10:30 PM | Author: ghorBty

ستبقي حلم لا ينتهي


وشوقي اٍليك يفوق القمم

فأنتي حياتي وأنتي فؤادي

سكنتي قلبي منذ الصغر


ولو تركت خيالي يراكي

سرحت كثيرا وضاع زمن

تخيلت أني تكلمت معك

لمست يدك

لعبت معك

نسيت في عينيك معني الألم

ويفرح قلبي

حين يراكي

تقولين ماما

وأشعر كأني ملكت الوجود

وأنظر اٍليك

أجدك أمامي

عام بعد عام

بتعدي حدود

أصبحت مثلي

في كل ما فيكي

وأستمتع حين

يأخذنا حديث

ونسهر سويا

وضئ القمر

ينير حياتنا

ويحلو الحديث

وتسمعي مني

أحلي كلام

وأبوح لك

بسر خطير

بأنك حياتي

وحلمي اللي باقي

ونضحك سويا

وفي لحظه واحده

يروح الخيال

ودور عليكي

القي اوهام

انادي وانادي

يرد صداي

بنفس الكلام

وأرجع لوحدي

أناجي ألهي

وأدعو باٍنه ما يكون خيال

ومهما طال انتظري

ستأتي حقيقه أمامي

أراك بعيني

ويهفو الفؤاد


(:

مجرد خواطر

غ ربتي


You can follow any responses to this entry through the RSS 2.0 feed. You can leave a response, or trackback from your own site.

36 comment:

On 2/23/09, 11:01 PM , romansy said...

حلم ما اجمله سيتحقق وتبقى
الامنيات
سيتحقق وتبقى الذكريات الجميله
سيتحقق ويبقى الامل فى تلك الحياه

 
On 2/23/09, 11:09 PM , بنوتة said...

السلام عليكم
حلم جميل
وكلمات أجمل

بس رجاء لو سمحتى
يا ريت تكتبي بالازرق أو الاحمر أو تكبرى خطك
عشان الخط وضح أكتر
تحياتى ليكى
ودمتى بالخير

 
On 2/23/09, 11:15 PM , ايوشة said...

ربنا يحقق كل احلامك يارب اجمل حلم حلم الامومة ربنا يكرم البنات كلها بيه يااااااااااااارب

 
On 2/23/09, 11:27 PM , ِِAdem El-Mahdy said...

كلمات رائعة

اللهم ارزقنا الزوجة الصالحة الاول

وبعدين الزرية الصالحة بعدين

وربنا يسهل

وبس

 
On 2/24/09, 12:17 AM , شامخة said...

السلام عليكم

بالفعل إحساس رائع،،،حين تلاعب طفلك وتري بسمته تداعب محياه،،،والبراءة تطل من عينيه الصغيرتين لترسم سعادة في القلب لا يضاهيها سعادة،،

جميلة هي هذه اللحظات،،،

خيال متميز أختي
فواصلي تميزك،،،وإبداعك،،،

 
On 2/24/09, 12:26 AM , أنفاس الصباح said...

وأدعو باٍنه ما يكون خيال

ومهما طال انتظري

ستأتي حقيقه أمامي

أراك بعيني

ويهفو الفؤاد
.............

اللهم آمين

الامل فى الله لا ينقطع

والاجر للصابرين بخير حساب

دمتى رقيقة حنونة يا جنة

 
On 2/24/09, 12:35 AM , المعتصم said...

بسم الله الرحمن الرحيم
السلام عليكم ورحمة الله وبركاته
أختى الكريمة
غربتى
تحياتى
بالفعل مااجمله من حلم وخيال
ربنا يحققلك كل ماتتمنى ويسعدك بيه دايما يارب
عارفه انا لما بقعد الاعب ابن اخويا الصغير عنده شهرين بس بنسى الدنيا كلها ومش بيبقى فيه حاجه فى الدنيا كلها غيره هو وبس فما بالك بالاحساس ده لما يكون مع ابنك او بنتك
فعلا انتى عبرتى عن ده بشكل هايل وجميل جدا
ربنا يكرمك ان شاء الله ويرزقك الزوج الصالح ومعاه يرزقكم الذريه الطيبه الصالحه
اللهم امين
تقبلى مرورى وتحياتى
ودمتى بكل ود وخير
والسلام عليكم ورحمة الله وبركاته

 
On 2/24/09, 1:11 AM , salma mohamed said...

