6:00 AM | Author: ghorBty
في داخل كلا منا أشياء كالبحر الخضم يتضارب فيه الموج تأخذنا مرة لنعانق السماء

ومرة نصطدم بتراب الارض ومهما تكلمت الحروف لتعلن عن حالة فرح بداخلنا

فلن تجد لحظات اصدق ولا اجمل من ادخال سرور علي قلب مسلم وفي النقيض

مهما بكت الحروف عن حزن بداخلنا فاٍنها ستبكي حقا حينما تري البوساء الضعفاء

ولا تستطيع ان تفعل لهم شيئا ..

:

قبل رمضان الماضي ذهبت في قافله تابعه لجمعية رسالة اٍلي قرية

الفهميين بمركز الصف بمحافظة حلوان وكان اول مرة اخرج في قافلة

شعور متضارب فرح وقلق وخوف ودهشه من مناظر كتير شفتها

وبالرغم من الاحوال اللي شوفتها في القريه اٍلا اني وكل اللي معايا

كنا فرحنين بجد من قلوبنا لاننا كنا بنعمل خير وشايفين الفرحه في وجوه

الناس واد ايه احلامهم بسيطه وعيشتهم ابسط

لكن لما الواحد بيشوف الناس ديه من خلال شاشة التلفزيون وهو قاعد يتفرج

الاحساس ساعتها بيختلف شعور بالعجز وقلة الحيله واصعب احساس بجد لما تشوف

حد محتاج وانت قاعد بتتفرج عليه ومش قادر تعمل له حاجه ..لما تشوف ناس

بتقول الحمد لله من قلوبهم وهما لا يملكلوا اٍلا قوت يومهم واقل..

في حين تسمع الشكوي والصراعات من اناس انعم الله عليهم بالكثير ..

فعلا دنيا كنزها حقير ما دام سيلهي عن حمد الله

انا كتبت البوست دا لهدف واحد بذكر نفسي واياكم ان فيه ناس حاولينا كتير

مستضعفين ومحتاجين وربنا رحمنا بسببهم الم يقل رسولنا عليه اصلاة والسلام

ولولا أشياخ ركع وأطفال رضع وبهائم رتع لصب عليكم العذاب صبا..

فلا تنسوهم ولو حتي بالدعاء

فقلوبنا لو تعلمت الانانيه ستقسو كثيرا .. فكم نحتاج ان نتعلم حب المساكين

والعطف عليهم والسماع عنهم ليعود علينا النفع بالرضي والحمد والشعور

بفضل الله علينا ومنه وكرمه فهناك الكثير يعانون ..

فالحمد لله علي كل حال
You can follow any responses to this entry through the RSS 2.0 feed. You can leave a response, or trackback from your own site.

42 comment:

On 6/21/09, 7:03 AM , حتى تشرق الشمس said...

السلام عليكم ورحمة الله وبركاتة
كيف حالك غوربتى ؟
وحشتينى جدا
جزاكم الله خيرا
وجعل هذه الكلمات فى ميزان حسناتك
اللهم امين
دمتِ فى رضا الرحمن

 
On 6/21/09, 7:04 AM , حتى تشرق الشمس said...

اة نسيت اقول

انا اول تعليق هاااااااااااااااااا

 
On 6/21/09, 7:18 AM , ايوشة said...

السلام عليكم ياغربتى صباح الانوار
جزاكى الله خيرا يارب على التذكرة دى الانسان احساسه بالعجز عن مساعدة غيره بيقتله فى اليوم الف مرة وللاسف هنتمسك باضعف الايمان وزى ما قولتلى حتى لو بمجرد الدعاء فى ظاهر الغيب

 
On 6/21/09, 7:42 AM , د. ياسر عمر عبد الفتاح said...

الحاجات دي من أكثر الأشياء اللي بترقق القلب
وكمان بتبقي مفيدة جداً إكساب النفس الرضا والقناعة

كل ما أجي أطلع قافلة .. تحصل حاجة
الحمد لله

ربنا يجعلها في ميزان حسناتك

 
On 6/21/09, 10:33 AM , محمد سعد القويري said...

الأخت الفاضلة :: غربتي ::

حروف تقطر دمًا

تلك الزيارات الخيرية تذكرنا بنعم الله . ولعلها تساهم في رسم البسمة على شفاههم .. حتى ولو لم ترتسم البسمات فيكفي شعورهم بتفقدك وحرصك عليهم ..

