10:30 PM |
Author: ghorBty
لا ادري لماذا تهمس وتجول في فكري هذا العبارة اليوم ..أحاول بشتي الطرق
عقد اتفاق معها ولكن لا جدوي.. تتسلل دائما لاعطائي أمل مع كل فجر جديد
وتغرب به راحلة مع رحيل الشمس
احس وكأنها مطر دافيء في ليال الشتاء سرعان ما يجف ويزول اثره
للشق الثاني منها سحر أخاذ يطمئن القلوب يطير بالنفس في ربوع
خضراء وزهور وورود وحلم جميل مغلف بأشواك تخترق القلب
لتجبره علي الانقياد والاستسلام للشق الاول فيستيقظ القلب من الحلم
علي مرارة الواقع الاليم .. ليردد اللسان سؤال واحد لكاتب هذه العبارة
( حب ما تعمل حتي تعمل ما تحب )
ويقول له
كم كيلو من الليمون أحتاجه لكي أعصره علي نفسي واطبق براءة اختراعك الثمين ؟؟؟؟
):
غ ـــــــربتي
Category:
خ ــواطري °•.
|
51 comment:
دي عباره لا تتماشى مع واقعنا المعاصر
وكمان الليمون مغشوش الايام دي (:
السلام عليكى ورحمة الله وبركاته ياغربتى
حب ما تعمل حتي تعمل ما تحب
لا كده هنحتاج ليمون كتير اووووى علشان نطبق العباره دى ويمكن مايكفى ويمكن كمان ماتحبيش العمل دا بعد دا كله
دمتى بكل خير ياغربتى
العبارة دى انا متهيلى انها اصبحت وهممن منا مش بيحلم انه يعمل اللى بيحبه لكن مع اول احتكاك حقيقى بالواقع بتظهر الحقيقى وهى اننا فى دايرة واحدة اينعم فى ناس بتخرج منها وفى ناس بترضى وتستسلم وفى ناس بتفضل ترفض وترفض وترفض لحد ما تلاقى نفسها تاهت وبعدت عن حتى الشىء اللى كانت مش حابها
ربنا يبعدنا عن كل شر ويرضينى باللى بنعمله حتى لو كان بشكل مؤقت
لانه فى الاول وفى الاخر مقدر ومكتوب
اما بخصوص الليمون انا نسيت اتكلم عليه كليو الليمون النهاردة بقى بستة جنيه طيب هنقول ايه
لا اله الا الله
سيدنا محمد رسول الله
سلمي
بجد والله
الحمد لله انا افتكرت العيب فيا
وكمان غشو في الليمون :( والله كان نفسي اشرب شاي بليمون دلوقتي بلاش بقا ونمشيها شاي بنعناع .
ربنا يصلح الاحوال
صمت الحنين
وعليك السلام والرحمه
ان شاء الله تكوني بخير
ايه والله
والاعجب من كدا اد ايه صعب علي النفس ان الواحد يحاول يحب شئ وعمره يضيع وفي الاخر لا يحبه ولا يلاقي وقت اصلا ولا نفس يعمل اي حاجه بعد كدا سواء بيحبها او لا ..
الا هو الحب بالعافيه والا القلب فيه زرار نقوله حب يحب دا اسمه كلام ..
ربنا يصلح الاحوال
دمت بخير وسعاده
نسيت اقولك الف مبروك على الجايزة
انتى فعلا تستحقيها
يارب كده دايما
ويوفقك دايما
اسماء واحلام في وجداني
العباره فعلا وهم بس كتير عايشين فيها
وبيحولوا بس والله بيكون ضغط علي الاعصاب
ولو شئ بيتعمل كدا من غير حب بيكون ليس له قيمه ولا معني
انا بيعجبني عباره جميلة جدا بتقول
ان لم تستطع شئ فدعه
لو كل حد عمل الشئ اللي بيحبه اكيد هنلاقي ابداع في حاجات كتير بس ساعات التخصصات بتقتل مواهب كثير ويصبح الانسان زي الاله كدا بيشتغل وخلاص وساعتها سهل جدا بيعمل يدوس علي الزرار ويحب ما يعمل !
