10:00 PM | Author: ghorBty

أحلي شئ بالوجود

اٍن الواحد يعمل شئ بيحبه ولاقي نفسه فيه

أد ايه بيكون سعيد وفرحان أنه عاش كل لحظه في عمره

وحاس بيها وكان متميز عن غيره

ما عشي كدا وعمره عدا وهو اٍنسان عادي

عاش زي ملايين عاشوا ومات زي ملايين ماتوا

لا افتكره حد ولا اثر في حد ولا ساب اثر في الدنيا بعد مامته

اد ايه صعب علي فكر الانسان اٍن أحلامه تختزل

وتصبح شئ سطحي مجرد اٍنه اتولد وكبر واتعلم وبعدين اشتغل وبعد كدا اجوز وجاب اولاد وبعد كدا مات وخلاص دوره خلص

طيب ما كل دا شئ طبيعي وبيمر عليه مليارت الناس بس مين من المليارت دول

بنفضل نفتكره وبيكون ليه أثر فينا حتي بعد مماته بألف السنين

اكيد بيكون الشخص اللي عاش علشان يخدم غيره

ما كنش سطحي في تفكيره وكان كل همه نفسه وحياته هو وبس

من عاش لنفسه عاش صغيرا .. ومات صغيرا

ومن عاش لدينه ولغيره عاش عظيما .. ومات كبيرا

(:

وفي الحالة ديه بيكون لحياتنا معني

أحلي معني كمان

فكروا كدا معايا

لو عملت خير وسبيت غيرك ينتفع به

زي بالضبط وكأنك فتحت حساب لك في بنك

وغيرك هو اللي بيعبيه

ودا كرم كبير من ربنا

أنه بمجرد موتك بينقطع عملك اينعم

لكن عداد الحسنات بيكون شغال

ودا أمتي لو فكرنا صح وتعبنا بجد ونفعنا غيرنا في الكام سنة اللي هنعشهم

وسبنا ورانا حاجة تنفع غيرنا والحاجه ديه لازم تكون خير يعني سنة حسنه

:)

غربتي زعلانه ومضايقه كتير

الايام اللي فاتت

ولسه لحد دلوقتي زعلانه واللي مزعلها أنها بجد عايزه تعمل حاجه

وخايفه جدا تموت وهي ولا حاجه

وربنا يسألها عن عمرها تلاقي نفسها مش لقيه ولا حاجه

تقولها ولا حاجه عملتها لغيرها ولدينها ولربها اللي انعمها بكل حاجه

حسيت أنها في صراع مع الزمن ولازم تبدأ بقا وتعمل حاجه

خلاص اللي عدا من العمر عدا

بس نفكر شويه لعل ربنا ينفع بينا ونكون أي حاجه

(:

فكرت كتير لقت نفسها بتحب تكتب جدا فقررت تمشي في الطريق دا

هما اللي بيألفوا كتب يعني أحسن منها في حاجه

وقررت تبدأ وتكتب وتقول للناس

يا ناس حياتنا نعمة من ربنا لينا

فلازم يكون لها معني

وتقول للصغير قبل الكبير

أجعل لحياتك معني

وعيش لخدمة دينك وغيرك

قبل ما تخدم نفسك

أمتنا مش هتنهض غير بيكم

فلازم تأخذ نفسك

ونبدأ خطوة بخطوة

لحد ما الحلم يتحقق ونرجع من تاني

لعز النهضة

أمتنا محتاجه لعقول واعيه مش متغطيه ونايمه

كل واحد يفكر ويشوف فين دوره

ويبدأ يعمل علشان يكون لحياته معني

:)

أن شاء الله هبدأ أكتب في الكتاب

بس ربنا وحده العالم فين دار النشر اللي هتغامر بعمرها وتتبناني

(:

محدش يضحك

انا قلت انه

حلمـ ليته يتحقق ـ

سواء انفع كاتبه أو لا

يبقي مجرد حلمـ

دا الشئ الوحيد الذي لا يكلف شئ ولكنه يشعر الانسان بالسعادة

:)

كان معكم برنامج

أحلم ولا يهمك

غربتي

من وارء الميكروفون

(:




Category: |
You can follow any responses to this entry through the RSS 2.0 feed. You can leave a response, or trackback from your own site.

