
إذا جنَ ليلُ هل تعيشَ إلى الفجـرِ
:
فكم من صحيحٍ مات من غيـرِ علـةٍ
وكم من سقيمٍ عاش حيناً من الدهرِ
:
وكم من صغارٍ يرتجى طولَ عمرِهـم
وقد أُدخلت أجسادُهم ظُلمةَ القبـرِ
:
وكم مـن عـروسٍ زينوها لزوجِهـا
وقد نُسجت أكفانُها وهي لا تدري
:
العيش نوم والمنية يقظـــــة والمرء بينهما خيال سـاري
فاقضوا مآربكم عجالاً إنمــــا أعماركم سفر من الأسفـار
نعم فكلنا مسافرون
:
غربتي
Category:
خ ـــــواطراٍيمـانيهـ
|
21 comment:
يارب تستفادى من مدونتى دى هاتفيدك جدا
http://noureldens.maktoobblog.com
الموت
فعلا كلامك حقيقي وصح 1000في ال100 بس ياترى قد ايه مننا بيفكروا فيه أنا لما بفكر فيه بكون هموت لوحدي من هول الموضوع كله
حقيقة مغيبة ربما عن قصد منا وربما لمشاغل الحياة
ربنا يجزيكي الخير على التذكرة دي
مودتي
ولكننا قد نكون مغييبين عنها وقد نعلم جيدا انها اتيه ولكن نعلم ان لنا ربا غفور يغفر لمن يشاء الذنوب
بسم الله الرحمن الرحيم
السلام عليكم ورحمة الله وبركاته
اختى غربتى
تحياتى
البوست جميل جدا وتذكرة لينا كلنا بحاجه كلنا عارفينها وبنتناساها لأن الدنيا وخدانا بهمومها
جزاكى الله خيرا على التذكير
انما انا مش معاكى فى موضوع طول الامل
لازم يكون عندنا طول الامل بس يكون طول الامل ده فى زيادة عمل الخير (فى الزيادة)وفى زيادة الطاعات والاستعداد ليوم الرحيل واحنا والحمد لله ديننا بيدينا حسنات حتى على النوايا الحسنة اذا ماقدرناش ننفذها والامل فى رحمة ربنا عز وجل
انا مبسوط انك ابتديتى تخرجى من حالة الضيق اللى كنتى فيها
صحيح هى موجوده لسه بس ان شاء الله هتنتهى قريب
تقبلى تحياتى
ودمتى بكل خير وود
والسلام عليكم ورحمة الله وبركاته
اختي العزيزة غربتي
الموضوع جميل جميل جدا جدا
الواحد لازم يعرف ويضع في باله انه في اي لحظة ممكن يموت الواحد مايعرفش عمره هيخلص امتي
وزي مادخلنا الدنيا دي زي ماهنخرج منها ولا هتنفعنا مال ولا بنون ولا شهادة
مش هاينفعنا غير عملنا
ربنا يسترها معانا من الدنيا ديه
وبشكرك مرة تانيه علي الموضوع الهايل دا وعلي التشبيه الي فعلا في موضعه
يارب يبارك فيكي يارب وجزاكي الله خيرا
ربنا يسعدك
لك كل الشكر والتقدير والأحترام وكل حاجة
اني احبك في الله ................