بسته جنيه كويس جدا استغلال بقا مش قالوا نشرب كوب به ثمرتين من الليمون كل صباح حتي نقي انفسنا من انفلونزا الخنازير ربنا يبارك في دعايةاذاعة البرنامج العام
ربنا يسترها علينا ..
طب والله جمله زي الفل
فعلا لازم نحب مانعمل حتي نعمل مانحب
بس نحب ايه بقي ونعمل ايه بقي الله اعلم؟
هو فيه حد بيعمل حاجه هو عايزاها؟
ولا حد يبقي نفسه في حاجه ويقدر انه يحققها؟
معلش بقي هنعمل ايه؟
تقبلي مروري
اسماءواحلام في وجداني
الله يبارك في عمرك ان شاء الله
جزاك الله خيرا ..
الحمد لله .. وهذ لم يكن بعد فضل الله لولا ترشيحاتكم
بارك الله في الجميع
ديالا
اهلا بك ..
زي الفل فعلا بس تطبيقها صعب جدا
وربما تكون مضره كمان لان فيه ناس عمرهم بيضيع في عمل لا يصلحوا له ولا بيحبوه لمجرد ان دا تخصصهم وممكن كمان يقتل جواهم مواهب لانهم ما نموهاش واستغلوها ودا نتيجه انشغالهم بحب ما تعمل ومحاولاتهم المتكرره في ذلك ..
الله يصلح الاحوال ..
دمت بخير
ghorBty
تهرب الحروف من نافذة أفكاري
وتسرح في حدود الشمس
وتتأمل في النجوم
ثم تعود من جديد
فلم أستطع تجميعها
كي أبني منها قصراً من الكلمات الصادقة
أفتح بستان الجمل
وحدائق الكلمات
لأقطف منها بعض الأحرف
وفجأةً تتطاير كأسراب الطيور المهاجرة
ولكن ألمح بعضاً منها
وهاهي ترجفُ
وها أنذا أجمع شتاتها
وها هي تنطق بلسان شخصها
بمجداف حبركـِ الجميل.وبقارب احساسكـ الدافيء
عبرتي بنا في بحور الحرف
والكلمة والعشق والجمال
ماأجمل ماسطرتِ
فلقد وقفتْ حروفي عاجزة
عن إيجاد كلمات تناسب حروفكـِ الرائعه
أعلم أن لديكـِ الكثير والكثير من الإبداع
فلاتبخلي علينا ولا تحرمينا من روائعكـِ
دمتِ متألقةً كما عهدتكـِ
السلام عليكم و رحمة الله و بركاته
أولا مبروك على فوز مدونتك
ثانيا ...هى فعلا الجملة صعبة التنفيذ لكن :
على قدر أهل العزم تأتى العزائم
و تأتى على قدر الكرام المكارم
بارك الله فيك
تقبلى خالص تحياتى و تهانىّ
بسم الله الرحمن الرحيم
السلام عليكم ورحمة الله وبركاته
غربتى
تحياتى
شوفى يااختنا الكريمه
حب ماتعمل حتى تعمل ماتحب
فضلت احب مااعمل ومستنى اعمل ما احب
وشكلى هستنى كتير
ومااحب مش راضى ييجى
وشكله كده مش هييجى
انما هنعمل ايه يعنى ؟؟؟؟
نقعد فى البيت من غير مانعمل ولا ايه
ادينا بنعمل اى حاجه وبنحاول نعملها ونرضى ربنا بيها
ويمكن ربنا يسهلنا ونعمل مانحب قبل مانموت
اقولك على حاجه حلوة خالص تعمليها (ولو انى عارفك مش هتقدرى)
كبرى الجمجمه وروقى دماغك
ههههههههههههههههههههههههههه
تقبلى مرورى وتحياتى
ودمتِ بكل خير وود