66 comment:

On 2/10/09, 10:14 PM , mohamed ghalia said...

مجرد أحلام عسى ان تتحقق
دمتى بكل الود

 
On 2/10/09, 10:26 PM , اسماء واحلام فى وجدانى said...

بداية النجاح حلم صغير

بيكبر كل يوم جوانا

يارب تحققى احلامك

وتتخطى حدود احلامك

الله امين

 
On 2/10/09, 10:42 PM , romansy said...

اجمل حاجه اننا نعمل شئ بنحبه
اكيد هنبدع فيه اكتر واكتر

وياريت الاحلام تتحقق

 
On 2/10/09, 10:56 PM , mahasen saber said...

فعلا العبره بالعمل يعنى مش مهم طول العمر او قصره المهم العمل

ومدى جماله من عدمه

ربنا يحسن ختامنا جميعا

 
On 2/11/09, 12:02 AM , اللؤلؤة said...

السلام عليكم
اختى العزيزة
يوجد الكثير من الأحلام التى تكون بعيدة عن الواقع ونفاجأ بأننانراها فى الواقع
تحياتى
ويسعدنى التواصل معك

 
On 2/11/09, 12:13 AM , الفراشة الصغيرة said...

ولدتك أمك يا بن ادم باكيا
والناس حولك يضحكون سرورا
فاجهد بنفسك ان تكون اذا بكوا
يوم موتك ضاحكا مسرورا

اتمنى انك تكونى مسرورة
وراضيه عن نفسك دنيا واخره

 
On 2/11/09, 2:39 AM , ايوشة said...

ربنا معاكى يارب ويوفقك بجد انتى من الناس اللى بحب اقرا كلامهم جدا من ايام المدونة القديمة علشان فيها امل وتفاؤل دايما ابدى فى الكتاب وربنا مش بيضيع اجر حد وان شاء الله هنشوفه قريب اوووووووووووى انجح كتاب

 
On 2/11/09, 10:13 AM , ~*§¦§ Appy §¦§*~ said...

عارفه المشكله ساعات اننا مبنحطش هدف قدامنا فالبتالى متلاقيش حاجه بتتحقق
هو دى المشكله

ممكن طلب تكبرى الخط شويه عينى وجهتنى والله

 
On 2/11/09, 1:49 PM , ضد التيار said...

ان شاء الله هتحققى حلمك

تحياتى

(:

 
On 2/11/09, 5:21 PM , موناليزا said...

ربنا يحقق لك كل احلامك مش الحلم ده وبس:)

 
On 2/11/09, 6:23 PM , nudy said...

الواحد لو عمل حاجة بيحبها حتي لو صغيرة ح تكون رائعة ولو قدر يخفف هم اي حد ولو بالكلام او يسعد طفل حزين اكيد ح يفضل فاكره وح يسيب اثر ويكون عمل عمل مهم حتي ولو صغير

 
On 2/11/09, 6:50 PM , marmar said...

يارب تحققي كل احلامك وامانيكي
ويسعد ايامك ويحققلك احلامك اللي تتمنيها واللي مش تتمنيها كمان
دمتي بكل خير يا غربتي

 
On 2/11/09, 7:53 PM , ماما أمولة said...

احلمي وجربي وان شاء الله احلامك كلها تتحقق

تقديري لحلمك الجميل

 
On 2/11/09, 8:03 PM , salma mohamed said...

السلام عليكم
كلامك جميل جدا وصحيح مية بالمية,
وهدعيلك تحققي حلمك,بس بشرط تديني نسخة مجانية من الكتاب.

 
On 2/11/09, 9:02 PM , كيــــــــــــارا said...

لو بطلنا نحلم نموت

الانسان مش يقدر يعيش من غير الحلم

ربنا يحقق احلامنا وكم من نجاحات حققناها كانت في البدايه احلام وبتوفيق من الله تم تحقيقها

 
On 2/12/09, 12:57 AM , المعتصم said...

