10:00 AM | Author: ghorBty

بعد اللوم والعتاب اللي اخدته من البوست اللي فات

حبيت اقول شئ

الغربه احساس

بتعرض له شئنا ام ابينا

وليس بيدي فاٍنه كالفرح والحزن يأتي ولا نستطيع التحكم فيه

وله اسبابه

وبما انه احساس داخلي فمن السهل ان تشعر به ولو كنت وسط جميع البشر

فلم اقصد البعد والعزله وان كانت مطلوبه بعض الشئ

ولكني قصدت شيئا اخر

لعلكم تفهموها من هذا البوست

:
سحرة فرعون
:

قصة سيدنا موسي عليه السلام وفرعون من اكتر القصص اللي تكررت في القرءان والتكرر دا اكيد لحكمه وزي ما ربنا عز وجل قال

لَقَدْ كَانَ فِي قَصَصِهِمْ عِبْرَةٌ لِّأُوْلِي الأَلْبَابِ

يبقي لازم نقف ونعتبر قصة السحره كثيرا ما اقف عليها واقول سبحان الله شوفوا ازاي وجهة نظرهم في الدنيا اتغيرت بمجرد ما دخل الايمان في قلوبهم وعيونهم فتحت علي نور الحق

يقول الله عز وجل

وَجَاء السَّحَرَةُ فِرْعَوْنَ قَالْواْ إِنَّ لَنَا لأَجْراً إِن كُنَّا نَحْنُ الْغَالِبِينَ

تفكير دنيوي بحت شوفوا بقا العطايا كمان اللي فرعون قالهم عليها

قَالَ نَعَمْ وَإَنَّكُمْ لَمِنَ الْمُقَرَّبِينَ

يعني اخدوا المال والجاه احساسهم كان ازاي دلوقتي عيشوا وكأنكم واحد منهم

ولكن تستكمل القصه في سورة طه ونشوف بعد الايمان ازاي تفكيرهم اتغير ونظرتهم بقت اوسع واشمل

فَأُلْقِيَ السَّحَرَةُ سُجَّداً قَالُوا آمَنَّا بِرَبِّ هَارُونَ وَمُوسَى

خلاص شوفنا الحق يبقي اتبعنا مفيش تفكير لا في مال ولا جاه

فرعون لما شف كدا اكيد استعجب وقال بكل كبرياء


قَالَ آمَنتُمْ لَهُ قَبْلَ أَنْ آذَنَ لَكُمْ إِنَّهُ لَكَبِيرُكُمُ الَّذِي عَلَّمَكُمُ السِّحْرَ فَلَأُقَطِّعَنَّ أَيْدِيَكُمْ وَأَرْجُلَكُم مِّنْ خِلَافٍ وَلَأُصَلِّبَنَّكُمْ فِي جُذُوعِ النَّخْلِ وَلَتَعْلَمُنَّ أَيُّنَا أَشَدُّ عَذَاباً وَأَبْقَى

الاول قال لهم نعم وانكم لمن المقربين لكن بعد ما اختلافوا معاه واتبعوا الحق تحول عليهم بالكليه ووعدهم بالعذاب وكمان شرح لهم طريقه العذاب علشان يمكن الخوف في قلوبهم اكثر

بس علي مين خلاص دي ناس ثابته علي الحق وعرفوا حقيقه الدنيا ودا اللي لازم نتعلموا من هنا لازم يكون عندنا ثبات علي القيم ثبات علي الحق

قَالُوا لَن نُّؤْثِرَكَ عَلَى مَا جَاءنَا مِنَ الْبَيِّنَاتِ وَالَّذِي فَطَرَنَا فَاقْضِ مَا أَنتَ قَاضٍ إِنَّمَا تَقْضِي هَذِهِ الْحَيَاةَ الدُّنْيَا