سلم ايدك
عبرتي عن الجوايا,
طول عمري باسرح بخيالي واتخيل بنتي مره وابني مره,
وانسج الاحاديث والمواقف وكانهم امامي حقا
ربنا يرزقنا واياك الازواج الصالحين ومن بعدها الذرية الصالحة.

 
On 2/24/09, 1:18 AM , مهندس / على درويش said...

سلمت يمينك أختي الفاضله

اشهد لكي بجمال الأسلوب وحسن أختيار الكلمات


حلم جميل فيه كل الأماني لكل البشر
لا فرق بيننا فلكل واحد منا أمل ومناجاه
وأجمل احساس حين تنظر في الخيال فيشدو السهر
وأحلي كلام حين نتكلم عن الأحلام

فيه ذهب الخوف من على سن القلم
ورسم المستقبل بكل أمانيه



تقبلي مروري

على درويش

 
On 2/24/09, 1:29 AM , مذكرات مشاغب said...

جميله كعادتك

 
On 2/24/09, 3:09 AM , marmar said...

حبيبتي الرقيقه غربتي
احساسك جميل اوي وكلامك اجمل
احلى احساس بجد لما بتلاقي البسمه واتكوني انتي اللي زرعتي تلك البسمه على شفاه اي بشر
وتخيلي البشر ده ملاك صغير رقيق طفل
يااااه بجد شعور جميل
ربنا يحققلك كل احلامك يا غربتي
دمتي طيبه

 
On 2/24/09, 8:11 AM , هذه حياتي said...

السلام عليكم ورحمة الله وبركاته

الأخت غربتي .... لك مني أبهي التحيات

بارك الله فيك علي تلكم الكلمات الرائعة التي تصور عاطفة جياشة وشعور فطري يسيطر علي كيانك

أرجو أن يتحقق لك ما تريدين

مع خالص شكري وتقديري

 
On 2/24/09, 9:18 AM , La RoSe said...

يارب تحققي كل أحلامك

(F)

 
On 2/24/09, 10:27 AM , لجين أبو الدهب said...

إحساس جميل تشتاق إليه كل أنثى ..

ويكون أجمل عندما يتحقق ..

حقق الله كل امنياتك غاليتى ..

دُمتِ بخير ..

 
On 2/24/09, 10:27 AM , لجين أبو الدهب said...

إحساس جميل تشتاق إليه كل أنثى ..

ويكون أجمل عندما يتحقق ..

حقق الله كل امنياتك غاليتى ..

دُمتِ بخير ..

 
On 2/24/09, 10:32 AM , fnoonh said...

دي خواطر اكتر من رائعة
تسلم ايديك وان شاء الله في تقدم مستمر
تقبلي خالص حبي ومودتي

 
On 2/24/09, 11:09 AM , Sweet Violet said...

ربنا يارب يحقق لك احلامك

(:

 
On 2/24/09, 1:14 PM , hayatcemresi said...

السلام عليكم ورحمة الله وبركاته
how are you? my dear sister
السلام عليكم

 
On 2/24/09, 2:37 PM , mohamed ghalia said...

كم هو رائع هذا الحلم
أسعد الله أيامك
دمتى بكل الود

 
On 2/24/09, 4:55 PM , فتافيت said...

بجد حلوة اووووووووي
انا كمان منتظرة .. واسوء شيء الانتظار

مش عارفة فيه نهاية له ولا لا .. بس ان الله مع الصابرين

تحياتي لقلمك المبدع الحساس

 
On 2/24/09, 5:32 PM , ستيته حسب الله الحمش said...

اجمل حلم في الدنيا ربنا يحقق ليكي الأماني

البنت دي جوهرة البيوت
واللي محروم فعلا اللي ربنا مدهوش بنت

انتي جميلة ومدونتك كذلك
تحياتي

 
On 2/24/09, 6:23 PM , fL0weR-giRL said...