حبيبتى اميره
جزاك الله خيرا على هذا البوست الرائع
انتى عندك حق فى اللى قلتيه
فعلا لو كل واحد فينا فكر فى الموت و عرض على نفسه الأسئله أكيد هيكن وضعنا تانى
اللهم ان أسألك حسن الخاتمه
دعواتك
تحياتى
اختيار موضوع موفق
فالموت هو الحقيقة الوحيدة فى حياتنا
وفعلا كلنا كالمسافرون ونشغل انفسنا باشياء حتى تأنى محطتنا
اللهم انى اسالك حسن الخاتمة
على فكرة خطك جميل:)
اللهم ارحم موتانا واحسن ختامنا
واهدنا لما تحبه وترضااه
غير معرف
جزاكم الله خيرا
ان شاء الله نزور المدونه ونستفاد منها
بوركتم
غربتي
كاتب مصري
جزاني واياكم
هي فعلا مغيبه مع ان ربنا قال لنا وحذرنا
الهاكم التكاثر * حتي زرتم المقابر
ربنا يرحمنا ويختم لنا بالاعمال الصالحة
غربتي
رومنسي
نعم كما قلت ولكن يجب علينا الاستعداد لهذا اليوم
وكما قلت ربنا غفور رحيم لكنه في نفس الوقت شديد العقاب
واحنا في دار اختبار وامتحان فيجب علينا الحذر وعدم التساهل والتهاون فيها
غربتي
المعتصم
وعليكم السلام ورحمة الله وبركاته
جزاني واياكم
اياكم وطول الامل دا جملة لاحد الحكماء
قال فيها
إياكم و طول الامل فإنه من ألهاه أمله أخزاه أجله
ركز في الايات ديه وممكن توصل لك المعني اكتر
يَوْمَ تَرَى الْمُؤْمِنِينَ وَالْمُؤْمِنَاتِ يَسْعَى نُورُهُم بَيْنَ أَيْدِيهِمْ وَبِأَيْمَانِهِم بُشْرَاكُمُ الْيَوْمَ جَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا ذَلِكَ هُوَ الْفَوْزُ الْعَظِيمُ{12} يَوْمَ يَقُولُ الْمُنَافِقُونَ وَالْمُنَافِقَاتُ لِلَّذِينَ آمَنُوا انظُرُونَا نَقْتَبِسْ مِن نُّورِكُمْ قِيلَ ارْجِعُوا وَرَاءكُمْ فَالْتَمِسُوا نُوراً فَضُرِبَ بَيْنَهُم بِسُورٍ لَّهُ بَابٌ بَاطِنُهُ فِيهِ الرَّحْمَةُ وَظَاهِرُهُ مِن قِبَلِهِ الْعَذَابُ{13} يُنَادُونَهُمْ أَلَمْ نَكُن مَّعَكُمْ قَالُوا بَلَى وَلَكِنَّكُمْ فَتَنتُمْ أَنفُسَكُمْ وَتَرَبَّصْتُمْ وَارْتَبْتُمْ وَغَرَّتْكُمُ الْأَمَانِيُّ حَتَّى جَاء أَمْرُ اللَّهِ وَغَرَّكُم بِاللَّهِ الْغَرُورُ{14}
والله اعلم
جزيت خيرا
غربتي
اختي الصغيره فلور جيرل
بارك الله فيك
وربنا ينفعنا بما كتبنا وينفع غيرنا به
وهي ديه الحقيقه اللي لازم نعمل لها
احنا هنا في رحلة طالت او قصرت فنحن مودعون تلك الدار لا محاله
جزيت خيرا
واحبك الله الذي احببتني فيه
غربتي
غربتي الطيبة
موضوعك جميل ومأثر اوي فينا كلنا وفي كل انسان بيخاف ربنا ويخاف الموت
يا الله لما بفكر في كده
بحس بقلبي بيوجعني وبقول يا ترى انا مستعده ليه ؟؟ وللحظه الصعبه دي؟
مش عارفه ومظنش بجد
ربنا يحسن خاتمتنا وساعتنا
ويوفقنا يارب في حياتنا
تحياتي ليكي
زينب
جزاني واياكي
وربنا يختم لنا بالاعمال الصالحه
ويرزقنا اتباع الحق وفعل الخير
ربنا يصلح حالنا وحالك
غربتي
موناليزا الغاليه
ربنا يبارك لك في عمرك يا رب
ويصلح لنا الاحوال
غربتي
كيارا
اللهم امين يارب العالمين
وربنا يجعلنا ممن يستمعون للقول فيتبعون احسنه
غربتي
مرمر الغاليه
ربنا يسترها ويختم لنا بالاعمال الصالحه وهو راضي عنا غير غضبان
لازم نضع هذه الحقيقه امام اعيننا حتي نعمل لها
فما نفعله هنا نجده هناك
اٍن الله لا يضيع اجر من احسن عملا
غربتي
حقا انها حقيقة غائبة
شكرا لك ..موضوع مهم جدا
مودتي لك..ولحضورك الدائم لي
قلب المحبة
قلب المحبه
بارك الله فيك
ربنا ينفعنا بما نكتب
دومتي طيبه وبخير
غربتي