والسلام عليكم ورحمة الله وبركاته
السلام عليكم ورحمة الله وبركاتة
كيف حالك يا حبيبتى؟
لية بس كدا
صدقينى ارضى بواقعك
وحاولى ان تنظرى لنصف الكوب المليان
وليس الفارغ
معلش حاولى مش هتخسرى حاجة
دمت بالف خير
ازيك يا غربتي وحشتيني حبيبتي
في اعتقادي لو تبادل الشقان لكانت أوقع في النفس
وهو ان نعمل ما نحب لكي نحب مانعمل
تقديري لك حبيبتي
( حب ما تعمل حتي تعمل ما تحب )
( حب ما تعمل حتي تعمل ما تحب )
( حب ما تعمل حتي تعمل ما تحب )
( حب ما تعمل حتي تعمل ما تحب )
( حب ما تعمل حتي تعمل ما تحب )
( حب ما تعمل حتي تعمل ما تحب )
( حب ما تعمل حتي تعمل ما تحب )
( حب ما تعمل حتي تعمل ما تحب )
لا انا بس بكرر الجملة علشان اقدر اقنع نفسى بيها :)
للاسف من زمان وبطلت اقتنع بالجملة دى وبجمل كتير
ولا ليمون الدنيا كلها هيقنعنى :(
السلام عليكم
غربتى حبيبتى وحشتينى قووى
وكمان هغيب عنك لمدة عشر ايام ان شاء الله مسافره زياره كده
هتوحشينى قووى ياحياتى
البوست جميل قووى بس حب ما تعمل حتى تعمل ما تحب
جميله قووى الحكمة دى بس محتاجه ليمون كتير قووووووووى
ههههههههههه
هذا أجمل ما قرأت هذا اليوم فعلا علينا أن نتعلم ونعود أنفسنا بأن نقتنع ونحب ما لدينا عندها قد نجد السعادة التى ننشدها أليس هناك من يقول أن السعادة تنبع من داخلنا
تقبلى تحياتى ومودتى
انوسه
الأخت الفاضلة :: غربتي ::
أعجبتني
:)
اميرة غربتى الجميلة
لولا اننا نحب عملنا ما عملنا ما نحب
اخذت عمرا فى دراسة مجال غير مجالى
ولاننى لم استطيع ان احبه بحثت عما
احبه وتعلمته وعملت فيه
واكرمنى الله وتفوقت فيه
شئ واحد لم اتعلمه هو ان اتوقف عن
اعطاء الحب هههههههههههههه
واتمنى الا اتعلمه
احبك فى الله
وردشان
روح الحب الصادق
السلام عليكم عريتى البوست جميل فعلا بس هى احلام زى ما قولتى كلنا بنحلم اننا نكون حاجه بس بيجى شىء يرجع كل حاجه للخلف وطبعا المقوله( حب ما تعمل حتي تعمل ما تحب ) ياريت الكل يمشى بيها بس دى مقوله فقط محدش بيعمل بيها تقريبا تحياتى
السلام عليكم
حب ما تعمل حتي تعمل ما تحب
هل هي فكرة التغيير المسيطرة
حتي نعشق ونحلم بالتغيير
وينفض الحلم كل يوم
ويعود من جديد
،،،ـــــ،،،،
حب نفسك لتحب كل شئ
اذا امتلئ قلبك بالحب والرضا
ستحب كل شئ
وستعمل أي شئ بحب
ولن تعمل الا ما تحب
،،،،
بلاش موضوع الليمون
لأنه بيثب أن اللذاذة في المزازة
ولأن الحياة بلا مرارة ( مزازة) أو ألم وقدر لن نشعر بقيمتها
لأن كل شئ يظهر ويوضح بضده
تحياتي
نحن أمة أقرب للتواكل منا للعطاء وما نحبه عادة ( النوم ,اللعب, مشاهدة الأفلام ..الخ ...)