بسم الله الرحمن الرحيم
السلام عليكم ورحمة الله وبركاته
أختى الكريمة
تحياتى
والله الحلم جميل فعلا وياريت ربنا يكرمك وتقدرى تحققيه وكمان يكرمنا وكل واحد فينا يحاول يعمل حاجه لدينه تنفعه هو وغيره
وياريت كل احلامنا تبقى بالجمال ده
مش اللى بيحلم بالعربيه اخر موديل والشقه على النيل وغيره وغيره
ربنا يبارك فيكى ويجازيكى كل الخير
وان شاء الله حلمك يتحقق
تقبلى مرورى وتحياتى
ودمتى بكل الود والخير
والسلام عليكم ورحمة الله وبركاته

 
On 2/12/09, 6:27 AM , zainab said...

حبيبتى أميرة

السلام عليكم و رحمة الله و بركاته

اعذرينى يا أميرة على التأخير أصل النت فاصل من عندى أنا ضبطه دلوقت بالصدفى و ربنا يسهل و مايفصلش

ثانيا البوست جميل قوى يأميرة و الله العظيم انا مش عارفه أقوولك ايه هجيبلك كلام منين لكلامك الحلوده

ويارب يحقق لك كل أحلامك الجميله يا أميرة
دعواتك

تحياتى

 
On 2/12/09, 8:42 AM , بنوتة said...

السلام عليكم
أنا سعيدة جدا بقرارك وأحلى حاجة ان العمل ده لوجه الله ربنا يكرمك ويوفقك ان شاء الله
تحياتى ليكى

 
On 2/12/09, 10:58 AM , رابطة هويتي اسلامية said...

الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية

 
On 2/12/09, 11:29 AM , fL0weR-giRL said...

اختي العزيزة غربتي

بصي الواحد لو حلم بشئ وفضل عندة اصرار علي تحقيقه ان شاء رب العالمين هيتحقق

وبعدين انا بيعجبني كلامك جدا جدا جدا وطريقتك في التعبير

يالا اول طبعه انا هشتري منها

اني احبك في الله ياعسل

فعلا الواحد لازم يكون لحياته معني مش يأكل ويشرب وينام ويخرج ويدرس وياريته بيستفيد لا معظم الناس بيعيشوا حايتهم زي الي قبليهم عاشوها

بجد بجد ربنا معاكي ياجميل

ولك كل الشكر والتقدير

:)

 
On 2/12/09, 11:31 AM , fL0weR-giRL said...

اختي الفراشه الصغيرة اعجبني تعليقك جدا جدا جدا

 
On 2/12/09, 12:36 PM , مهندس / على درويش said...

من عاش لنفسه عاش صغيرا .. ومات صغيرا

ومن عاش لدينه ولغيره عاش عظيما .. ومات كبيرا

والكل يريد الموت كبيرا
الكل يريد ان يكون مختلف عن الأخرين
ولكن هنا قد يختلف التفكير من شخص لأخر فمنهم من يري ان يكون مختلف بخدمه الدين ومنهم من يكون مختلف بخدمه العلم ومنهم من يكون مختلف بالأنحراف والعياز بالله
اسأل الله ان يرزقنا حسن التفكير والتدبير وحسن التصرف وحسن الأختيار

 
On 2/12/09, 4:29 PM , د/عرفه said...

دى أول زياره ليا فى المدونه دى
بصراحه عجبتنى كلماتك بجد وربنا يوفقك وتحققى حلمك
ويارب دايما الروح العاليه والهمه دى

 
On 2/12/09, 10:04 PM , La RoSe said...

ربنا يوفقك يارب وتحققي كل اللي تتمنيه

بس أنا بقى لسة بدور على حلمي

إدعيلي ألاقيه ويتحقق

تحياتي لكي :)

 
On 2/12/09, 11:42 PM , رابطة هويتي اسلامية said...

أتمني منك غربتي تقبل كلمات علياء ولو فيها شئ من قلة التدارك للعقل

 
On 2/13/09, 12:18 AM , اللؤلؤة said...

السلام عليكم
الأخ الكريم غربتى :
شرفتنى بزيارتك وتعليقك الجميل
يا رب يرزقنا بزيارة الحرمين الشؤيفير مرارا وتكرارا
آمين
دمت فى رعاية الله وحفظه
تحياتى

 
On 2/13/09, 1:26 PM , الرابطة وبناء الأمة said...

السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية

 
On 2/13/09, 3:58 PM , Tamer Nabil said...

السلام عليكم

الاحلام حلال وحق لكل انسان ان يحلم ولو فشل مرة او مرات مش نهاية العالم المحاولة تانى وتالت وشرف التجارب عالية جداا ومجهود كبير لينا

افضل من السكون والصمت وعدم المحاولة لعمل شىء فى حياتنا


ربنا يوفقك ويكرمك

تحياتى

 
On 2/13/09, 6:51 PM , وهـج ~ said...

إذن .. فنحن بإنتظار هذا الكتاب .. =)

أن يكون للإنسان إيمان تام بأن دوره لن يؤديه غيره .. وأنه على ثغر من ثغور الأمة لن يسدها سواه ..
فهذا ما سينهض بالأمة والمجتمع ..

لا يضير إن كان العمل صغير أو كبير .. لكن ما يهم هو أن يحسن العمل .. فالله يحب أحدنا إن عمل عملاً أن يتقنه ..

أيضاً الفشل مرة وثانية وثالثه وعاشرة ليس إلا تعليماً وتبييناً للشخص أن يسير في الاتجاه الصحيح ..

دعائي الدائم لكِ بالتوفيق غربتي ~

 
On 2/14/09, 11:15 AM , ghorBty said...

محمد غاليه

كل واحد لازم يعيش لحلم وهدف

ويعمل اللي يقدر عليه

وفي الاخر

اٍن الله لا يضيع اجر من احسن عملا

جزيت خيرا

غربتي

 
On 2/14/09, 11:16 AM , ghorBty said...

اسماء واحلام في وجدني

صدقت

جزيت خيرا علي الدعاء

وربنا يحقق لنا ما فيه الصالح لنا في الدنيا والاخره

غربتي

 
On 2/14/09, 11:18 AM , ghorBty said...

رومنسي

اهم شئ انك تعمل ما تحب

علشان تقدر تدي فيه وكمان تحس انك مبسوط وانت بتعمله

وان شاء الله ربنا قادر علي كل شئ

جزيت خيرا

غربتي

 
On 2/14/09, 11:19 AM , ghorBty said...

محاسن صابر

اهلا ومرحبا اختي الغاليه

جزيت خيرا علي تعليقك الجميل

وربنا ييسر لنا امورنا

دمت بخير

غربتي

 
On 2/14/09, 11:20 AM , ghorBty said...

اللؤلؤة

اهلا بحضرتك

فعلا مفيش شئ بعيد عن الخيال

فقط نعمل ونجتهد والنتائج بيد الله

دمت بخير

غربتي

 
On 2/14/09, 11:21 AM , ghorBty said...

فراشتي الصغيره

ربنا يبارك فيك

ربنا يسمع منك يا رب

ويرضينا ويرضي عنا

دمت بخير

غربتي

 
On 2/14/09, 11:22 AM , ghorBty said...

ايوشه

بارك الله فيك

كلامك اسعدني كثيرا

واعطني دفعه لامام

دعواتك الطيبه

دمت بخير

غربتي

 
On 2/14/09, 11:23 AM , ghorBty said...

عزيزتي ابي

فعلا دي المشكله الاساسيه

صعب جدا الواحد يعيش من غير هدف

ايه معني لحياته ؟

معلشي بقا تعبناكي من الخط الصغير

ان شاء الله نحاول نكبره

غربتي

 
On 2/14/09, 11:24 AM , ghorBty said...

ضد التيار

اهلا بك عزيزتي

اللهم امين

واياك ان شاء الله

دمت بخير

غربتي

 
On 2/14/09, 11:24 AM , ghorBty said...

حبيبتي موناليزا

ويحقق لك انت كمان ما تتمني

ويصلح حالنا وحالك

اللهم امين

دمت طيبه وبخير

غربتي

 
On 2/14/09, 11:26 AM , ghorBty said...

nudy

اهلا بك

صدقتي وصدقت كلماتك

فعلا والله

ولا تحقرن من المعروف شئ

وقدامنا حاجات كتير

ممكن يكون لينا فيها دور

بس احنا نتحرك

دمت بخير

غربتي

 
On 2/14/09, 11:27 AM , ghorBty said...