سبحان الله

للشيخ العريفي علي الاية دي كلام جميل جدا بيقول ايه


فعلا ناس ثبتت ففازت

إِنَّا آمَنَّا بِرَبِّنَا لِيَغْفِرَ لَنَا خَطَايَانَا وَمَا أَكْرَهْتَنَا عَلَيْهِ مِنَ السِّحْرِ وَاللَّهُ خَيْرٌ وَأَبْقَى .. إِنَّهُ مَن يَأْتِ رَبَّهُ مُجْرِماً فَإِنَّ لَهُ جَهَنَّمَ لَا يَمُوتُ فِيهَا وَلَا يَحْيى .. وَمَنْ يَأْتِهِ مُؤْمِناً قَدْ عَمِلَ الصَّالِحَاتِ فَأُوْلَئِكَ لَهُمُ الدَّرَجَاتُ الْعُلَى .. جَنَّاتُ عَدْنٍ تَجْرِي مِن تَحْتِهَا الْأَنْهَارُ خَالِدِينَ فِيهَا وَذَلِكَ جَزَاء مَن تَزَكَّى


يقول ابن عباس كانوا في اول النهار سحرة فجره .. واصبحوا في اخر النهار شهداء برره

ومن هنا يأتي الاحساس بالغربه

الاول منهجهم كان واحد وتفكيرهم واحد دنيـــــــا

لكن التفكير لما اتغير بينهم حصلت الفجوه الكبيره اللي حسينا بها

فمهما اتكلموا لا فرعون هيفهم ولا هيعي قولهم

ومهما فرعون اغراهم او هددهم لا هيخافوا ولا يهتز لهم ريح

وهنا نأتي بمعني الثبات علي القيم

واعلم انك ما دمت علي القيم ثابت ستحيا غريب

:

كما قال الشاعر

رحــــم الله فتىً هذب الديـــــن شبابـــــــــه
ومضى يزجي الى
العلياء في عزم ركابه
مخـبتـــــا لله صـــــــير الـــــــزاد كــــــتابه
واردا من منهل الهادي ومن نبع الصحابة
إن طلبت الجود منه ... فهو دومـــاً كالسحابة
أو نشدت العزم فيه ... فهو ضرغـــــام بغابة
جاذبته النفس للــــــشر فلم يبــد استــجابة
متـــــق لله تعلــــو ... مــــــن يلاقيه المهـابة
رق منه القلب لكن زاد في الدين صـلابة
بلسم للارض يمحو ... عن محياها الكـــــابة
ثابت الخطو فلم تطفي الاعاصير شهــابه
جربته صولــة الدهـــــر فالفت ذا نجـــابة
ان يقم يومـــــا خطيبا ... يسمع الصم خطابه
او يسر في الدرب يوما ابصرالأعمى جنابه
مســــــــلم يكفي
ه فخرا أن للديــــــــن انتسابه

:

غ ربتي


You can follow any responses to this entry through the RSS 2.0 feed. You can leave a response, or trackback from your own site.

46 comment:

On 2/22/09, 10:02 AM , مهندس / على درويش said...

يا رب أكون أول تعليق

 
On 2/22/09, 10:05 AM , مهندس / على درويش said...

ثابت الخطو فلم تطفي الاعاصير شهــابه


الموضوع جميل جدا
فعلا وسط كل الأعاصير التي ندور فيها وإذا ما تحركنا بخطوات ثابته سيكون هذا هو النصر الحقيقي على الأنفس

زلم تطفئ تلك الأعاصير إيمانه المنير دائما بالحق والخير والصدق والحياء


جزاك الله خيرا على الموضوع الجميل

 
On 2/22/09, 10:44 AM , Unknown said...

المدونة جميلة جداً جداً وشكلها متأثرة بالغربة
عارف هى اصعب شئ
دى اول زيارة ليا للمدونة وبإذن الله هكون متابعها دوماً

 
On 2/22/09, 11:08 AM , الفراشة الصغيرة said...

حلو قوى البوست يا غربة

وحلو تناولك لقصه سيدنا موسى

والاحلى بقى الشعر اللى فى الاخر
دومتى مبدعه

 
On 2/22/09, 11:10 AM , salma mohamed said...