السلام عليكم
اختي غربتي

ان شاء رب العالمين ربنا هيحققلك حلمك وهيبقي حقيقه وتشوفي عيالك حوليكي وينادولك ياماما ياماما عايز اكل عايزاعايز............عايز..........عايز

وانتي بقي :_حرام عليكم ارحموني
قولت لما هتكبروا شويه هتريحوني

تعبتوني اكتر وانتم كبار عن ماكنتم صغيرين اعمل فيكوا ايه

تعرفي احلي حاجة في الدنيا الأطفال بموت فيهم وبضعف جدا جدا جدا قدامهم والله بحس نفسي قدمهم طفله زيهم

ربنا يحققلك حلمك يا اختي العزيزة

ملحوظه هامه جدا جدا جدا :_

الصوره الي انتي حتاها في البوست حلوه اوي ياعسل

لك كل الشكر والتقدير

^_^

 
On 2/24/09, 10:29 PM , موناليزا said...

رزقنى الله واياكى بالذرية الطيبة اللهم امين
حلم جميل غاليتى يراود جميع الفتيات وتشتكى منه اغلبية الامهات:)

 
On 2/25/09, 10:26 AM , هديل المشهراوي said...

خواطرك جميلة أختي وتنم عن إحساسكِ المرهف وذوقكِ الحساس0
ولكن حبيبتي! أتمن عليك الانتباهَ أكثر إلى أمورِ اللغة العربية أثناءَ كتابتكِ فهي حبيبة الرحمن المصطفاة دون غيرها أليس من الواجب علينا مراعاتها أكثر !!!
أرجو منكِ أن تتقبلي رأيي أختي الحبيبة0

 
On 2/25/09, 11:28 AM , بحـــر الدموع said...

السلام عليكم

غربتــي..
كلماتك مفعمة بالجمال رونقها سحر من عذب الكلام
أحياناً نحلم بالكثير ثم فجأة نصحو من خيال أحلامنا لنجد أنفسنا نعيش في الواقع المؤلم
لكن أحلامنا يوماً ستتحقق

دمتي بخيـر..

لا تنسوا اخوانكم في غـزة من دعائكم

||..بحــر الدموع..||

 
On 2/25/09, 2:41 PM , zainab said...

حبيبتى أميره

وحشتينى ايه ماوحشتكيش

بجد يا أميرة ماشاء الله عليكى أبدعتى فى نقل احساسك لينا

ربنا يكرمك و يسعدك و ينولك كل ما تتمنى يارب اللهم أمين


تحياتى غاليتى

 
On 2/25/09, 4:48 PM , ghorBty said...

رومنسي

ودائما سيبقي الامل

واملنا في الله وحده

بوركت وجزيت خيرا

::::::::::::::::::

بنوته

وعليك السلام ورحمة الله

جزاك الله خيرا

كبرت الخط والله بس بيفرق من متصفح لغيره

انا بستخدم firefox

والخط كويس عندي

دمت بخير عزيزتي


:::::::::::::::::

ايوشه
اللهم امين يارب العالمين

بوركت غاليتي

:::::::::::::::

ادم المهدي

اهلا بك

ربنا يرزق الجميع واهم شئ تكون ذريه صالحه

تنفعنا بعد مامتنا

دمت بخير

 
On 2/25/09, 4:54 PM , ghorBty said...

شامخه
وعليك السلام والرحمه

فعلا اجمل احساس

ربنا يرزق الجميع بمنه وفضله

جزيت خيرا

:::::::::::::
أنفاس الصباح

اهلا بحضرتك

اللهم امين يارب العالمين

ربنا يرزق الجميع

كتبت تلك الكلمات من خلال موقف رأيته

انا اصلا لسه غير متزوجه

وربنا يرزقنا اللي فيه الصلاح لنا في الدنيا والاخره

دمت بخير ونورتي

::::::::::::::::::::
المعتصم
وعليك السلام ورحمة الله وبركاته

ما شاء الله ربنا يبارك فيه ويجعله من الصالحين

احلي ما فيهم هي البراءه

ربنا يرزقنا جميعا ولا يحرمنا

دمت بخير

 
On 2/25/09, 4:57 PM , ghorBty said...

غاليتي سلمي

بارك اله فيك

ان شاء الله كل احلامنا تتحقق

وربنا قال ادعوني استجب لكم

اللهم هب لنا من ازواجنا وذرياتنا قرة اعين واجعلنا للمتقين اماما

دمت بخير غاليتي

:::::::::::::::

مهندس / علي درويش

اهلا بحضرتك

ودائما تعليقك جميل ومميز

بارك الله فيك

وعجبتني حينما يذهب الخوف عن سن القلم

فعلا والله

لن نحي بالخوف ولكن نحي بالامل

فربنا قادر علي كل شئ فقط نقول يا رب

وسنجده سبحانه سميع مجيب

دمت بخير

 
On 2/25/09, 5:00 PM , ghorBty said...