حبيبتي مرمر

ربنا يبارك لك يا رب


ويسعدك انت كمان ويحقق لك كل امانيكي

اسعدتني بكلامتك

دمت بخير

غربتي

 
On 2/14/09, 11:28 AM , ghorBty said...

ما ما اموله

يسعدني وجودك دائما

فعلا التجربه اساس كل شئ

ربنا يصلح لنا الاحوال

دمت بخير

غربتي

 
On 2/14/09, 11:29 AM , ghorBty said...

حبيبتي سلمي

منورة المدونه

بس كدا انتي تأمري


بس ادعيلي

دمت بخير

غربتي

 
On 2/14/09, 11:31 AM , ghorBty said...

حبيبتي كيارا

فعلا لازم نعيش بالاحلام

واحنا اصلا لو فكرنا في حياتنا

هنلاقيها سلسه من الاحلام

فيها منها اللي بيتحقق

ومنها اللي لا

بس في الاخر اهم شئ اننا نحلم ونحاول ونسعي لتحقق الحلم

دمت بخير

غربتي

 
On 2/14/09, 11:33 AM , ghorBty said...

المعتصم

اهلا بك

اللهم امين

احلي احساس في الدنيا بجد

ان الواحد يكون بيحب شئ


ويتعب فيه وبعد كدا يشوف نتيجه تعبه انه حقق كل ما كان يتمني

ساعتها بينسي كل تعب وكل عقبه كانت واقفه قدامه

وربنا يصلح لنا الاحوال ويستخدمنا ولا يستبدلنا

دمت بخير

غربتي

 
On 2/14/09, 11:34 AM , ghorBty said...

حبيبتي زينب

وعليك السلام ورحمة الله وبركاته

ولا يهمك.. اهم شئ انك كويسه وبخير

دائما رافعه من معنوياتي

ربنا يكرمك ويعزك ويسعدك

وييسر لك كل امورك

دمت بخير وسعاده

غربتي

 
On 2/14/09, 11:36 AM , ghorBty said...

بنوته

اهلا بك يا رب تكون بخير

وانا بسعد جدا بتعليقاتك الجميله

وربنا يبارك فيك ويحقق لك ما تتمني انت كمان

دمت بخير

غربتي

 
On 2/14/09, 2:01 PM , لؤلؤةالرحمن .....هويتى اسلاميه said...

السلام عليكم ورحمه الله وبركاته

حبيبتى ان شاءالله ربنا يحققلك أحلامك

واحلامنا احنا كمان

بس عموما لازم نتحلى بالصبر لانه تحقيق الحلم مشسهل خالص ولازم نسعر لتحقيقه مش نتواكل
عموما انا اول واحده هقرا كتابك اكيد لانى هاخده هديه منك وعليه امضى
ولا ايه
اوعى تكونى من الناس اللى اما بتطلع مبتبصش وراها على صحابها

--------------------------------

 
On 2/14/09, 2:18 PM , أحمد سعيد بسيوني said...

حقق الله لكم جميع احلامكم وامانيكم


من عاش لنفسه عاش صغيرا .. ومات صغيرا

ومن عاش لدينه ولغيره عاش عظيما .. ومات كبيرا

صدقت

ويبقى خير الناس انفعهم للناس

 
On 2/14/09, 6:54 PM , طوبة ذهب وطوبة فضة said...

بجد فكره كويسه جدا يارب يعينك وتحققيها وتنالى كل ماتتمنى واحنا ذيك

 
On 2/14/09, 7:49 PM , nour shahen said...

ربنا يوفقك وعامة كل شيء فى البدايه كان مجرد فكره واتحولت لحقيقه بتوفيق من الله سبحانه وتعال

حاولى وربنا معاكى بس انتى مقولتيش فكرة الكتاب عن ايه تحديدا

بس مجرد السعى ورا هدف معين هو فى حد ذاته شيء جميل

تحياتى

 
On 2/14/09, 8:46 PM , rovy said...