الله يعينهم

تحياتي

 
On 6/21/09, 2:11 PM , smilyrose said...

السلام عليكم

وحشتينى يا حبيبة قلبى

وجزاكى الله خيرا على ما تفعلية انتى

ومن يعمل معكى فى الخير

المهم طمنيننى على اخبار

مدام نسيتى صبحتك

حبه غلاسة

وردشان

روح الحب الصادق

 
On 6/21/09, 3:10 PM , salma mohamed said...

جزاكِ الله خيرا مرمورتي على التذكرة
فعلا الحاجات دي بترقق القلب وتحسس الانسان بنعمة ربنا عليه
وكمان بجد من اكثر الحاجات اللي بتدخل السرور على نفس الواحد انه يقدر يخلي غيره سعيد ومبسوط ويشوف الفرحه في عنيه
*****
انتِ وحشاني اوي ابقي حني عليا شوية (:

 
On 6/21/09, 5:17 PM , اسماء واحلام فى وجدانى said...

بجد ربنا يجزايكى خير
على كل افعالك
وعلى تذكيرك لنا بنعم الحياة
وحمد الله على كل شىء
لك منى اجمل الامنيات

 
On 6/21/09, 7:07 PM , بحر الإبداع said...

السلام عليكم

غربتي ...
اعذريني لعدم تواجدي هنا كثيراً لكن بسبب امتحاناتي والحمد لله خلصت على خير

تعرفي يا اختي انا مؤمن بقانون ، لن يشعر بطعم الماء سوى العطشان ولن يشعر بطعم الأمان سوى الخائف
هذا ما يحتاج الكثيرون منا ليفهمه
وليتهم يفهمون شعور اهل غزة .؟!

بارك الله فيك اختي وسدد الله رايكم وجعله في ميزان حسناتكم
دمت بخير

 
On 6/21/09, 7:17 PM , موناليزا said...

ياااه الحمدلله على نعمه الكثيرة التى لا تعد ولا تحصى

 
On 6/21/09, 8:33 PM , ghorBty said...

حتي تشرق الشمس

وعليك السلام والرحمه

ام سلمي

الحمد لله اختي الغاليه

بارك الله فيك وجمعني واياك تحت ظل عرشه

دمت بكل خير :)

 
On 6/21/09, 8:36 PM , ghorBty said...

ايوشه

وعليك السلام والرحمه

جزاني واياك خير الجزاء

ربنا يسمحنا بجد علي قصورنا في حق اخواننا الله يعينا ويعينهم ..

دمت بكل خير ايوشتي ..

 
On 6/21/09, 8:41 PM , ghorBty said...

د/ ياسر

اه والله بتفرق كتير جدا في نفسيه الانسان

واهم شئ شعورة بالرضي عن حاله

القوافل بجد شئ مهم جدا ونافع للطرفين وليس لطرف واحد ياريت الكل يستغل فترة الاجازات ويطلع مع القوافل وبالذات الشباب ربنايستخدم الجميع لطاعته وكما قال رسولنا عليه الصلاة والسلام ( خير الناس انفعهم للناس )

بارك الله فيكم

 
On 6/21/09, 8:45 PM , ghorBty said...

استاذ محمد سعد

صدقت والله

الله يعينا ويعينهم

كتير بيعيب علي الحكومات اللي مقصرة في حق هولاء وبننسي ان احنا كافراد كمان لينا دور وما شاء الله هناك جمعيات وشباب جواهم خير متحرك الله يثبت خطاهم وفي الاخر اللي بيعمل خير بيعمله لنفسه

جزاك الله خيرا ..

 
On 6/21/09, 8:47 PM , ghorBty said...

ورد شان

يا الله واخيرا هل هلالك يا اختي

لن ننسي اخوان لهم مكان في القلب نتذكرهم دائما بالدعاء

وانت لك في القلب مكان :)

اسعدك الله يا وردتي دائما ..

 
On 6/21/09, 8:59 PM , ghorBty said...

اسماء واحلام في وجداني

جزاني واياك

ونفعني الله واياكم

والله مهما فعلنا مقصريين

ربنا يسترها علينا دنيا واخره

بارك الله فيك

 
On 6/21/09, 9:10 PM , ghorBty said...