مذاكرت مشاغب

اهلا بك

جزاك الله خيرا

دا بس من ذوقك العالي

::::::::::::::::

حبيبتي مرمر

بارك الله فيك يا رب

وتقبل الله دعائك

وكلامك دائما جميل وحساس

كقطرات المطر :)

عايزاكي تدعيلي علي طول كدا

وربنا يوفقك وينجحك ان شاء الله

 
On 2/25/09, 5:06 PM , ghorBty said...

هذه حياتي

اهلا بحضرتك

بارك الله فيك

كان ذلك من خلال موقف شاهدته فجعلني اكتب عن هذا

ربنا يرزقنا ما فيه كل الخير لنا ولامتنا

دمت بخير

::::::::::::::::::
la rose

اللهم امين يارب واياك ان شاء الله

احلامنا وخيالنا كتير الايام ديه بس نعمل ايه

الحمد لله

دمت بخير


:::::::::::::::::

لجين ابو الذهب

اهلا بك غاليتي

ياااااااااه يارب يتحقق بجد وما احلاه حينما يكون واقع ملموس

ربنا يرزقنا الازواج الصالحه والذريه الصالحه اللم امين

دمت بخير وسعاده

::::::::::::::::::

fnoonh

اهلا بك ونورتي

بارك الله فيك

دمت بخير وسعاده

 
On 2/25/09, 5:08 PM , ghorBty said...

غاليتي سويت

اللهم امين يارب العالمين

واياك يا رب

دعواتك

دمت بخير

::::::::::::::::

hayatcemresi

وعليك السلام والرحمه

الحمد لله علي كل حال

اهلا بحضرتك

دمت بخير

:::::::::::::::::
محمد غاليه
بارك الله فيك
اللهم امين

ربنا يسعد ايامنا جميعا

دمت بخير

 
On 2/25/09, 5:12 PM , ghorBty said...

فتافيت

ربنا يبارك لك يارب

املنا في ربنا كبير

الم يقل سبحانه

ادعوني استجب لكم

ان شاء الله يتحقق

ربنا يرزقني واياكي ما فيه الصلاح لنا في الدنيا والاخره

دمت بخير

:::::::::::::::::::

دكتوره ستيته

اهلا بحضرتك نورتي المدونه

جزاك الله خيرا وكلك ذوق

ربنا يرزقنا ولا يحرمنا

دمت بخير

 
On 2/25/09, 5:33 PM , ghorBty said...

غاليتي فلور جيرل

اللهم امين يارب

ان شاء الله خير

وهي ديه سنة الحياه

دمت بخير

::::::::::::::

غاليتي موناليزا

اللهم امين يارب العالمين

ربنا يرزقك ما تتمني يارب

دمت بخير

 
On 2/25/09, 5:39 PM , ghorBty said...

غاليتي هديل

اهلا بك وجزاك الله خيرا

بخصوص اللغه العربيه طبعا عندك حق

بس ديه خواطر ومكتوبه بالعاميه

علي العموم الله المستعان

دمت بخير

:::::::::::::::::::::::
بحر الدموع

اهلا بك

مهما كان الوقع مؤلم

الا ان اختيار الله يظل افضل من الاحلام

فهو سبحانه حكيم فيما يفعل وان لم نفهم

وما علينا الا الدعاء

وربنا يحقق لنا ما يره خير لنا

ربنا يثبتكم وينصركم اللهم امين

دمت بخير

::::::::::::::

غاليتي زينب

بارك الله فيك

وحشتني طبعا ربنا يصلح لك الاحوال

ودعواتك دائما

دمت بخير وسعاده

 
On 2/27/09, 2:56 AM , ايوشة said...

مش هقولك غير االاية دى


(وما أبرئ نفسي إن النفس لأمارة بالسوء إلا ما رحم ربى إن ربى غفور رحيم)

انا عارفة انى غلطت بس والله كان غباء منى ومن غير قصد ومكنش هدفى ابدا اشهر نفسى على حسابك انا حالتى النفسية زفت الايام دى وللاسف اتصرفت بغباء‏
اسفة ومعلش كان لازم اعلم التعليق هنا علشان انتى قافلة التعليقات