السلام عليكم
كلام فوق الوصف
فعلا الزمن ده بقى الملتزم فيه غريب
وتحقق القول:
بدأ الاسلام غريبا وسيعود غريبا
فطوبى للغرباء
ربنا يجعلنا منهم.

 
On 2/22/09, 12:24 PM , د/عرفه said...

بصراحه كل موضوع بتثبتى فيه إن مدونتك جميله بجد
وان كلامك معبر ورائع
مســــــــلم يكفيه فخرا أن للديــــــــن انتسابه
عجبتنى الجمله دى اوى
يارب دائما كده فى تألق

 
On 2/22/09, 12:32 PM , Sweet Violet said...

وصل المعنى

(:

اصبحنا فى زمن اللا مبادئ واللا قيم و القليل اللى لحد الان متمسك بيهم

و هو ده فعلا اللى بيحس بالغربه مابينهم

عجبنى تناولك لقصه سيدنا موسى

دمتِ بكل حب و ود غاليتى

(:

 
On 2/22/09, 1:56 PM , عمرو جويلى said...

السلام ةعليكم
الأخت الفاضلة

نحن أصبحنا فى زمن الباطل أصبح هو الحق والحق هو الباطل لقد إختلفت المعايير وأشكرك عل قصة سيدنا موسى وسحرة فرعون فقد كان سردك رائع
تحياتى

 
On 2/22/09, 4:57 PM , رحلتنا في الحياة said...

مش هقول غير قول الرسول صلى الله عليه وسلم طوبى للغرباء
فى الزمن اختلف وتبدل فيه القيم والمبادئ الانسان الصح غريب
فطوبى لكى غربيتك

 
On 2/22/09, 7:29 PM , Heba Sayed said...

السلام عليكم

مدونتك رائعة يا جميلة

وفعلا القرآن يعتبر معجزة وفيه اعجاز كتير يجب على العلم البحث وراءه فهو ملىء بالاسرار

وكله عظة لاولى الالباب

السحر زى ماهو موجود فربنا عرفنا انه شرك

زى ما قال رسول الله صلى الله عليه وسلم

عن السبع موبقات واللى منهم السحر والشرك بالله

واليعوذ بالله

فالسحر موجود

وربنا زى ماقال فى القرآن السحر الذى يفرق بين المرء وزوجه

قال برضو لا يفلح الساحر حيث اتى

ان الله سيبطله

اذن فى ميقات معلوم عند الله هيفك

لان كله بامر الله

تحياتى اليكى وبوست رائع

 
On 2/22/09, 7:32 PM , Heba Sayed said...
This comment has been removed by the author.
 
On 2/22/09, 7:42 PM , مذكرات مشاغب said...

معاكي حق طبعا
جميهل طريقتك في توضيح وجهة نظرك

تحياتي

 
On 2/22/09, 8:32 PM , ghorBty said...

مهندس /علي درويش

اهلا بحضرتك

فعلا سبحان الله وذكرتني كلماتك بقول الله تعالي

الم{1} أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ{2}

فالفتن كالاعاصير ان لم نغلبها غلبتنا

نسال الله الثبات

جزاني واياكم

غربتي

 
On 2/22/09, 8:33 PM , ghorBty said...

اسلام ديو

اهلا بحضرتك

وجزاك الله خيرا

وطبعا نتشرف بتكرر زيارتكم

وان شاء الله تستفيد معنا

غربتي

 
On 2/22/09, 8:35 PM , ghorBty said...

فراشتي الصغيره

بارك الله فيك

وربنا يثبتنا

والكلام هيكون احلي لو اطبق اكيد

ربنا يجعله حجه لنا لا علينا

غربتي

 
On 2/22/09, 10:55 PM , موناليزا said...

شعور احسه كثيرا وخاصة كلما تعمقت فى احكام الاسلام
قد ايه ديننا جميل وياسلام لو يتم تطبيقه
لست وحدك حبيبتى من تشعرى بهذا فاطمئنى:)
جمعنى الله بك فى ظله فى يوم لا ظل فيه الا ظله

 
On 2/22/09, 11:29 PM , سجود said...