بحر الابداع

وفقكم الله وسدد خطاكم ان شاء الله يارب بالنجاح والتوفيق ..
هناك اولويات في حياتنا الاهتمام بها اهم ..

:

جميل ما كتبت وصدقت

ولكن الاحساس بالاخرين نعمه من عند المولي ومش شرط ان المحرومين بس بيحسوا ببعض كتير بيكون مهم جدا للعايش في نعم انه ينظر لهولاء ويحس بمعانتهم ليحمد ربه علي اللي هو فيه وكمان يساعد المحتاج دا

والله مش بس الناس اللي تحت الاستعمار بتعاني كثير جدا بيعانوا فالفقر معاناه والظلم والقهر معاناه والمرض معاناه وربنا وحده المعين

وكلنا محتاجين للصبر سواء المبتلي و اللي عايش في نعم ورخاء

الاول محتاج يصبر ويحتسب والتاني محتاج يصبر ويعرف حق النعمه والشكر ازاي ..

واهي دنيا وربنا عز وجل وحده المتصرق فيها والاعلم بما يضرنا وما ينفعنا ..

نسال الله السلامة منها ..

بارك الله فيك ..

 
On 6/21/09, 9:14 PM , ghorBty said...

موناليزاا

هلاااا وغلا بك وحشاني كتير

الحمد لله علي كل حال

ربنا يعينهم ويعينا جميعا

دمت بكل خير ..

 
On 6/21/09, 10:32 PM , عاشقة الأحزان said...

السلام عليكم

حبيبتى الغاليه وحشتينى قووى ونورتى مدونتك ياغاليه ونورتى الدنيا كلها

جميل قووى البوست وربنا يقدرنا على اى شىء ولو حتى بالدعاء فى ظهر الغيب

ربنا يجعلك من المكرمين

ويجعله بميزان حسانتك
دمتى فى حفظ الرحمن
انوسه

 
On 6/21/09, 11:10 PM , لجين أبو الدهب said...

الحبيبة غربتى

اول شئ وحشتينى جدا ووحشتينى مدونتك الجميلة اللى دوما تلمس شئ بداخلى

واشعر بشعورك جــدا لانى كنت مشتركة فى جمعية وكنت بشوف امثال كتير من اللى حكيتى عليها ..

ان شاء الله نتذكر الدعاء لهم ..

وجزاكِ الله خير حبيبتى على التذكرة ..

دمتِ بخير ..

 
On 6/22/09, 12:38 AM , ويكا said...

عارفه
انا بجد والله العظيم ، عمرى ما استمتعت اكتر من متعت الصدقه وبالذات كل ما ربنا من على الواحد بالقدره على العطاء الاكثر.

والله والله متعه ما بعدها متعه ، واجر ما فى اسرع منه اجر . وقبول ما اسهل منه قبول من رب العالمين.

الخمد لله الذى عافانا مما ابتلى به كثير من خلقه وفضلنا على من خلق تفضيلاً.

جزاكى الله خيرا على التذكير الدائم.
واسأل الله ان يوفقنى لزيارتك تكرارا للتذكره.

 
On 6/22/09, 2:14 AM , dr aly khamis said...

السلام عليكم و رحمة الله و بركاته
أختى الكريمة
جزاك الله خيرا
و الله موضوع مهم مهم مهم
سبحان الله من أكثر ما يؤثر فى عندما أقرأ فى السيرة موقف المؤاخاة بين المهاجرين و الأنصار
كيف أن انسان يشارك آخر لا يعرفه إلا منذ لحظات فى نصف ما يملك؟؟؟

و الله موضوع المشاركات دى ( حتى لو بالمواساة بس للى مش معاه فلوس ) تجعل المجتمع متماسكا رحيما و تستمطر رحمات الله علينا و ترقق القلوب و تزيد شكرنا لله على النعم و لو رأيناها قليلة خاصة لو علمنا انها عند غيرنا قد تكون اقصى امانيه ...
ربنا يتقبل منك
و مش عارف لما انزل مصر قريبا هلاقى حاجة زى رسالة فى اسكندرية لا ايه ؟؟؟

بارك الله فيك
تقبلى تحياتى

 
On 6/22/09, 2:21 AM , حياتى نغم said...