حسيت انى انا اللى باكتب و انك بتقرأى اللى جوايا .. بجد والله ..
ربنا يكرمك و يحقق لك كل احلامك يارب

دمتى بكل خير

تحياتى

 
On 2/15/09, 7:25 PM , ghorBty said...

اختي الغاليه فلور جيرل

بارك الله فيك وفي كلامك الجميل

دعواتك معايا

دمت بخير وسعاده

غربتي

 
On 2/15/09, 7:27 PM , ghorBty said...

مهندس /علي درويش

صدقت الكل يريد ان يموت كبيرا

ولكن الذي يريد شئ يعمل له ويسعي

جزيت خيرا علي كلامك

بوركتم

دمت بخير

غربتي

 
On 2/15/09, 7:28 PM , ghorBty said...

د/ عرفه

اهلا بحضرتك

وجزيت خيرا

ربنا يجعل همتنا عاليه علي طول ويعينا علي تحقيق ما نتمني

غربتي

 
On 2/15/09, 7:29 PM , ghorBty said...

la rose

منوره دايما

ربنا يصلح لك الاحوال ويستخدمك في طاعته

ويبارك في عمرك حبيبتي

دمت بخير

غربتي

 
On 2/15/09, 7:30 PM , ghorBty said...

الرابطه وبناء الامه

جزيت خيرا

ربنا معاكم ويثبتكم

ان شاء الله سوف امر بالتاكيد

غربتي

 
On 2/15/09, 7:32 PM , ghorBty said...

استاذ تامر نبيل

اهلا بك

صدقت والله

وما احلها لو تحققت تلك الاحلام واصبحت واقع

نسال الله لنا ولكم التوفيق

غربتي

 
On 2/15/09, 7:33 PM , ghorBty said...

وهج حبيبتي

بارك الله فيك غاليتي

صدقتي وصدقت كلاماتك

ربنا يستخدمنا في خدمته وخدمة دينه

ودعواتك الطيبه

دمت بخير وسعاده

غربتي

 
On 2/15/09, 7:35 PM , ghorBty said...

لؤلؤة الرحمن

اهلا بك يا حبيبتي

دعواتك انت بس ربنا يوفقنا الي ما فيه الخير لنا في الدنيا والاخره

ازاي حد ينسي ناس حبهم في الله ربنا يجعل حبنا له ومن اجله ويجمعنا دائما علي الخير

دمت بخير وسعاده

غربتي

 
On 2/15/09, 7:36 PM , ghorBty said...

احمد سعيد بسيوني

اهلا بك

جزيت خيرا علي الدعاء

وربنا يوفقنا جميعا الي ما يحب ويرضي

دمت بخير وسعاده

غربتي

 
On 2/15/09, 7:38 PM , ghorBty said...

طوبة ذهب وطوبه فضه

اهلا بك

ربنا يبارك لك يارب

ويحقق لك كل ما تتمني

دمت بخير

غربتي

 
On 2/15/09, 7:40 PM , ghorBty said...

غاليتي نور شاهين

منورة والله


ربنا يصلح الحال ويوفقنا الي ما فيه الخيرلنا

غلف الكتاب موجود في البوست

بجد نفسي اكلم عن ازاي نجعل لحياتنا معني

والله المستعان

دمت بخير

غربتي

 
On 2/15/09, 7:41 PM , ghorBty said...

حبيبتي روفي

بارك الله فيك

وربنا يستخدمنا ولا يستبدلنا

ويوفقنا الي ما فيه الخير

دمت بخير وسعاده

غربتي

 
On 6/26/09, 6:04 AM , الم said...

اختي هل تسمحين لي بنقل كلماتك لمنتدى

وجعله الله في ميزان حسناتك

انتظر ردك

وشكرا

 
On 6/26/09, 10:10 PM , ghorBty said...

الم

السلامـ عليكمـ

اهلا بك هنا في مدونتي

اولا شاكره لك /لكِ الامانه والنقاء

فبارك الله فيك

ما دام وجدتي لكلماتي معني وهدف وسيفيد الغير فلن امانع بالطبع وهذا ما اتمناه هو الاجر والثواب من رب العباد

والسلام عليكمـ