كلام رائع جدا
اكيد صادر عن انسان اكثر روعة
أكيد الثبات بيولد النصر وخير واقرب شاهد حرب غزة الاخيرة

انا اول مرة ادخل المدونة ومش هتكون الاخيرة ان شاء الله

على فكرة الخواطر رائعة تنم عن احاسيس مرهفة جدا

 
On 2/23/09, 12:24 AM , zainab said...

حبيبتى أميرة

أنا فهماكى كويس قوى و عارفه الغربه اللى انتى تقصديها

ربنا يوفقك يا حبيبتى


تحياتى

 
On 2/23/09, 2:20 AM , marmar said...

انا بستمتع جدا يا غربتي بقراءه جديدك واعذريني على تأخيري بس ظروف الجامعه ملخبطاني شوية
قصه سيدنا موسى انا اقر واعترف مكنتش اعرفها بس لولا والدي الطيب مكنتش عرفتها وانتي كملتيلي عليها كمان بجد بشكرك جدا يا غربتي
دمتي بكل ود

 
On 2/23/09, 3:53 AM , المعتصم said...

بسم الله الرحمن الرحيم
السلام عليكم ورحمة الله وبركاته
أختى الكريمة غربتى
تحياتى
عندما تحدثنا عن الغربه كنا نعرف ماتقصدين وهو واضح وبين كوضوح الشمس ولكن كنا نقصد انك تتقربين الى الله وتجتهدى وتعملى كل اللى عليكى وهتحسى بالغربه فى زماننا الغريب ده بس كنا نقصد انك ماتسيبيش الاحساس ده يقصر عليكى ليس الا وبعدين ياستى هو حد لاقى (فطوبى للغرباء)يعنى يابختهم يابختهم وربنا يجعلنا منهم
طرحك للموضوع وسرد القصه جميل
تحياتى ودمتى بكل خير وود
والسلام عليكم ورحمة الله وبركاته

 
On 2/23/09, 8:28 AM , فـُتات مشاعِر said...

السلام عليكم ورحمة الله

البوست الفائت كان رائعا

وتمتماتك في الغربة ,, مسموعة

ومن ذا الذي ينال غربة , في عالم حضرته ظلم ,, وغربته تبرُأ منه


,, لكن لا تنسي بصمتك فيه
حتى لاتدوم غربة الدنيا ,, مع الآخرة


::::::::::::::::::::::

 
On 2/23/09, 8:31 AM , Anonymous said...

مدونات الطاعة والتوحيد
التي تذكر بالله نعمة من الله

وخفيفة على القلب ,, مؤثرة فيه


فالحمد لله بغربتك بتدويناتك عن مدونات الضلال ,, والانحلال وقلة الحياء


ومنها كثير
""""""""""""""
وما أكثرُ الناس ِولو حرصت بمؤمنين

 
On 2/23/09, 2:15 PM , Anonymous said...

اسماء واحلام فى وجدانى

ما زال حى يرزق

 
On 2/23/09, 4:45 PM , barbie girl said...

السلام عليكم
ازيك يا غربتى.. عاملة ايه.؟

بصى أنا رأيى ان الانسان إذا وجد من يعينه على الثبات على الحق وعلى مبادئه وقيمه فسوف لا يشعر بالغربة اما إذا ظل وحيداً وسط من يرونه بتمسكه بمبادئه انساناً غريباً فسيظل غريباً.. يعنى زى بردوا ما سيدنا موسى طلب من ربنا تبارك وتعالى ان يخلى أخوه هارون معه ويشدد به أزره ويشركه فى امره.. يعنى كل انسان بيحتاج للى يقويه وياخد بأيده ويعينه على الحق والصواب حتى لا يضعف ولا يشعر بغربته وهو وسط الناس .. يارب اكون قدرت اوصل فكرتى.. بوست حلو اوى

سلام

 
On 2/23/09, 7:10 PM , لجين أبو الدهب said...