السلام عليكم
جزاكِ الله خيراً على تلك المشاعر الفياضه
بارك الله فيكِ
لكِ تاج عندى يشرفنى قبوله
دمتِ فاعله للخير وبخير

 
On 6/22/09, 11:40 AM , محمد عبدالرحمن شحاته said...

دمت في عمل الخير ووفقك الله
الحقيقه جمعية رساله بتعمل مجهود كبير جداً
جزا الله أعضائها والقائمين عليها كل الخير
هذي أول زياره لي أرجوا تقبلها

 
On 6/22/09, 12:17 PM , فتاه من الصعيد said...

كلام جميل فعلا
حتى الدعاء نستكثره ولا نتذكر اخواننا بالدعاء
شكرا لتذكيرك المستمر لنا يا اميره وجزاك الله خيرا

 
On 6/22/09, 1:34 PM , أم مالك said...

الابنة الحبيبة غربتى
فعلا الاشتراك فى القافلات بيكون له شعور تانى انا ولادى لجين واختها كانوا دايما
بيشتركوا ويجوا يحكوا قد ايه احنا فى نعم
نحمد الله عليها
وفعلا اقل الامور فى مساعدتهم الا ننساهم
من الدعاء
دمتى بخير حبيبتى
ووحشتينى

 
On 6/22/09, 2:13 PM , د/عرفه said...

السلام عليكم

كيف حالك غربتى


فعلا مفيش أحلى من إدخال السرور على قلب مسلم


الاحساس بالعطاء
والشعور بالايجابية وانه ممكن يكون ليك دور فى الامة
أحساس رائع

ربنا يجعله
فى ميزان حسناتك
ان شاء الله

 
On 6/22/09, 4:29 PM , mimi said...

مبرووووووووووك

الف مبروك بجد فرحتلك

http://advsarab.blogspot.com/2009/06/blog-post_22.html?showComment=1245677152161#c7374220927420802427


مبرووك

 
On 6/22/09, 4:53 PM , salma mohamed said...

الف مبرووووووووك
افتحي الميل سايبالك رسالة اوف لاين هناك
اقرئيها ضروري

 
On 6/22/09, 7:22 PM , ghorBty said...

انوسه ..

اهلين وسهلين اختي الغاليه ..

وانت كمان وحشاني كتير ربنا يعزك ويكرمك يارب

ربنا يعيننا جميعا علي فعل الخيرات وينفع بنا ..

دمت في حفظ الله ورعايته ..

 
On 6/22/09, 7:25 PM , ghorBty said...

لجين

ياا هلاا يا رب تكوني بخير وسلام

وحشتناا كتير والله

فعلا عندك حق المشاوير ديه بتفرق كتير في نفسية الانسان والله نعم وفضل من الله ربنا يكتب لنا فعل الخير دائما ..

بارك الله فيك يا لوجي ..

دمت بكل خير

 
On 6/22/09, 7:39 PM , ghorBty said...

استاذ ويكا

بسم الله ما شاء الله ربنا يتقبل منك يارب

فعلا عمل الخير بيسعد ويبهج القلب وهو في حد ذاته فضل ونعمه من ربنا

ربنا يوفق الجميع وعلي فكره لو جربت تطلع مع اي جمعيه في زيارات خارجيه لدار مسنين او ايتام او قوافل الخير هتحس بشئ لا يوصف لانك ساعتها هتطلع بمجهودك وهتشتغل بايدك وهتشوف الناس ديه عايشه ازاي واد ايه هما راضيين وبسطاء ... نصحيه جرب ولو مرة واحده والله شرف يعلق علي الجباه ..

ويسعدني مروركم دائما ..

بارك الله فيك ..

 
On 6/22/09, 7:48 PM , ghorBty said...

دكتور علي خميس

وعليك السلام

ما شاء الله حضرتك بتتكلم علي ناس ربنا عز وجل قال فيهم ( ويؤثرون على أنفسهم ولو كان بهم خصاصة) ناس جواهم حب وخير ورحمة بينهم ناس اتربوا علي حب لاخيك ما تحبه لنفسك علشان كدا كانوا ولازالوا قدوات منيره دائما ..