أمة كلام في كلام
حياتها في الأحلام
لا تقولي احنا مين
ولا حتي احنا بكام
عايشين جوة الدار
كارهين لأي نهار
بنعشق الأغاني
ونغني مع الأماني
عايزين نموت ونحيا
عشان نموت تاني
ما لناش أي هدف
بنينا بيت م الصدف
وركبا موج عالي
لحد ما غرقنا
ومركبنا منا حدف
وعجبي
مش محتاجه لمون ولا حاجه يا اميره
شوفي اي نقطه بتحبيها في شغلك ..... اي حاجه حتى لو كان البريك....او مشوار العوده من العمل ..... او يوم الاجازه
وبعدين الليمون غالي دلوقت :)
المهم انا موش زعلانه اوي على الماتش يا امورتي ...... انا تمام ..... وبجد شكرا لاهتمامك
انا من ساعة ما بدأت اعمل وانا بحب ما اعمل بس اللي بيحصل ساعات بيكرهني فيه
بس لحد الان مش بعمل ما احب خالص
متفقة مع المقولة جدا على فكرة
وكما ان الحلم بالتحلم والصبر بالتصبر فأيضا الحب بالتعود
اقنعى نفسك انك بتحبى الحاجة ومع مرور الوقت هتقدرى تتأقلمى معاها
السلام عليك
أسعدنى مرورك الطيب وعذراً على تأخيرى عن متابعتك
إننا فى بلدنا هذه لا نؤمن بأن نعمل ما نحبه ولكننا نعمل فى المكان الذى ليس بمكاننا ولا نحبه وهذه مشكلاتنا فى بلدنا هذه وبالتالى من المفترض علينا أن نخلق الدافع لأنفسنا فى العمل الذى نعمل به
دمت بكل الخير
غربتى
السلام عليكم
أولاً مليوووووووون مبرووووك لحصولك على المركز الثانى
ثانياً نحن فى بلدنا نؤمن ببدأ هام وهو أن نضع الرجل الغير مناسب فى المكان الغير مناسب وإن كان على الليمون بسيطة
تقبل مرورى
دائما ما تحوطنا احلام شائكة ..
بعضها يكون صائب من وجهة نظر الجميع والبعض الاخر لا
ولكن تظل بداخلنا دائما ..
حقق الله كل احلامك حبيبتى ..
دمتِ بكل خير ..
الرائعه
غربتي
بقيت هنا أرى وأدقق في مدى جودة هذه الجمله
بالفعل كما قلتي
الله المستعان أختي
دمتِ رقيقةالقلب دوما ً غاليتي
إحترام وزهر
للوش
مرورك دائما سحاب محمل بالخير والامل
وحضورك له بريق خاص يبعث في قلبي فرح
وكيف لا وانت صاحبة الاحساس المرهف والصمت المعبر دون كلام ..
اسعدك الله للوش كما تسعدني دائما
كلماتك كالخير الجزيل تعطني اكثر مما استحق ولكن الكرم لا يقابل الا بالحب
فلكِ مني كل الشكر والحب والوفاء
لا حرمني الله منك ابدا ..
يا صاحبه الصمت الدافئ ..
دمت بكل خير ..
د/علي خميس
وعليك السلام
الله يبارك في عمرك ان شاء الله
فعلا العزيمه شئ كويس جدا بس فيه فرق كبير لما الواحد يعمل شئ بيحبه هينجز فيه وهيحس ان لحياة معني غير لما يعمل شئ بعيد عن ميوله ويحاول انه يحبه علي امل ان يعمل اللي الحاجه اللي بيحبها
الله المستعان
المعتصمـ
وعليك السلام والرحمه
ربنا يصلح الحال ان شاء الله وييسر لنا الامور ويا ترا العيب في مين بالضبط :(
اظن ان اسلوب التعليم عندنا محتاج خطه من جديد لان تقريبا معظم الناس بتشتغل حاجات بعيدها عن ميوها وعن الاشياء اللي بتحبها علشان كدا عمرنا ما هنتقدم ..
اكبر دماغي اكتر من كدا دا انا ياااااما كبرت والله بس صعب توصل 3/4 الطريق وترجع من غير نتيجه الواحد بيصارع من اجل انه يحب ما يعمل بس مش عارف وان شاء الله لما اوصل لاخر الطريق هجيب كرسي وهقعد واستريح علي الاخر
ومش هعتبه تاني ( لا يسلم المؤمن من جحر مرتين ) الحمد لله ..
وعليك السلام ..
حتي تشرق الشمس
وعليك السلام والرحمه
الحمد لله انا بخير والله
ايوا والله انا صابره علشان النصف المليان وان شاء خير
بس برضوه مش مقتنعه بالحكمة ديه..
ربنا يكرمك ويعزك يارب
دمت بكل خير
ما ما اموله
اهلا بحضرتك وانت وحشااني اكتر
ربنا يصلح الاحوال ان شاء الله
هي لو واصبحت ( اعمل ما تحب ستجد كل شئ جميل ) واكيد الفرق في الاحساس هيكون واضح وهيحرك الانسان انه ينجز وينتج :)
دمت بكل خير ..
ايوشتي
يا هلا والله ..