ومش سحرة فرعون بس ..

الاسلام يذكر كثير من الامثلة اللى كانت شديدة الكفر وتبغض الاسلام بغض شديد ..

وسبحان الله مغير الاحوال ان يكون الناس دى هى اللى تنشر الاسلام وتعرفه للناس ..

كم هى جميلة مذاق الهداية ..

جزاكِ الله خير اختى الحبيبة غربتى ..

هدى الله جميع الكافرين للاسلام ..

دُمتِ بخير ..

 
On 2/23/09, 9:10 PM , بنوتة said...

السلام عليكم
الموضوع مميز وجميل كالعادة
للأسف فعلا احنا بقينا في زمن قلب الحقائق
وأصبح الحق والصح هو الغريب فلذلك النبي قال طوبى للغرباء
تحياتى ليكى
ودمتى بالخير

 
On 2/23/09, 10:06 PM , Mohamed said...

اسلوب الطرح جميل غربتي و اعتقد المعني وصل
فكرة عن الايمان و الثبات و الله فيه خير الدنيا و الاخرة يعني بالعربي رزق و بركة في الدنيا و مغفرة في الاخرة ياريت نفهم كنا ارتحنا كتير
لو استقاموا علي الطريقة لاسقيناهم ماء غدقا
اللهم ثبتك يا رب العباد

 
On 2/23/09, 10:44 PM , ghorBty said...

غاليتي سلمي

بارك الله فيك

يارب يجعلنا فعلا منهم

ويثبتنا علي طريقه المستقيم

دمت بخير وسعاده

غربتي

 
On 2/23/09, 10:45 PM , ghorBty said...

د/عرفه

اهلا بحضرتك

الحمد لله هذا من فضل ربي

ربنا يستخدمنا ولا يستبدلنا

ويتقبل منا قليل العمل

ويجعله حجه لنا لا علينا بمنه وكرمه

جزيت خيرا

غربتي

 
On 2/23/09, 10:46 PM , ghorBty said...

غاليتي سويت

سعدت جدا بمرورك الدائم لدي

بارك الله فيك

وربنا ينجينا من الفتن الظاهره والباطنه

ويثبتنا ويرضي عنا

دمت بخير

غربتي

 
On 2/23/09, 10:50 PM , ghorBty said...

اللؤلؤه

وعليكم السلام

صدقت ونسأل الله السلامه والثبات

جزيت خيرا

غربتي

 
On 2/23/09, 10:52 PM , ghorBty said...

غاليتي ايوشه

جزاك الله خيرا

ودائما بنعيب الزمن والعيب فينا

ياريت بجد نرجع لتعاليم ديننا ونكون مسلمين فعلا وقولا

نسال الله الثبات

دمت بخير

غربتي

 
On 2/23/09, 10:54 PM , ghorBty said...

غاليتي هبه سيد

جزاك الله خيرا

منوره المدونه

وكلامك صحيح اكيد

ربنا يرحمنا برحمته

ويبعد عنا الشر

دمت بخير وسعاده

غربتي

 
On 2/23/09, 10:57 PM , ghorBty said...

مذكرات مشاغب

اهلا بك

الحمد لله ان وجهة نظري وضحت

متشكره جدا علي رايك

ربنا ينفعنا بما علمنا

دمت بخير

غربتي

 
On 2/23/09, 11:08 PM , ghorBty said...

غاليتي موناليزا

بارك الله فيك

وكلما تعمقنا اكتر الفجوه بينا وبين الواقع هتكبر ولكننا بالرغم من ذلك نجد في تعاليم الدين الراحه والامان ولذه ما يساويها اي لذه وليت الكل يعلم

ربنا يهدينا جميعا

واعلم اني لست وحدي بل هناك ملااايين افضل مني بكثير واني لسه في بدايه الطريق وربنا يرزقنا الصبر والثبات حتي نلقاه

يارب يجمعنا جميعا تحت ظل عرشه بفضله وكرمه

دمت بخير وسعاده

غربتي

 
On 2/23/09, 11:12 PM , ghorBty said...