واحنا لما بعدنا عن دينا وطغت علينا الماديات شوفنا اللي بيجرا لنا دلوقتي ربنا يردنا اليه مردا جميلا ويولف بين قلوبنا ويصلح ذات البين ..

:


ان شاء الله هتلاقي جمعيه رساله في الاسكندريه اصلها جمعيه ليها فروع في اماكن كتير علي مستوي الجمهوريه ولو قريت عن بدايتها وشوفت انجازتها هتحس اد ايه ربنا عز وجل كرم الناس ديه وقدروا يعملوا حاجه لانهم اخلصوا النيه نحسبهم كذلك ولا نزكي علي الله احد

دا العنوان هناك .

فرع الأسكندريه
أخبار الفرع

تليفون 034292900
العنوان 44 ش توت عنخ امون -سموحة بجوار كوبرى كليوبترا مترو ماركت
الحسابات البنكيه بنك التمويل المصري السعودي فرع محي الدين ابو العز رقم الحساب 0023449
عن الفرع تم افتتاح الفرع فى اغسطس2003
أنشطة الأفرع
- مساعدات الأسر المستحقة
- أنوار رسالة " تنمية بشرية "
- معارض الملابس المستعملة
- التسويق
- إعادة التصنيع
- زيارات الخير
- مشاوير الخير
- طبق الخير
- بنك الدم
- مجموعات التقوية
- رعاية الصم والبكم
- الإطعام
- رعاية المعاقين ذهنياً
- مراكز رسالة التدريبية (كمبيوتر- لغات)
- النشاط الطبى
- رعاية المكفوفين
- رعاية الأيتام


ودا موقع جمعيه رسالة

http://resala.org/

بارك الله فيكم ..

 
On 6/22/09, 8:27 PM , ghorBty said...

حياتي نغم

وعليك السلام والرحمه

وفيك بارك الله اختي الغاليه

جزاك الله خير الجزاء

دائما يسعدني مرورك هنا ..

 
On 6/22/09, 8:30 PM , ghorBty said...

محمد عبدالرحمن شحاته

وفقنا الله واياكم ان شاء الله ..

فعلا ربنا يبارك فيهم ويسدد خطاهم

فعلا متعة العطاء ..

اهلا بك ..

 
On 6/22/09, 8:31 PM , ghorBty said...

مروة

يااا هلا ..

جزاني واياك يارب

ربنا يتقبل منا وينفعنا جميعا ..

دمت بكل خير وسعاده ..

 
On 6/22/09, 8:53 PM , ghorBty said...

ام مالك

اهلااااااا بحضرتك ربنا يعزك

ويبارك لك في اولادك ودائما تشوفيهم في احسن حال ..

الحمد لله علي نعمة التي لا تعد ولا تحصي

وحضرتك والله وحشتني وكلماتك الرقيقه كمان

دمت بكل خير ..

 
On 6/22/09, 8:56 PM , ghorBty said...

د/عرفه

اهلا بك

الحمد لله علي كل حال

اه والله صدقت وكمان مع الايجابيه لازم ناخد نيه في قول الرسول عليه الصلاة والسلام ( خير الناس انفعهم للناس )

ربنا يعين الجميع ويوفقنا ويتقبل منا

بارك الله فيك ..

 
On 6/22/09, 8:57 PM , ghorBty said...

ميمي

ربنا يبارك في عمرك يارب

ومبروك لك وربنا يسعدك داائما

منوره

 
On 6/22/09, 8:59 PM , ghorBty said...

سلمي

الله يبارك في عمرك ياارب

وعلي فكره انا قاعده وفاتحه الايميل وانت مش موجوده :( مين محتاج يحن علي مين !!!!!!!!!!

 
On 6/23/09, 1:22 AM , dr aly khamis said...

السلام عليكم
جزاك الله خيرا أختى الكريمة
بارك الله فيك

 
On 12/3/09, 8:46 PM , كلمات من نور said...

غربتي

من أجمل ما قرأت للدكتور الشيخ راغب السرجاني كتيب صغير بعنوان : من يشتري الجنة ياريت تقريه معايا وتحاولي تشتريه وتوزعيه عالناس حولك صدقيني كتير من الناس يريد أن يبيع هذه الدنيا ويشتري الجنة

قمت بتحميل الكتاب هنا

http://www.4shared.com/file/164793411/9a0bcdeb/___.html

خالص تحياتي