كرريها زي ما انت عايزه بس لو جربتها مش هتقتنعي اكثر واكثر
:(
ربنا ييسر الاحوال
انوسه
وعليك السلام الرحمه
بالسلامه يارب ان شاء الله تكون اجازه سعيده ..
فعلا السعاده تنبع من الداخل بس لو العوامل الخارجيه خناقكي مش هتحسي باي سعاده
ربنا ييسر الامور ..
منتظرين عودتك :)
استاذ محمد سعد
اهلا بحضرتك ..
اللي اعجبتك الحكمة والا الليمون ؟؟
متهيالي الليمون احلي بكتير ..
جزاك الله خيرا
وردتي
اهلين وسهلين ..
هو دا الكلام واكيد لما جربتي وعملتي الشئ اللي بتحبيه حسيتي بالفرق
ربنا يوفقك كمان وكمان
:) لا اظن ان روح الحب الصادق ممكن تبطل تعطي الحب ..
وفقك الله الي ما يحب ويرضي
دمت بكل خير
حياة بلا عنوان ..
هلا والله بك اختي الغاليه
بارك الله فيك ..
ربنا يصلح الاحوال ..
احنا بس محتاجين نحدد اهادفنا صح ونسعي لها
والله المستعان
دمت بكل خير ..
hasona
وعليك السلامـ
جزاك الله خيرا ..
كلام جميل بل رائع ..
ولكن يبقي التنفيذ .. الكلام دائما سهل والانسان دائما بيسعي انه يكون ناجح وسعيد في حياته ودا اكيد بيكون بالرضا وكمان لو عمل شئ بيحبه مش مغصوب عليه ..
والله المستعان ..
بارك الله فيكم
شجر الليمون ..
جزاك الله خيرا ..
مش كل الناس والله بتحب تنام وتتفرج علي الافلام فيه ناس عندها هدف وحلم بجد بس دائما ما تتحطم بفعل الظروف او وضعهم في مكان غير مناسب لهم فبيضيع الحلم والهدف ..
الله المستعان ..
بارك الله فيك ..
مروة
هلا والله ..
عندك حق فعلا انا اكتر حاجه بحبها طبعا يوم الاجازه :)
ربنا يصلح الاحوال ..
وان شاء الله دائما بخير وسعاده ..
اسعدك الله وسدد خطاك ..
حياة بلا عنوان ..
هلا والله بك اختي الغاليه
بارك الله فيك ..
ربنا يصلح الاحوال ..
احنا بس محتاجين نحدد اهادفنا صح ونسعي لها
والله المستعان
دمت بكل خير ..
موناليزا ..
هلاااااا والله
عندك حق والله بس الحب بالتعود دا شئ ممكن اظنه شئ صعب ان الواحد يبر نفسه علي حب شئ !!!
الله المستعان ..
دمت بكل خير
اللؤلؤه
وعليك السلام ..
ربنا يبارك في حضرتك
وهو دا الكلام السليم بجد .. لو كل حد عمل الشئ اللي بيحبه اكيد هيبدع فيه وهنتقدم بجد ..
ربنا يصلح الاحوال
وجزاك الله خيرا
شموع
وعليك السلام
الله يبارك في حضرتك .. ان شاء الله
والله صدقت ربنا يصلح الاحوال
الله المستعان ..
جزاك الله خيرا ..
لجين ..
اهلين بك ..
ربنا يحقق لنا جمعيا كل امانينا ..
ونلاقي احلامنا قدام عيننا واقع منير ..
دمت بكل خير ..
انفاسي
اهلا يا الغلا ..
ربنا يبارك فيك ويسعدك ان شاء الله
كما يسعدني مرورك الرقيق النادي ..
دمت بكل خير ..
من غير ليمون و لا حاجة ,
هو ربنا لما بيكرم الواحد بيريحه حتى لو كان شغال إيه ,
أنا أعرف ناس كانت بتحب مجالها و شغلها قوي ,
لكنهم للأسف كرهوه بلا سبب و طبعا فشلوا فيه !!
ربنا يعيننا و إياكم و جميع المسلمين و ييسر لنا أمورنا
تيمي
جزاك الله خيرا
فعلا التوفيق كله بيد الله عز وجل
ربنا يفتحها علينا فتح مبين
وييسر الاحوال والامور
ويخرجنا من الدنيا علي خير