غاليتي سجود

بارك الله فيك

ربنا يجعلني خيرا مما تظنون ويغر لي ما لا تعلمون

عند حق والله الثبات محتاج صبر والصبر هو سر النصر ( انما النصر صبر ساعه )

ربنا معاكم ويثبتكم يارب

نورتني وسلامي لاهلي في غزة

هكون سعيده لو زورتني تاني اكيد

دمت بخير وسعاده

غربتي

 
On 2/23/09, 11:24 PM , ghorBty said...

غاليتي زينب

بارك الله فيك

دعواتك معنا

وربنا يوفقك ويصلح لك الاحوال يارب

دمت بخير

غربتي

 
On 2/23/09, 11:27 PM , ghorBty said...

حبيبتي مرمر

اهلا بك وربنا معاك ويوفقك يارب

خلي بالك من كليتك دي اهم شئ في اولوياتك دلوقتي بالنجاح والتوفيق يارب

والحمد لله انك استفدي من البوست

بارك الله فيك وانا كمان بسعد جدا بمرورك

دمت بخير

غربتي

 
On 2/23/09, 11:34 PM , ghorBty said...

اخي المعتصم

اهلا بك

الاحساس باي شئ بيطرق علي الانسان دون تدخل منه في ذلك

والحمد لله واهم شئ ربنا يثبتنا علي الحق ونكون فعلا ماشين علي الخط المستقيم الذي اراده الله منا ويبعد عنا الفتن ما ظهر منها وما بطن

دمت بخير

غربتي

 
On 2/23/09, 11:37 PM , ghorBty said...

بلاش توليديني

اهلا بحضرتك

متشكره جدا علي تعليقك بجد

جزاك الله خيرا

وعندك حق فعلا في موضوع البصمة طبعا ( كنت كتبت بوست علي الموضوع دا اتمني انك تقرأه )

دمت بخير

غربتي

 
On 2/23/09, 11:39 PM , ghorBty said...

دمااغ

اهلا بحضرتك

ربنا يثبتنا علي الحق

ويهدي الجميع الي طريقه المستقيم

دمت بخير

غربتي

 
On 2/23/09, 11:40 PM , ghorBty said...

اسماء واحلام في وجداني


اهلا بحضرتك

الحمد لله بارك الله فيكم

غربتي

 
On 2/23/09, 11:43 PM , ghorBty said...

غاليتي براري

اهلا ومرحبا

فينك من زمااااااان

الحمد لله انك بخير

عندك حق طبعا في كلامك

وهم كثر ولله الحمد ربنا يثبتنا واياهم

بس ساعات الواحد لما بيبعد شويه عنهم بيحس انه لوحده والغربه بتزيد عليه

خير ان شاء الله


بارك الله فيك غاليتي

غربتي

 
On 2/23/09, 11:46 PM , ghorBty said...

غاليتي لجين ابو الذهب

بارك الله فيك

صدقتي كثيره هي القصص ولكن اين المعتبرين

قرءانا هو منهجنا وياريت نرجع له

لنجد الراحه والامن والسعاده

وربنا يهدينا جميعا ويردنا اليه مردا جميلا


جزيت خيرا

دمت بخير

غاليتي

 
On 2/23/09, 11:48 PM , ghorBty said...

غاليتي بنوته

بارك الله فيك

ربنا يهدينا جميعا ويبصرنا بالحق دائما

والخير في الامه الي يوم الدين وان كان قليل

دمت بخير

غربتي

 
On 2/23/09, 11:51 PM , ghorBty said...

استاذ /غريب

اهلا بحضرتك

بارك الله فيك

وعندك حق ياريت نفهم ونعرف مصلحتنا فين بس تقول ايه

انها لا تعمي الابصار ولكن تعمي القلوب التي في الصدور

ربنا ينقي قلوبنا حتي تبصر الحق وتعرف ما ينفعها

جزيت خيرا كثيرا

وثبتنا الله واياكم

ومبروك اللغه العربيه

غربتي